قازاقستاندا قانشا باس مال بار
«تاعى ءبىر ماڭىزدى ماسەلە - جەرگىلىكتى اتقارۋشى ورگانداردىڭ جوسپارلى ۆاكتسينالاۋ جۇرگىزۋ مەن بىردەيلەندىرۋ بويىنشا ءتيىمسىز جۇمىسى. بۇل اكىمدىكتەردىڭ ۆەتەريناريالىق پرەپاراتتاردى، جانۋارلاردى بىردەيلەندىرۋدى جۇرگىزۋگە ارنالعان بيركالاردى جانە قان سىنامالارىن الۋ جۇيەلەرىن ساتىپ الۋ جانە جەتكىزۋ بويىنشا مينيسترلىكتىڭ جۇمىسىنا جوعارى تاۋەلدىلىگىمەن بايلانىستى. ساتىپ الۋ بويىنشا كونكۋرستىق راسىمدەردىڭ ۇزاقتىعى، سونداي-اق ولاردى اكىمدىكتەرگە بەرۋ كەزىندەگى بيۋروكراتيا جانۋارلاردى بىردەيلەندىرۋدى جانە جوسپارلى ۆەتەريناريالىق- پروفيلاكتيكالىق ءىس-شارالاردى وتكىزۋ مەرزىمدەرىنىڭ بۇزىلۋىنا اكەلەدى، بۇل جاۋاپكەرشىلىكتىڭ تومەندەۋىنە كورسەتەدى»، - دەدى ە. قاراشوكەيەۆ.
ونىڭ ايتۋىنشا، 2022 -جىلعى 1-ساۋىردەگى جاعداي بويىنشا اۋىل شارۋاشىلىعى جانۋارلارىن بىردەيلەندىرۋ بازاسىندا (ا ش ج ب) 33,3 ميلليون باس تىركەلدى.
ونىڭ ىشىندە: ءىرى قارا مال - 8,3 ميلليون، ۇ ق م - 20,6 ميلليون، جىلقى - 3,4 ميلليون، تۇيە - 250 مىڭ باس.
«الايدا، وڭىرلەرگە قۇلاق سىرعالارىنىڭ ۋاقتىلى جەتكىزىلمەۋىنە بايلانىستى ا ش ج ب- عا تولدەردى تىركەۋ 2020 -جىلى جۇزەگە اسىرىلمادى. وسىعان بايلانىستى مينيسترلىك «جاسىل ءدالىزدى» ىسكە قوسۋ ارقىلى ولاردى تىركەۋگە ءماجبۇر بولدى. ناتيجەسىندە، 2021 -جىلدىڭ ناۋرىز- مامىر ارالىعىندا قوسىمشا 1,1 ميلليون باس تىركەلدى. قولدانىستاعى بىردەيلەندىرۋ جۇيەسىنىڭ تومەن تيىمدىلىگى «جاسىل ءدالىز» شارالارىن ۇنەمى جۇرگىزۋدى قاجەت ەتتى»، - دەدى مينيستر.
رەفورما اياسىندا وسى جۇيەنىڭ كەمشىلىكتەرىن جويۋ ءۇشىن مىنا قادامدار قاراستىرىلعان:
1. اۋىل شارۋاشىلىعى جانۋارلارىن بىردەيلەندىرۋ ءۇشىن سىرعالاردى ساتىپ الۋ فۋنكتسياسىن جەرگىلىكتى اتقارۋشى ورگاندارعا بەرۋ. بۇل رەتتە ۇيىمداستىرىلعان شارۋاشىلىقتارعا (ش ق، ف ق، ج ش س جانە ت. ب.) ءوز قاراجاتى ەسەبىنەن، ال جەكە قوسالقى شارۋاشىلىقتارعا تيەسىلى جانۋارلار ءۇشىن جەرگىلىكتى بيۋدجەت ەسەبىنەن جۇرگىزۋ؛
2. اۋداندىق دەڭگەيدە ا ش ج ب دەرەكقورىنا تۇزەتۋلەر ەنگىزۋ، تۇزەتۋلەر ەنگىزۋگە ارنالعان الگوريتمدى جانە راستايتىن قۇجاتتار تىزبەسىن بەكىتۋ، سونداي-اق تىركەلمەگەن مال باسىن زاڭداستىرۋ مۇمكىندىگى ماقساتىندا اۋىل شارۋاشىلىعى جانۋارلارىن بىردەيلەندىرۋ جانە دەرەكقوردى جۇرگىزۋ جونىندەگى نورماتيۆتىك اكتىلەرگە ءبىرقاتار وزگەرىستەر ەنگىزۋ.
3. ا ش ج ب موبيلدى نۇسقاسىن ىسكە قوسۋ. بۇل جانۋارلاردى سايكەستەندىرۋدى جانە الدىن الۋ شارالارىن ۋاقتىلى جۇرگىزۋگە مۇمكىندىك بەرەدى.
