مەملەكەت باسشىسىنىڭ تاپسىرمالارى قالاي ورىندالىپ جاتىر - فاكتىلەر

نۇر-سۇلتان. قازاقپارات - بورت №1 Telegram كانالى قازاقستان پرەزيدەنتى قاسىم-جومارت توقايەۆتىڭ 2020 -جىلعى «جاڭا جاعدايداعى قازاقستان: ءىس-قيمىل كەزەڭى» اتتى جولداۋى بويىنشا بەرىلگەن تاپسىرمالاردى قالاي ورىندالىپ جاتقان تۋرالى مالىمەتتەردى جاريالادى، دەپ حابارلايدى قازاقپارات.

ايتىلدى :

«بۇقارالىق سپورتقا، دەنە تاربيەسىنە جانە بالالارعا باسىمدىق بەرۋ كەرەك. ءار وبلىستا، ءىرى اۋدان ورتالىقتارىندا سپورت ۇيىرمەلەرىن اشۋ قاجەت. «بالالار ۇيىرمەسى» قىزمەتىن قايتا قالپىنا كەلتىرگەن ءجون. وندا جاستارىمىز قولونەردىڭ جانە شىعارماشىلىقتىڭ باستاپقى نەگىزدەرىمەن تانىسار ەدى».

ورىندالدى:

مەملەكەت شىعارماشىلىق ۇيىرمەلەردى جان باسىنا قارجىلاندىرۋ ينستيتۋتىن العاش رەت ەنگىزدى؛ 2021 -جىلى 133 مىڭنان استام بالا سۋرەت، بي، مۋزىكا جانە باسقا دا ۇيىرمەلەرگە، 162 مىڭنان استام بالا مەن جاس ءوسپىرىم سپورت سەكسيالارىنا تەگىن قاتىستى؛ رەسپۋبليكا بويىنشا سپورت سەكتسيالارىن اشۋعا بولىنگەن قارجى 6 ميلليارد تەڭگەدەن استى.