شىڭجاڭداعى مادەني مۇرالار الەمنىڭ ءبىر بولشەگى - شەتەلدەگى قازاق باسپا ءسوزى

None
None
نۇر-سۇلتان. قازاقپارات - «قازاقپارات» ح ا ا شەتەلدەگى قازاق تىلىندە تارايتىن اقپارات كوزدەرىنە اپتالىق شولۋىن ۇسىنادى.

شىڭجاڭداعى مادەني مۇرالار الەم مادەنيەتىنىڭ ءبىر بولشەگى - «جەنمين جيباو» (People Daily)


قىتايدىڭ شىڭجاڭ ولكەسىندە 4640 ءتۇرلى مادەني- رۋحاني قۇندىلىقتار ماتەريالدىق ەمەس مادەني مۇرالار تىزىمىنە تىركەلگەن، ونىڭ 94 ءتۇرى مەملەكەتتىك دەڭگەيدە تانىلىپ، قورعالعان، دەپ جازادى قىتايلىق kazakh.people.com سايتى.

اتالعان ب ا ق- تىڭ جازۋىنشا، ادامزات وركەنيەتىنىڭ عاسىرلار بويى قالىپتاستىرعان مادەني مۇرالارى حالىقتىڭ، ۇلتتىڭ، ەتنوستىڭ ءوزىن ساقتاپ قالۋداعى نەگىزگى ۇلتتىق قۇندىلىعى، تاريحي ەستەلىگى بولىپ سانالادى. بۇگىنگى تاڭدا ونى جوعالتىپ الماي، دامىتىپ، ساقتاپ، ءبىر ۇرپاقتان كەلەسى ۇرپاققا اماناتتاپ جەتكىزىپ وتىرۋ ءۇشىن ۇلتتىق، مەملەكەتتىك دەڭگەيدەگى قولداۋ مەن قورعاۋ قاجەت. مىنە سونداي 4640 ءتۇرلى مادەني- رۋحاني قۇندىلىقتار قىتايدىڭ شىڭجاڭ ولكەسىندە ماتەريالدىق ەمەس مادەني مۇرالار تىزىمىنە قوسىلعان. ونىڭ 315 ى شىڭجاڭ ولكەسى دەڭگەيىندە، 94 ءتۇرى مەملەكەتتىك دەڭگەيدە تانىلىپ، قورعالعان. سونىمەن بىرگە وسى مۇرالاردى ناسيحاتتاۋشى ادامدارعا مەملەكەت «مۇراگەر» اتاعىن بەرىپ، قارجى ءبولىپ، رۋحاني قولداۋ كورسەتىپ وتىرادى.


شىڭجاڭ ولكەسىندە تىزىمگە ەنگەن ماتەريالدىق ەمەس مادەني مۇرالار قاتارىندا قازاق ۇلتىنىڭ دا كوپتەگەن ۇلتتىق قۇندىلىقتارى ەنگەن. ولاردىڭ ىشىنە كيىز ءۇي جاساۋدىڭ ءداستۇرلى داعدىلارى، كۇيى ونەرى، ايتىس ونەرى، بي ونەرى، ءداستۇرلى قول ونەر، ۇلتتىق سپورتتىق ويىن تۇرلەرى قامتىلعان. سونداي- اق، ۇيعۇر ۇلتىنىڭ گۇلدى تەكەمەتى، گۇلدى كەزدەمە توقۋ، بوياۋ ونەرى، قۇم سۋرەت، اعاش ويما سۋرەت، تەرى سۋرەت سەكىلدى مادەني مۇرالارى اتالعان.


جالعاس ادىلبايەۆ قانداستاردى ناۋرىز مەيرامىمەن قۇتتىقتادى - KAZNEWS

قازاقستان رەسپۋبليكاسىنىڭ موڭعولياداعى توتەنشە جانە وكىلەتتى ەلشىسى جالعاس ادىلبايەۆ موڭعوليا ەلىندە تۇراتىن قانداستاردى ناۋرىز مەيرامىمەن قۇتتىقتادى، دەپ جازادى موڭعوليانىڭ Kaznews اقپاراتتىق پورتالى.

