شەتەلدەگى كاپيتالدى ەلگە قالاي قايتارامىز: پرەمەر- مينيستر ارنايى كەڭەس وتكىزدى

None
None
نۇر- سۇلتان. قازاقپارات – ق ر پرەمەر- ءمينيسترى ءاليحان سمايىلوۆ كاپيتالدى شەتەلدەن ەلگە قايتارۋدى ىنتالاندىرۋ جانە ەلىمىزدەن قاراجاتتىڭ جىلىستاۋىنا قارسى ءىس- قيمىل جاساۋعا باعىتتالعان شارالاردى كۇشەيتۋ جونىندەگى ۇسىنىستاردى تالقىلاۋ بويىنشا كەڭەس وتكىزدى.

بۇل تۋرالى قازاقپارات ۇكىمەتتىڭ Telegram كانالىنا سىلتەمە جاساپ حابارلايدى.

وسىلايشا، ق ر پرەمەر- ءمينيسترىنىڭ وكىمىمەن كوميسسيا قۇرىلدى، ونىڭ اياسىندا بەس جۇمىس توبى ارەكەت ەتەتىن بولادى. اتالعان جۇمىس توپتارى اقشالاي قاراجاتتىڭ جىلىستاۋى بويىنشا تالداۋ جۇرگىزىپ، كاپيتالدى شەتەلدەن ەلگە قايتارۋدى ىنتالاندىرۋ، شەكتەۋ شارالارىن ەنگىزۋ، شىعارىلعان كاپيتالدى قايتارۋ شارالارىن قابىلداۋعا بايلانىستى ءتيىستى ۇسىنىستاردى ازىرلەيدى.

اتاپ ايتقاندا، قارجى مينيسترلىگىنىڭ مەملەكەتتىك كىرىستەر كوميتەتىنە ۆاليۋتالىق باقىلاۋدىڭ جەكەلەگەن فۋنكتسيالارىن بەرۋ جونىندەگى ۇسىنىستار تالقىلاندى. ىنتالاندىرۋ شارالارىنىڭ ءبىرى - كەلىپ تۇسكەن ۆاليۋتالىق ءتۇسىمنىڭ %80 ىنا ايىرباس جاسالعان جاعدايدا، قايتارۋعا ۇسىنىلعان قوسىلعان قۇن سالىعى سومالارىن وڭايلاتىلعان تارتىپپەن وتەۋ. سونداي- اق رەزيدەنت ەمەستەرگە ديۆيدەندتەر تولەۋ كەزىندە سالىقتىق جەڭىلدىكتەردى جويۋ، رەزيدەنت ەمەس ءوزارا بايلانىستى تۇلعالار كورسەتكەن ماتەريالدىق ەمەس قىزمەتتەر بويىنشا شەگەرىمدەردى شەكتەۋدى ەنگىزۋ سياقتى شەكتەۋ شارالارى ۇسىنىلادى. «ترانسفەرتتىك باعا بەلگىلەۋ تۋرالى» ق ر زاڭىن جەتىلدىرۋگە باعىتتالعان نورمالار ازىرلەندى.

«ودان بولەك، كاپيتالدى ەلگە قايتارۋدى ىنتالاندىرۋ، سونداي- اق كاپيتالدى ەلدەن شىعارۋدى سالىقتىق اكىمشىلەندىرۋدى كۇشەيتۋ بويىنشا دا شارالار پىسىقتالىپ جاتىر. كوميسسيا جۇمىسىنىڭ قورىتىندىسى بويىنشا ءتيىستى ۇسىنىستار مەملەكەت باسشىسىنىڭ اتىنا جولدانادى»، - دەلىنگەن حابارلامادا.


سوڭعى جاڭالىقتار