مادەني دەمالىس: وسى اپتادا ەلوردادا قانداي ءىس-شارالار وتەدى

نۇر-سۇلتان. قازاقپارات - وسى اپتادا ەلوردالىقتاردى كەز كەلگەن جاستاعى جاندارعا ارنالعان قويىلىمدار، كورمەلەر، تانىمدىق دارىستەر مەن كونسەرتتەر كۇتەدى، دەپ حابارلايدى قازاقپارات ءتىلشىسى نۇر-سۇلتان اكىمدىگىنىڭ رەسمي سايتىنا سىلتەمە جاساپ.

5- ءساۋىر ساعات 19:00 دە ە. راحماديەۆ اتىنداعى مەملەكەتتىك اكادەميالىق فيلارمونيا «سارىارقا» فولكلورلىق ءانسامبلىنىڭ «سول ءبىر كەز» رەترو-كونسەرتىنە شاقىرادى.

8- ساۋىردە «استانا» كونسەرت زالىندا «شىعىس بوياۋلارى» باعدارلاماسى بار سيمفونيالىق وركەستر ونەر كورسەتەدى.

8- ءساۋىر كۇنى كەشكە م. گوركيي اتىنداعى مەملەكەتتىك اكادەميالىق ورىس دراما تەاترى م. لادونىڭ «وچەن پروستايا يستوريا» اڭگىمەسى قويىلادى.

9- ءساۋىر كۇنى ساعات 11:00 دە جاس كورەرمەندەر ءۇشىن استراحانتسيەۆ اۋىلىنىڭ «براتەتس ليس ي براتەتس كروليك» ەرتەگىسىنىڭ كورسەتىلىمى وتەدى. سول كۇنى كەشكە م. ماكدوناحتىڭ «چەلوۆەك-پودۋشكا» دەتەكتيۆىن كورۋگە بولادى.

5- جانە 6- ساۋىردە «جاستار» تەاترىندا ج. الىكەننىڭ «كۇيەۋ بالا» دراماسىنىڭ پرەمەراسى وتەدى.

7- ءساۋىر كۇنى ساعات 12:00 جانە 14:00 دە «ۇرپاق، توقپاق!» ەرتەگىسى كورىنىس تابادى. ال ەرتەڭىندە كورەرمەندەر ن. گوگولدىڭ «ريەۆيزور» تراگيفارسىن كورە الادى.

9- جانە 10- ساۋىردە تەاتر ارتىستەرى ب. سوقپاقبايەۆتىڭ «كوزىمە ءبىر كورىنسەڭ، بالا عاشىق...» ساحنالىق پوۆەسىن ورىندايدى.

ەلوردالىق قۋىرشاق تەاترى ءۇش كۇن بويى - 8، 9 جانە 10- ساۋىردە - «جاڭعىرىق قالاي پايدا بولدى» اتتى جاپون حالىق ەرتەگىسىنە شاقىرادى. مۋزىكالىق جاس كورەرمەن تەاترى 10- ءساۋىر كۇنى ساعات 19:00 دە ء«ولى جاندار» تراگي-فارس قويىلىمىن ۇسىنادى.

سول كۇنى NOMAD City Hall ساحناسىندا و. بوكەيدىڭ «اۋىل حيكايالارى» دراماسى كورسەتىلەدى. ەلوردانىڭ ورتالىقتاندىرىلعان كىتاپحانالار جۇيەسى وسى اپتادا ءداستۇرلى تۇردە كۇندەلىكتى ءوز وقىرماندارى ءۇشىن اعارتۋشىلىق باعىتتاعى ءىس-شارالار ۇيىمداستىرادى.

5- ءساۋىر كۇنى ساعات 12:00 دە ورتالىق بالالار مەن جاس وسپىرىمدەر كىتاپحاناسىندا «پاراسات جولى» باعدارلاماسى اياسىندا «ءبىزدىڭ ەلتاڭبا» ادەبي اڭگىمە، 6- ءساۋىر - «جازدا دوستارمەن بىرگە كىتاپ وقۋ ءساندى» تاقىرىبىندا اڭگىمە، 8- ءساۋىر - «بالالاردىڭ قولىمەن عاجايىپتار جاسالادى» كىتاپ قويىلىمى وتەدى. سونداي-اق، 5- ساۋىردە 8№ بالالار كىتاپحاناسى «حوروشيە كنيجكي پيسال دەد كورنەي!» ەرتەگىلىك پانوراماسى ۇيىمداستىرىلادى.

كۇندىز 4№ بۇقارالىق كىتاپحانادا «ناشاقورلىق-عاسىر دەرتى» اتتى كەزدەسۋ ساعاتى وتەدى.

2№ بۇقارالىق كىتاپحانا وقىرماندارىن 7- ءساۋىر كۇنى ساعات 12:00 دە «ادالدىق، پاراساتتىلىق - ادامنىڭ بەلگىسى» تاربيە ساعاتىنا شاقىرادى. سونىمەن قاتار، 8- ساۋىردە 4№ بالالار كىتاپحاناسىنىڭ ۇجىمى عابيت مۇسىرەپوۆتىڭ جەكە باسى مەن شىعارمالارى تۋرالى باياندايتىن «تالانتتىڭ جارقىن جۇلدىزى» شىعارماشىلىق پورترەتىن ۇيىمداستىرادى.

9- ساۋىردە 4№ بالالار كىتاپحاناسىندا «زۆەزدنىي پۋت ۆو ۆسەلەننۋيۋ» عارىشتىق پانوراماسىن كورۋگە بولادى.

اپتا بويى 5-9- ءساۋىر ارالىعىندا ساعات 10:00 دەن 17:00 گە دەيىن 15№ بۇقارالىق كىتاپحانادا شاحمات، ارت-تەراپيا، توعىزقۇمالاق، اعىلشىن ءتىلى بويىنشا ساباقتار وتكىزىلەدى.

سارسەنبى، 6- ساۋىردە ەلوردانىڭ بىرىككەن مۋزەيلەر ديرەكتسياسىنىڭ بولىمشەلەرى 4 ونلاين ءىس-شارا وتكىزەدى. ساياسي قۋعىن-سۇرگىن جانە توتاليتاريزم قۇرباندارىنىڭ «الجير» مەموريالدى-مۇراجاي كەشەنى «روزا باعلانوۆا - قازاقستان ساحناسىنىڭ اڭىزى» ءدارىسىن ۇيىمداستىرادى، ال ساكەن سەيفۋللين مۋزەيىنىڭ الەۋمەتتىك پاراقشالارىندا مۇحتار اۋەزوۆتىڭ 125 جىلدىعىنا ارنالعان «مۇحتار اۋەزوۆ - كەمەڭگەر تۇلعا» اتتى زەرتتەۋشىلەرمەن كەزدەسۋ وتەدى.

تاريحي-مادەني مۇرانى ساقتاۋ ورتالىعىنىڭ اككاۋنتتارىندا «روزا باعلانوۆانىڭ شىعارماشىلىعى» اتتى ءدارىس وتكىزىلەدى، ال «ماڭگىلىك ەل» سالتانات قاقپاسىنىڭ ونەر گالەرەياسىندا «دوستىعى جاراسقان، باقىتتى ەل - قازاقستان» اتتى اشىق ساباق وتەدى.

7- ساۋىردە ساكەن سەيفۋللين مۋزەيىندە الاشوردا باتىرلارىنىڭ «الاش زيالىلارى» ەستەلىگىنىڭ ونلاين-فوتوسۋرەتىن كورۋگە بولادى.