قازاقستاندا اپتا ىشىندە بولعان تاعايىنداۋلار
سونىمەن قاتار ورتالىق جانە جەرگىلىكتى بيلىك ورگاندارىندا دا كادرلىق اۋىس- ءتۇيىس بولدى.
سونىمەن تولەجان تۇرسىن ۇلى بارلىبايەۆ قازاقستان رەسپۋبليكاسىنىڭ سلوۆاك رەسپۋبليكاسىنداعى توتەنشە جانە وكىلەتتى ەلشىسى بولىپ تاعايىندالدى. ول قازاقستان رەسپۋبليكاسىنىڭ حورۆاتيا رەسپۋبليكاسىنداعى توتەنشە جانە وكىلەتتى ەلشىسى لاۋازىمىنان، قازاقستان رەسپۋبليكاسىنىڭ بوسنيا جانە گەرتسەگوۆيناداعى، چەرنوگورياداعى توتەنشە جانە وكىلەتتى ەلشىسى قىزمەتىن قوسا اتقارۋدان بوساتىلدى.
التاي يبراگيم ۇلى ابيبۋللايەۆ قازاقستان رەسپۋبليكاسىنىڭ حورۆاتيا رەسپۋبليكاسىنداعى توتەنشە جانە وكىلەتتى ەلشىسى لاۋازىمىنا كىرىستى.
المات داكىباي ۇلى ايداربەكوۆ قازاقستان رەسپۋبليكاسىنىڭ مولدوۆا رەسپۋبليكاسىنداعى توتەنشە جانە وكىلەتتى ەلشىسى لاۋازىمىنا تاعايىندالدى. پرەزيدەنتتىڭ جارلىعىمەن قاراعاندى وبلىستىق سوتىنىڭ ءتوراعاسى بولىپ ەردەن ءارىپوۆ تاعايىندالدى. ول 1963 -جىلى الما- اتا وبلىسىنىڭ نارىنكول اۋدانىندا دۇنيەگە كەلگەن.
1986 -جىلى قازاق مەملەكەتتىك ۋنيۆەرسيتەتىن بىتىرگەن، ماماندىعى بويىنشا زاڭگەر. وسى لاۋازىمعا دەيىن قازاقستان رەسپۋبليكاسىنىڭ جوعارى سوتىندا سۋديا قىزمەتىن اتقارعان. ەرۇلان جاماۋبايەۆ ق ر پرەمەر- ءمينيسترىنىڭ ورىنباسارى - قارجى ءمينيسترى قىزمەتىنە تاعايىندالدى. جاماۋبايەۆ ەرۇلان كەنجەبەك ۇلى 1974 -جىلى 25-ناۋرىزدا الماتى وبلىسىندا تۋعان. ءبىلىمى جوعارى، 1995 -جىلى قازاق مەملەكەتتىك باسقارۋ اكادەمياسىن، «قارجى جانە كرەديت»، 2009 -جىلى قازاق ەكونوميكالىق ۋنيۆەرسيتەتىن بىتىرگەن، «ىسكەرلىك اكىمشىلەندىرۋ ماگيسترى».
ق ر پرەزيدەنتى اكىمشىلىگىنىڭ الەۋمەتتىك- ەكونوميكالىق مونيتورينگ ءبولىمى مەڭگەرۋشىسىنىڭ ورىنباسارى، الەۋمەتتىك- ەكونوميكالىق مونيتورينگ ءبولىمىنىڭ مەڭگەرۋشىسى، ق ر پرەزيدەنتىنىڭ كومەكشىسى، ق ر قارجى مينيسترلىگىنىڭ جاۋاپتى حاتشىسى بولدى. 2020 -جىلدىڭ 18-مامىرىنان بەرى ق ر قارجى ءمينيسترى قىزمەتىن اتقارىپ كەلدى.
ق ر قارجىلىق مونيتورينگ اگەنتتىگىنىڭ ءتوراعاسى جانات ەليمانوۆتىڭ بۇيرىعىمەن وڭىرلىك ەكونوميكالىق تەرگەۋ دەپارتامەنتتەرىنىڭ جەتەكشىسى لاۋازىمىنا مىنا تۇلعالار تاعايىندالدى:
- دانيار مەيرام ۇلى اقجانوۆ - الماتى قالاسى؛ - نۇرجان نىعمەت ۇلى ىسماعۇلوۆ - الماتى وبلىسى؛ - ايدىن قاپار ۇلى مولدابەكوۆ - شىعىس قازاقستان وبلىسى؛
- نۇرلان جولجاقسىن ۇلى قاناعاتوۆ - سولتۇستىك قازاقستان وبلىسى. بيبىگۇل امانگەلدى قىزى اسىلوۆا قازاقستان رەسپۋبليكاسى پرەمەر-ءمينيسترىنىڭ كەڭەسشىسى لاۋازىمىنا كەلدى. بيبىگۇل اسىلوۆا 1975 -جىلى سولتۇستىك قازاقستان وبلىسىندا دۇنيەگە كەلگەن.
