مينيستر دارىگەرلەردىڭ قۇقىعىن قورعاۋدا قانداي وزگەرىستەر بولاتىنىن ايتتى
«مينيسترلىك مەديتسينا ماماندارىنىڭ قۇقىعىن قورعاۋ تۋرالى زاڭ جوباسىن ازىرلەدى. زاڭنىڭ ءوزى وتە كەشەندى. دارىگەردىڭ مارتەبەسى، جالپى مەديتسينا قىزمەتكەرلەرىن الەۋمەتتىك، ماتەريالدىق قولداۋ ماسەلەلەرىن كوتەرەدى. سونداي-اق، مەديتسينا قىزمەتكەرلەرىن الەۋەتتىك ساقتاندىرۋ ماسەلەسى دە قوزعالعان. مەديتسينا قىزمەتكەرلەرىنىڭ قورعاۋدا بولۋىن، مەدتسينالىق ينتسيدەنتتەر ءۇشىن دارىگەرلەر قىلمىستىق جاۋاپكەرشىلىك ارقالاماۋىن قاراستىرعان. ول ءۇشىن ءاربىر مەديتسينا مامانى، تەك دارىگەر عانا ەمەس ورتا مەديتسينالىق قىزمەتشى دە ءوزىنىڭ كاسىبي قىزمەتىن ساقتاندىرۋ كومپانيالارى ارقىلى ساقتاندىراتىن بولادى»، - دەدى ۆەدومستۆو باسشىسى.
زاڭ جوباسى بويىنشا، ەمدەلۋشى مەن مەديتسينا ماماندارىنىڭ اراسىندا داۋ تۋىنداسا، ول اۋەلى مەدياتسيا اياسىندا قارالۋى كەرەك.
«مەديتسينالىق ينتسيدەنت تۋىنداعان جاعدايدا اۋرۋحانالاردىڭ جانىنان ەمدەلۋشىلەردى قولداۋ ورتالىقتارى جۇمىس ىستەيدى. سونداي-اق، ەمدەلۋشىنىڭ شاعىمى نەمەسە ءوتىنىشى مەدياتسيا ارقىلى قارالادى. مەدياتسيا اياسىندا كەلىسىم بولماعان جاعدايدا بۇل ىستەر ساقتاندىرۋ كومپانيالارىنا تۇسەدى. سول كومپانيالار دەنساۋلىققا كەلتىرىلگەن زالالدى وتەپ بەرەدى»، - دەدى اجار عينيات.