«سىزدەردى اتا- بابامىزدىڭ ءتول مەرەكەسى، ۇلىستىڭ ۇلى كۇنى ناۋرىز مەيرامىمەن قۇتتىقتايمىن! ءبىزدىڭ حالقىمىز ءۇشىن ناۋرىز مەيرامى كۇن مەن ءتۇننىڭ تەڭەلىپ، تابيعاتتىڭ قايتا جاڭعىراتىن ەرەكشە ساتىندە قازاق حالقىنىڭ ۇلىلىعىن دارىپتەي تۇسەتىن ۇلىستىڭ ۇلى كۇنى! بۇل كۇنى ءاز ناۋرىز مەيرامى تويلانىپ، شىعىس حالىقتارىنىڭ جاڭا جىلى باستالادى. اتا-بابالارىمىز ايتپاقشى، بۇل - اق تۇيەنىڭ قارنى جارىلعان كۇن، ىرىستى، ىنتىماقتى ۇلى توي كۇنى.

ەلىمىزدىڭ تاريحىندا عاسىرلار بويى تويلانىپ، جىلدان-جىلعا جالعاسىپ كەلە جاتقان ناۋرىز مەيرامى ءار ادامنىڭ جاڭا باستاماسىنىڭ جۇزەگە اسۋىنا ءۇمىت پەن سەنىم ۇيالاتادى. ناۋرىز - بۇل كوكتەمنىڭ كەلۋ مەرەكەسى عانا ەمەس، ءومىردىڭ نەگىزى - تابيعاتتىڭ جاڭارۋى جانە وزگەرىسكە، جاقسىلىققا سەنۋ ەكەندىگىنىڭ دالەلى. الەم تاريحىندا كوپ مەملەكەتتەر بۇل كۇندى جاڭا جىلدىڭ باسى دەپ سانايتىنى بەلگىلى.

ءبىزدىڭ تاريحىمىزدا بىرنەشە ءجۇز جىلدان بۇرىن اتالىپ، كوكتەمنىڭ العاشقى كۇنىندە اعايىندار ءبىر- بىرىمەن قاۋىشىپ، قىستان امان- ەسەن شىعىپ، تۋىسقاندار ءبىر- ءبىرىن كورىپ، ءبىر- بىرىمەن كورىسىپ، بارلىق ورىن العان جامانشىلىقتاردى ءوزارا كەشىرىپ، ناۋرىز كوجە ۇلەستىرىپ جاتاتىن ءتول مەيرامىمىز. «ۇلىس وڭ بولسىن، اق مول بولسىن!» دەپ تىلەك بىلدىرەتىن دوستىق پەن ىنتىماق مەرەكەسى كوشباسشىلىق مەرەيىمىزدى اسقاقتاتا ءتۇسسىن. ناۋرىز مەيرامى قۇتتى بولسىن! اق مول بولسىن!

وزبەكستان مەن قازاقستان اراسىنداعى جولاۋشىلار پويىزى بەلگىسىز ۋاقىتقا توقتادى - «ءوزا»

اقپاراتتىق اگەنتتىگى وزبەكستان مەن قازاقستان اراسىنداعى نوكىس- بەينەۋ جانە تاشكەنت- الماتى باعىتىنداعى حالىقارالىق جولاۋشىلار پويىزى بەلگىسىز ۋاقىتقا توقاتىلدى، دەپ جازادى وزبەكستاننىڭ «ءوزا» مەملەكەتتىك اقپاراتتىق اگەنتتىگى.

«وزبەكستان تەمىر جولدارى» اق حابارلاۋىنشا، بۇل جاعدايعا كورشى ەلدەگى كارانتيندىك شەكتەۋلەردىڭ ەنگىزىلۋى سەبەپ بولعان.