اقمولا قارجى- ەكونوميكالىق تەحنيكۋمىن، قازاق مەملەكەتتىك باسقارۋ اكادەمياسىن بىتىرگەن. ەڭبەك جولىن 1993 -جىلى كوكشەتاۋ وبلىستىق قارجى باسقارماسىنىڭ بيۋدجەت ءبولىمىنىڭ جوسپارلاۋ، ءبىلىم بەرۋدى جانە مادەنيەتتى قارجىلاندىرۋ ءبولىمىنىڭ مامانى قىزمەتىنەن باستادى.
1994-1998 -جىلدارى - كوكشەتاۋ جانە پەتروپاۆل قالالارىنىڭ مەملەكەتتىك ورگاندارىندا مامان بولىپ جۇمىس ىستەدى. 1998-2016 -جىلدارى - ق ر قارجى مينيسترلىگىنىڭ، ەكونوميكا جانە بيۋدجەتتىك جوسپارلاۋ مينيسترلىگىنىڭ، مادەنيەت مينيسترلىگىنىڭ، ەڭبەك جانە حالىقتى الەۋمەتتىك قورعاۋ مينيسترلىگىنىڭ قۇرىلىمدارىندا جۇمىس ىستەدى. 2016 -جىلعى ماۋسىمنان باستاپ ءبىلىم ۆيتسە- ءمينيسترى قىزمەتىندە بولعان.
مۇحتار ەرمان ورتالىق سايلاۋ كوميسسياسىنىڭ مۇشەسى قىزمەتىنە تاعايىندالدى. ەرمان مۇحتار تىلدابەك ۇلى 1963 -جىلى وڭتۇستىك قازاقستان وبلىسىندا تۋعان. قازاق مەملەكەتتىك ۋنيۆەرسيتەتىن بىتىرگەن. ق ر پارلامەنتى ماجىلىسىندەگى «نۇر وتان» پارتياسى فراكتسياسى اپپاراتىنىڭ باسشىسى، التىنشى، جەتىنشى سايلانعان ق ر پارلامەنتى ءماجىلىسىنىڭ دەپۋتاتى بولدى. «قۇرمەت» وردەنىمەن، «ەرەن ەڭبەگى ءۇشىن»، «قازاقستان رەسپۋبليكاسىنىڭ تاۋەلسىزدىگىنە 10 جىل»، «قازاقستان رەسپۋبليكاسىنىڭ تاۋەلسىزدىگىنە 20 جىل»، «10 جىل استانا» مەدالدارىمەن ماراپاتتالعان. ەرنار مىڭجانوۆ ق ر ۇەم مەملەكەتتىك اكتيۆتەردى باسقارۋ ساياساتى دەپارتامەنتىنىڭ ديرەكتورى بولىپ تاعايىندالدى. ەرنار سەيت ۇلى 1990 -جىلى دۇنيەگە كەلگەن.
قازاقستان- بريتان تەحنيكالىق ۋنيۆەرسيتەتىن، مانچەستەر ۋنيۆەرسيتەتىن (ۇلى بريتانيا) بىتىرگەن. «بولاشاق» باعدارلاماسىنىڭ 2011 -جىلعى ستيپەندياتى. ءتۇرلى جىلداردا «كاسىپقور» حولدينگى» ك ە ا ق باس مەنەدجەرى، «ۇلتتىق اگرارلىق عىلىمي- ءبىلىم بەرۋ ورتالىعى» ا ق باس ساراپشىسى، «بايتەرەك» ۇلتتىق باسقارۋشى حولدينگى» ا ق جوبا جەتەكشىسى، باس مەنەدجەر، «Baiterek Venture Fund» ا ق ينۆەستيتسيالىق دەپارتامەنتىنىڭ ديرەكتورى، سونداي-اق «Astana Innovations» ا ق باسقارما ءتوراعاسىنىڭ ورىنباسارى، باسقارما ءتوراعاسىنىڭ كەڭەسشىسى جۇمىستارىن اتقارعان.
2020-2022 -جىلدارى «سامۇرىق- قازىنا» ا ق ستراتەگيا جانە قارجىلىق- ەكونوميكالىق اكتيۆتەردى باسقارۋ دەپارتامەنتىنىڭ اعا مەنەدجەرى بولدى. باتىس قازاقستان وبلىسى بويىنشا سىبايلاس جەمقورلىققا قارسى قىزمەت دەپارتامەنتىنىڭ باسشىسى بولىپ نۇرلان قىدىربايەۆ تاعايىندالدى.
