ۋكراينا اسكەرى كيەۆ وبلىسىن تولىق ازات ەتتى

نۇر-سۇلتان.قازاقپارات - ىستامبۇلداعى كەلىسسوزدە رەسەي وكىلدەرى «اسكەري بەلسەندىلىكتى ازايتامىز» دەپ ۋادە بەرگەنىمەن، ۋكراينا بيلىگى كرەمل تاراپىنان وق اتۋ توقتاماعانىن حابارلادى.

ساراپشىلار مەن الەمدىك ب ا ق «بۇل اپتادا ۋكراينا اسكەرى كۇش الا باستادى» دەيدى. رەسەيدىڭ دە ءوز كوزدەگەنى بار.

ۋكراينا اسكەرى كيەۆ وبلىسىن تولىق ازات ەتتى. قازىر چەرنيگوۆ وبلىسىنداعى ەلدى مەكەندەر ءۇشىن كۇرەس ءجۇرىپ جاتىر. ۇرىس بارىسىن پرەزيدەنت ۆلاديمير زەلەنسكي ادەتىنشە كۇندەلىكتى بايانداپ وتىر. ايتۋىنشا، كرەمل باسىپ العان حەرسون ايماعىندا رەفەرەندۋم وتكىزۋى مۇمكىن. قازىر رەسەي اسكەرىن ماريۋپول ماڭىنا توپتاستىرىپ جاتىر. سونداي- اق ۋكراينا اسكەرىندەگى ساتقىندار دا تۇتىلۋدا. زەلەنسكي قاۋىپسىزدىك قىزمەتىنىڭ ەكى باسشىسىن وپاسىزدىق جاسادى دەگەن ايىپپەن جۇمىستان شىعارىپ، گەنەرال شەنىنەن ايىرعانىن جەتكىزدى.

ۆلاديمير پۋتين، رەسەي پرەزيدەنتى:

- بۇرىن باسىپ الىنعان ايماقتاردا ۋكراينا تۋى قايتا جەلبىرەي باستادى. اسكەرىمىز قازىر ەلدىڭ شىعىسى مەن دونباسستا الەۋەتىن كۇشەيتىپ جاتىر. جاۋ بىزگە شىعىستان شابۋىل جاساۋعا دايىندالىپ جاتقانىن جاقسى بىلەمىز. رەسەي اسكەرىنىڭ قازىرگى ماقساتى قانداي؟ ولار دونباسس پەن ەلىمىزدىڭ وڭتۇستىك ايماعىن باسىپ الۋدى كوزدەپ وتىر. ال ءبىزدىڭ مۇراتىمىز - جەرىمىزدى، حالقىمىزدى، بوستاندىعىمىزدى قورعاۋ. ولىسپەي بەرىسپەيمىز!

رەسەي بيلىگى ماريۋپول قالاسىنان قاشىپ شىقپاق بولعان «ازوۆ» ارنايى كۇشتەرىن تاس- تالقان ەتكەنىن حابارلادى. سونداي- اق ۋكراينانىڭ 2 تىكۇشاعى اتىپ تۇسىرىلگەن. ال كرەمل باسشىسى رەسەيدىڭ ەگەمەندىگىن قورعاۋعا باعىتتالعان شارالار قابىلدايتىنىن مالىمدەدى.

ۆلاديمير زەلەنسكي، ۋكراينا پرەزيدەنتى:

- رەسەيدىڭ تابيعي گازىن نيەتتەس ەمەس ەلدەرگە ساتۋدى رەتتەيتىن جارلىققا قول قويدىم. ەندى رەسەيدىڭ كوگىلدىر وتىنىن الۋ ءۇشىن رەسەي بانكتەرىنەن رۋبلمەن ەسەپ ايىرىساتىن شوت اشۋ قاجەت بولادى. گاز جەتكىزۋگە ارنالعان بۇل تولەم جۇيەسى 1-ساۋىردەن كۇشىنە ەنەدى. ەگەر بۇل شارت جاسالماسا، وندا كەلىسىمشارتتىڭ تالاپتارى ورىندالمايدى.

ۋكراينا بيلىگى رەسەيدە جانارماي قويماسىنداعى جارىلىس تۋرالى حاباردى ءالى راستاعان جوق، جوققا دا شىعارمادى. بەلگورود وبلىسىنىڭ اكىمشىلىگى كيەۆ جەرگىلىكتى مۇناي بازاسىنا شابۋىل جاسادى دەپ ايىپتاعان ەدى. ولاردىڭ ويىنشا، ۋكراينانىڭ قارۋلى كۇشتەرى اسكەري تىكۇشاقتارمەن سوققى جاساعان.

الەكسەي ارەستوۆيچ، ۋكراينا پرەزيدەنتىنىڭ كەڭەسشىسى:

- ءبىز ءوز جەرىمىزدى قورعاپ جاتىرمىز. رەسەي ءوز اۋماعىندا بولىپ جاتقانعا ءوزى جاۋاپ بەرەدى. ولار بەلگورودتا نە بولعانىن انىقتاۋعا ءتيىس. مۇمكىن جارىلىس تەمەكى تۇقىلىنان بولعان شىعار. بالكىم ساربازدار بۇيرىققا باعىنباي، بۇرا تارتقان بولار. قالاي دەسەك تە بۇل جارىلىستار ءۇشىن جاۋاپكەرشىلىك رەسەيدىڭ ءوز موينىندا. جەلىدە زىمىراننىڭ اتىلعانىن كورسەتكەن باقىلاۋ كامەراسىنىڭ ۆيدەوسى جاريالاندى. Associated Press اگەنتتىگى بۇل كادرلاردىڭ شىن- وتىرىگىن تەكسەرە الماي وتىر. رەسەيدىڭ قورعانىس مينيسترلىگى مالىمدەمە تاراتتى.

يگور كوناشەنكوۆ، ر ف قورعانىس مينيسترلىگىنىڭ رەسمي وكىلى:

- 1-ساۋىردە ۋكراينانىڭ 2 «مي-24» تىكۇشاعى رەسەيدىڭ اۋە كەڭىستىگىنە تومەن بيىكتىكتە كىردى. سوسىن ولار بەلگورود ماڭىنداعى ازاماتتىق مۇناي قويماسىن زىمىرانمەن اتقىلادى. نىسانعا زاقىم كەلىپ، وتقا وراندى. بۇل قويما ازاماتتىق كولىك قۇرالدارىن جانارمايمەن قامتاماسىز ەتۋ ءۇشىن عانا پايدالانىلادى. قارۋلى كۇشتەرگە ەش قاتىسى جوق. قارا تەڭىزدىڭ جاعاسىندا ورنالاسقان ودەسساعا بۇگىن تاڭەرتەڭ زىمىراندارمەن شابۋىل جاسالعانى حابارلاندى. سوققى سالدارىنان قۇربان بولعاندار تۋرالى اقپارات تۇسكەن جوق.

www.24.kz