ءبىر تاماقتى كۇندە جەي بەرگەننىڭ قاۋپى قانداي؟
ديەتامەن بەكىتكەن تاعامدى عانا تۇتىنامىن دەيتىن جاندار تاعى بار. الايدا مامانداردىڭ ايتۋىنشا، ءبىر تاعامدا ۇنەمى، كۇندەلىكتى جەي بەرۋگە تاعى بولمايدى.
ماسەلەن، جاقىندا اعىلشىننىڭ تانىمال فۋتبولشىسى دەۆيد بەكحەمنىڭ جارى ۆيكتوريا بەكحەم «مەن 25 جىل بويى كۇندە قۋىرىلعان بالىق پەن بۋعا پىسكەن جەمىس- جيدەك جەگەنمىن» دەپ مالىمدەگەن ەدى. ارينە، بالىقتىڭ ەتى - ادام اعزاسىنا وتە پايدالى تاعامدار. ونىڭ ۇستىنە، بۋعا پىسكەن جەمىس- جيدەك تە وتە پايدالى ءارى اسقازانعا اۋىرلىق تۇسىرمەيدى.
الايدا ماماندار بۇلاي تاماقتانۋدىڭ زيان ەكەنىن ايتادى. لوندون كورول كوللەدجىنىڭ ماماندارىنىڭ ايتۋىنشا، وسى تاعام پايدالى دەپ ونى كۇندە جەي بەرۋگە تاعى بولمايدى.
«ويتكەنى ءبىر تاعامدا بار قورەكتىك زات ەكىنشىسىندە بولماۋى مۇمكىن. سودان مۇنداي ادەتكە بەيىمدەلگەن ادامدا بەلگىلى ءبىر نۋتريەنتتەر جەتپەي قالادى. تاعامدى ارالاستىرىپ جەگەن - ەڭ دۇرىسى. ادامعا قاجەت بۇكىل قورەكتىك زات ءبىر تاعامنىڭ بويىنا ءبىتۋى تاعى مۇمكىن ەمەس. سوندىقتان ءبىزدىڭ ديەتولوگتار تاعامدى ارالاستىرىپ، بارىنشا ءارتۇرلى استان ءدام تاتۋدى قۇپ كورەدى»، - دەيدى كوللەدج زەرتتەۋشىلەرى.
مامانداردىڭ ايتۋىنشا، ادامنىڭ اعزاسىنداعى اقۋىز، ماي جانە كومىرسۋ ءبىر- بىرىمەن تەپە- تەڭ بولۋى ءتيىس. ادامنىڭ يممۋندى جۇيەسى، ىشەكتىڭ اس ءسىڭىرۋى مەن بۇكىل اعزانىڭ جۇمىسى تىكەلەي سوعان بايلانىستى.