«بۇل شەشىم قازاقستاندا ىندەت پەن كوروناۆيرۋستىق ينفەكتسيانىڭ الدىن الۋ جونىندەگى ۆەدومستۆوارالىق كوميسسيا وتىرىسىنىڭ حاتتاماسىمەن راستالعان. جول ءجۇرۋ قۇجاتتارىنا (بيلەتتەرگە) ساتىپ الىنعان جانە پايدالانىلماعان بيلەتتەر تەمىرجول كاسساسىندا تولىعىمەن قايتارىلادى نەمەسە قازاقستانمەن شەكاراداعى سانيتارلىق- ەپيدەميولوگيالىق جاعداي جاقسارعانعا دەيىن كەيىنگى رەيستەرگە قايتا رەسىمدەلەدى، دەلىنگەن حابارلامادا. ەسكە سالار بولساق، وزبەكستان مەن قازاقستان اراسىنداعى تەمىر جول قاتىناسى بويىنشا العاشقى رەيس 1-ساۋىردە نوكىس - بەينەۋ - نوكىس باعىتى بويىنشا اشىلاتىنى حابارلانعان بولاتىن»، - دەپ جازادى «ءوزا» اقپاراتتىق اگەنتتىگى.

عارىشكەرلەر «سويۋز» كەمەسىمەن قازاقستانعا قوندى - TRT

امەريكا قۇراما شتاتتارى (ا ق ش) مەن رەسەي اراسىنداعى ۋكراينا شيەلەنىسىنەن كەيىن ءبىر اقش جانە ەكى ورىس عارىشكەرى مىنگەن «سويۋز» عارىش كەمەسى قازاقستانعا قوندى، دەپ حابارلايدى تۇركيا راديو تەليەۆيزيا پورتالى.

«ا ق ش استروناۆتى ۆاندە حەي ەكى رەسەيلىك استروناۆت انتون شكاپلەروۆ پەن پەتر دۋبروۆمەن بىرگە رەسەي كاپسۋلاسىندا 355 كۇندىك عارىش ساپارىنان كەيىن قازاقستانعا كەلىپ قوندى. امەريكا قۇراما شتاتتارى مەن رەسەي اراسىنداعى داعدارىس ۋكراينا سوعىسى سەبەپتى عارىشقا دەيىن جەتتى. روسكوسموس رەسەي عارىش اگەنتتىگىنىڭ باسشىسى دميتريي روگوزين ەلىنە جاسالعان سانكتسيالاردىڭ حالىقارالىق عارىش ستانساسىندا تەحنيكالىق ماسەلەلەر تۋدىراتىنى جايلى ەسكەرتۋ جاسادى»، - دەپ جازادى TRT.

ستۋدەنتتەر اراسىندا ناۋرىز مەرەكەسىنە وراي پوەزيا كەشى بولىپ ءوتتى - فارس

قازاق ۇلتتىق قىزدار پەداگوگيكالىق ۋنيۆەرسيتەتى شەتەل تىلدەرىن وقىتۋ ادىستەمەسى كافەدراسىنىڭ 6В01705-شەتەل ءتىلى: ەكى شەت ءتىلى (اعىلشىن- پارسى) ماماندىعىنىڭ 1-3-كۋرس ستۋدەنتتەرى اراسىندا ناۋرىز مەرەكەسىنە وراي ونلاين فورماتتا پوەزيا كەشى بولىپ ءوتتى، دەپ حابارلايدى يراننىڭ Parstoday اقپارات اگەنتتىگى.


«بۇل شارادا ناۋرىز مەرەكەسىنىڭ تاريحى، تۇركى جانە پارسى تىلدەس حالىقتاردىڭ وسى مەرەكەنى تويلاۋداعى ەرەكشەلىكتەرى ايتىلدى . ستۋدەنتتەر پارسى تىلىندە ءان شىرقاپ، يران شايىرلارىنان پارسى تىلىندە ۇزىندىلەر وقىدى»، - دەپ جازادى Parstoday اقپارات اگەنتتىگى.

اۆتور: باقىتجول كاكەش


سوڭعى جاڭالىقتار