نۇرلان قىدىربايەۆ 1992 -جىلى ماسكەۋ تەمىر جول جانە كولىك ينجەنەرلەرى ينستيتۋتىن، 2001 -جىلى ق. ا. ياساۋي اتىنداعى حالىقارالىق قازاق - تۇرىك ۋنيۆەرسيتەتىن بىتىرگەن. 1993 -جىلدان 2018 -جىلعا دەيىن ۇلتتىق قاۋىپسىزدىك ورگاندارىندا ءارتۇرلى لاۋازىمداردا جۇمىس ىستەدى.
2019 -جىلدان 2020 -جىلعا دەيىن اگەنتتىكتىڭ نۇر-سۇلتان قالاسى بويىنشا دەپارتامەنتىنىڭ باسشىسى بولدى. وسى ۋاقىتقا دەيىن اگەنتتىكتىڭ قىزمەت باسشىسىنىڭ ورىنباسارى قىزمەتىن اتقاردى. سايات قارالاسوۆ الماتى وبلىسىنىڭ قۇرىلىس باسقارماسىنىڭ باسشىسى بولىپ تاعايىندالدى. سايات مارات ۇلى 1978 -جىلى تۋعان. ءبىلىمى جوعارى.
قازاق مەملەكەتتىك كولىك جانە كوممۋنيكاتسيالار اكادەمياسىن جانە ق. ساتپايەۆ اتىنداعى قازاق ۇلتتىق تەحنيكالىق ۋنيۆەرسيتەتىن تەمىر جول قۇرىلىسى، جول جانە جول شارۋاشىلىعى، سول سياقتى قۇرىلىس ماماندىقتارى بويىنشا بىتىرگەن. ەڭبەك جولىن «توننەلنىي وترياد 1» ج ش س- نىڭ 3-رازريادتىتاۋ- كەن جۇمىسشىسى بولىپ باستاعان.
ءار جىلداردا الماتى قالاسى قۇرىلىس باسقارماسىنىڭ جەتەكشى مامانى، باس مامانى، ءبولىم باسشىسى، باسقارما باسشىسىنىڭ ورىنباسارى، «ەكسپو-2017» ا ق «ۇ ك» استانا ەكسپو-2017» قۇرىلىس دەپارتامەنتىنىڭ باس مەنەدجەرى، الماتى قالاسىنىڭ جايلى قالالىق ورتا باسقارماسى باسشىسىنىڭ ورىنباسارى، نۇر-سۇلتان قالاسىنىڭ قورشاعان ورتانى قورعاۋ جانە تابيعاتتى پايدالانۋ باسقارماسىنىڭ بىرنەشە بولىمدەرىندە باسشى بولدى.
2022 -جىلدىڭ اقپانىنان وسى ۋاقىتقا دەيىن نۇر-سۇلتان قالاسىنىڭ قورشاعان ورتانى قورعاۋ جانە تابيعاتتى پايدالانۋ باسقارماسىنىڭ قۇرىلىس جانە پەرسپەكتيۆالىق جوسپارلاۋ ءبولىمىنىڭ باسشىسى قىزمەتىن اتقاردى. الماز ىدىرىسوۆ قۇرىلىس جانە تۇرعىن ءۇي- كوممۋنالدىق شارۋاشىلىق ىستەرى كوميتەتىنىڭ ءتوراعاسى قىزمەتىنە تاعايىندالدى.
الماز ىدىرىسوۆ 1983 -جىلى قاراعاندى قالاسىندا دۇنيەگە كەلگەن. قاراعاندى مەملەكەتتىك تەحنيكالىق ۋنيۆەرسيتەتىن ينجەنەر- قۇرىلىسشى ماماندىعى بويىنشا بىتىرگەن.
ەڭبەك جولىن قاراعاندى قالاسىنداعى «رەمسترويسەرۆيس ا س» ج ش س جول جۇمىسشىسىنان باستادى. ءار جىلدارى «قازاحاۆتودور» ر م ك جەتەكشى مامانى، ق ر كولىك جانە كوممۋنيكاتسيا مينيسترلىگى اۆتوموبيل جولدارىن پايدالانۋ باسقارماسىنىڭ باس ساراپشىسى، ق ر ك ك م اۆتوموبيل جولدارى كوميتەتىنىڭ قۇرىلىس جانە رەكونسترۋكتسيالاۋ باسقارماسىنىڭ باستىعى بولىپ جۇمىس ىستەدى. «قازاۆتوجول» ۇ ك» ا ق س ق و فيليالىندا، ق ر ينۆەستيتسيالار جانە دامۋ مينيسترلىگىنىڭ اكىمشىلىك جۇمىس دەپارتامەنتىندە باسشىلىق لاۋازىمداردى اتقاردى.
