ا ق ش قورعانىس سالاسىنا قوماقتى قارجى بولمەك
ەل بيلىگى پاندەمياعا دەيىنگى جىلدىڭ وزىندە 760 ميللياردتان استام قاراجات جۇمساعان. ال قازاننىڭ بىرىنەن باستاپ ا ق ش- تاعى جاڭا فيسكالدى جىل باستالادى. وسى ورايدا اق ءۇي باسشىسى دجو بايدەن جانە ونىڭ اكىمشىلىگى 2023 -جىلعا ارنالعان جاڭا بيۋدجەت جوسپارىن ۇسىندى.
تالعات المانوۆ، ءتىلشى:
- وسى اپتادا ا ق ش پرەزيدەنتى دجو بايدەن 5.8 تريلليون دوللاردى قۇرايتىن جاڭا بيۋدجەت جوسپارىن ۇسىندى. نەگىزگى باعىتتاردىڭ ءبىرى - فەدەرالدى بيۋدجەتتىڭ دەفيتسيتىن قىسقارتۋ. بايدەننىڭ ايتۋىنشا، ا ق ش- تىڭ ۇلتتىق دەفيتسيتىن الداعى ون جىلدا 1 تريلليون دوللارعا دەيىن قىسقارتۋ كوزدەلگەن. وزدەرىڭىز بىلەتىندەي، بيۋدجەتتىڭ دەفيتسيتى ۇكىمەتتىڭ ءبىر جىل بويى جۇمساعان شىعىنى (مەملەكەتتىك قازىناعا) سالىقتىڭ ەسەبىنەن تۇسەتىن كىرىسىنەن اسىپ كەتسە قالىپتاساتىن جاعداي. سالىق دەمەكشى، بايدەن بۇل قاراجاتتى الىپ كورپوراتسيالار مەن وتە باي امەريكالىقتارعا سالىناتىن سالىقتى كوتەرۋ ارقىلى جەتۋدى كوزەۋدە.
«ميللياردەرلەردىڭ مينيمالدى تابىس سالىعى» نەمەسە بايدەننىڭ جاڭا سالىق ساياساتى بويىنشا حالىقتىڭ 0.01 پروتسەنتىن قۇرايتىن بايلار نەمەسە ءبىر وتباسىندا 100 ميلليون دوللاردان اسا تابىس تاباتىندار 20 پروتسەنتتىك كىرىس سالىعىن تولەۋى ءتيىس بولادى. اق ءۇيدىڭ بولجامى سالىقتىڭ جاڭارتىلعان ۇلگىسى بويىنشا الادعى 10 جىلدا مەملەكەت قازىناسىنا 360 ميلليارد قاردى اكەلۋ كوزدەلگەن.
دجو بايدەن، ا ق ش پرەزيدەنتى:
- سوڭعى بىرنەشە جىل بويى كوپتەگەن امەريكالىق قينالىپ كەلدى. ءبىراق ميلليونەرلەر مەن الىپ كورپوراتسيالار بۇرىن- سوڭدى بولماعان بايلىققا كەنەلدى. سەبەبى ترامپتىڭ سالىق ساياساتى بايلار مەن ۇلكەن كورپاراتسيالاردىڭ تابىسقا كەنەلۋىنە جاعداي جاسادى. ماسەلەن، قازىرگى كەزدە ءبىزدىڭ ەلدەگى ميللياردەرلەر ورتاشا ەسەپپەن تابىسىنىڭ 8 پروتسەنتتىن عانا سالىققا تولەيدى. ال ءورت ءسوندىرۋشى مەن ۇستازدار ودان ەكى ەسەگە دەيىن جوعارى سالىق تولەيدى. بۇل ادىلەتسىزدىك. مەن كاپيتاليستپىن، ءبىراق بايلارعا ايتارىم: اقشا تابادى ەكەنسىز، جاقسى، ءبىراق بۇدان بۇلاي ءتيىستى سالىقتى تولەۋىڭىز قاجەت بولادى.
سونىمەن قاتار پرەزيدەنت بايدەن ا ق ش- تىڭ قورعانىس سالاسىنا دا قوماقتى قارجى ءبولۋدى ۇسىندى. ءبىر عانا پەنتاگونىڭ وزىنە 773 ميلليارد دوللار قاراستىرىلعان. ال ەلدەگى قارۋلى قاقتىعىستار مەن قىلمىستى ازايتۋ ءۇشىن پوليتسيا قۇرىلىمىنا تىكەلەي 30 ميلليارد ءبولۋ كوزدەلگەن. سونداي- اق ەۋروپاداعى وداقتاس ەلدەر مەن ۋكرايناعا جاردەم رەتىندە قوسىمشا 7 ميللياردتى ۇسىنىپ وتىر دەموكرات. الايدا پرەزيدەنت بايدەننىڭ بيۋدجەت جوسپارىن جان- جاقتى سىناپ جاتقاندار دا از ەمەس. سەبەبى جاڭا بيۋدجەتتە الەۋمەتتىك، كليماتتىق جانە ەكونوميكالىق قيىندىقتاردى جوندەۋگە ارناعان قاراجات اناۋ ايتقانداي كوپ ەمەس كورىنەدى. ال ەلدەگى تۇرعىن ءۇي، گاز جانە ازىق- تۇلىكتىڭ باعاسى بولسا شارىقتاپ كەتتى. مامانداردىڭ ايتۋىنشا بيۋدجەت جوسپارىنىڭ زاڭناماعا ءوتۋ- وتپەۋى كونگرەستىڭ ەنشىسىندە. ال بيۋدجەتتىڭ قازىرگى نۇسقاسىن وكىلدەر پالاتاسى مەن كونگرەستىڭ قولداۋى ەكىتالاي دەيدى ولار.
www.24.kz
