قازاقستاندا ەرەسەكتەردىڭ قانشا پايىزى تەمەكى شەگەدى
بۇل تۋرالى ق ر دەنساۋلىق ساقتاۋ ءمينيسترى اجار عينيات ۇكىمەت وتىرىسىندا ايتتى، دەپ حابارلايدى قازاقپارات ءتىلشىسى.
«دۇنيەجۇزىلىك دەنساۋلىق ساقتاۋ ۇيىمىنىڭ 2019 -جىلعى زەرتتەۋ دەرەكتەرى بويىنشا قازاقستان رەسپۋبليكاسىندا 15 جاستان اسقان ەرەسەك ادامداردىڭ اراسىندا تەمەكى شەگۋ - 21,5 پايىز بولعان. بۇل رەتتە ەر ادامدار اراسىندا - 38 پايىزدان استامى، ايەلدەر اراسىندا-6,4 پايىزى تەمەكى شەگەدى. تەمەكى شەگۋدى باستاۋدىڭ ورتاشا جاسى - 17-دەن 18 جاس»، - دەدى ۆەدومستۆو باسشىسى.
مينيستر كەلتىرگەن ستاتيستيكا بويىنشا، 15 جاستاعى ۇلداردىڭ اراسىندا تەمەكى شەگۋ كورسەتكىشى - 10 پايىز، قىزداردىڭ اراسىندا - 6 پايىز.
«جاسوسپىرىمدەردىڭ اراسىندا ەلەكتروندىق سيگارەتتەرگە دەگەن اۋەستىك جوعارى. ۇلداردىڭ اراسىندا 15 جاستاعى قىزعىش تەمەكىنى )ەلەكتروندى تەمەكى ( تۇتىنۋشىلار - 14 پايىز، قىزداردىڭ اراسىندا - 6 پايىز قۇرايدى»، - دەدى اجار عينيات.