2017 -جىلدان باستاپ ق ر يندۋستريا جانە ينفراقۇرىلىمدىق دامۋ مينيسترلىگىنىڭ قۇرىلىس جانە تۇرعىن ءۇي- كوممۋنالدىق شارۋاشىلىق ىستەرى كوميتەتى ءتوراعاسىنىڭ ورىنباسارى قىزمەتىن اتقاردى.
قاراعاندى قالاسى ءاليحان بوكەيحان اۋدانىنىڭ اكىمى اۋىستى. بۇل لاۋازىمعا سايات شايمين تاعايىندالدى.
سايات شايمين ەڭبەك جولىن «قاراعاندى جولدارى» ج ش س كۇردەلى قۇرىلىس ءبولىمىنىڭ مامانى بولىپ باستادى. «قازاۆتوجول» ا ق جۇمىس ىستەدى. 2019 -جىلى قاراعاندى وبلىسىنىڭ جولاۋشىلار كولىگى جانە اۆتوموبيل جولدارى باسقارماسى باسشىسىنىڭ ورىنباسارى بولىپ تاعايىندالدى.
ال 2021 -جىلدىڭ مامىر ايىندا وسى باسقارمانىڭ باسشىسى بولدى. بەرىك ءۋالي «حابار» اگەنتتىگى» ا ق باسقارما ءتوراعاسى بولىپ تاعايىندالدى.
بۇعان دەيىن ول قازاقستان رەسپۋبليكاسى پرەزيدەنتىنىڭ باسپا ءسوز حاتشىسى قىزمەتىن اتقاردى. بەرىك ءۋالي 1997 -جىلى ت. جۇرگەنوۆ اتىنداعى قازاق مەملەكەتتىك تەاتر جانە كينو ينستيتۋتىن «كينوتانۋشى»، 2005 -جىلى ءال- فارابي اتىنداعى قازاق ۇلتتىق ۋنيۆەرسيتەتىن «جۋرناليستيكا»، 2014 -جىلى قازاق يننوۆاتسيالىق گۋمانيتارلىق- زاڭ ۋنيۆەرسيتەتىن «قۇقىقتانۋ» ماماندىقتارى بويىنشا بىتىرگەن.
1997-2012 -جىلدارى - «حابار» اگەنتتىگى» ا ق- نىڭ، «تاڭ» تەلەكومپانياسىنىڭ، «ن ت ك» تەلەارناسىنىڭ، «31-كانال» ج ش س-نىڭ جۋرناليستى، اقپاراتتىق باعدارلامالارىنىڭ رەداكتورى، «نۇر مەديا» ج ش س-نىڭ جەمقورلىققا قارسى مەديا ورتالىعىنىڭ جەتەكشىسى.
2012-2015 -جىلدارى - وڭتۇستىك قازاقستان وبلىسى اكىمى اپپاراتى باسشىسىنىڭ ورىنباسارى، باسپا ءسوز قىزمەتىنىڭ باسشىسى، ىشكى ساياسات جانە ءدىن ىستەرى باسقارماسىنىڭ باسشىسى. 2015-2016 -جىلدارى - «نۇر وتان» پارتياسى ءتوراعاسى ءبىرىنشى ورىنباسارىنىڭ كەڭەسشىسى. 2016-2018 -جىلدارى - قازاقستان رەسپۋبليكاسى ينۆەستيتسيالار جانە دامۋ ءمينيسترىنىڭ كەڭەسشىسى، اقپاراتتىق قامتاماسىز ەتۋ دەپارتامەنتىنىڭ ديرەكتورى.
2018-2019 -جىلدارى جامبىل وبلىسى اكىمدىگىنىڭ ىشكى ساياسات باسقارماسىنىڭ باسشىسى قىزمەتىن اتقاردى.
قازاقستان ايەلدەر ۇلتتىق قۇراماسىنىڭ باس باپكەرى بولىپ ايتپاي جامانتايەۆ تاعايىندالدى. ايتپاي جامانتايەۆ باپكەرلىك قىزمەتىن 1982 -جىلى باستاعان. 1984 -جىلى «سەليننيك» (سەلينوگراد) كومانداسىمەن بىرگە ك س ر و چەمپيوناتىنىڭ 2-ليگاسىنىڭ 8-ايماعىنىڭ جەڭىمپازى اتاندى. 2004-2006 جانە 2017-2018 -جىلدارى ول ەلىمىزدىڭ ايەلدەر قۇراماسىن باسقاردى. ايتپاي جامانتايەۆقا ايەلدەر ۇلتتىق قۇراماسىنىڭ بۇرىنعى كاپيتانى بەگايىم قىرعىزبايەۆا كومەكتەسەدى.
