گەننادي گولوۆكيننىڭ جەكپە-جەگىن قايدان كورۋگە بولادى
9-ءساۋىر كۇنى قازاقستاندىق كاسىپقوي بوكسشى گەننادي گولوۆكين (41-1-1، 36 ك و) جاپونيانىڭ سايتاما قالاسىندا جەرگىلىكتى ريوتا مۋراتامەن (16-2، 13 ك و) كاسىپقوي رينگتەگى 44-كەزدەسۋىن وتكىزەدى. بۇل جەكپە-جەكتە گولوۆكيننىڭ IBF، IBO جانە مۋراتانىڭ WBA Super چەمپيوندىق بەلبەۋلەرى ساراپقا سالىنادى.
كاسىپقوي بوكس كەشىن «Qazaqstan» جانە «Qazsport» تەلەارنالارى تىكەلەي ەفيردە كورسەتەدى. ترانسلياتسيا نۇر-سۇلتان ۋاقىتىمەن 15:00-دە باستالادى. ونلاين qazaqstantv جانە qazsporttv.kz سايتى مەن «Qazaqstan.tv» موبيلدى قوسىمشاسى ارقىلى دا كورسەتىلەدى.
بۇعان دەيىن اتالعان ايقاس DAZN پلاتفورماسىنداعى الەمنىڭ 200-دەن استام ەلىندە تىكەلەي كورسەتىلەتىندىگى (جاپونيا، وڭتۇستىك كورەيا)، قازاقستاننىڭ قاي تەلەارناسى ترانسلياتسيا جاسايتىندىعى بەلگىسىز بولعان ەدى. DAZN ترانسلياتسياسى سينگاپۋر، مالايزيا، تايلاند، يندونەزيا، گونكونگ، ماكاو، موڭعوليا جانە فيليپپين ەلدەرىندە ەكسكليۋزيۆتى بولمايدى.
