مەملەكەت باسشىسى باس ءمۇفتي ناۋرىزباي قاجى تاعان ۇلىن قابىلدادى

None
None
نۇر- سۇلتان. قازاقپارات - مەملەكەت باسشىسى قازاقستان مۇسىلماندارى ءدىني باسقارماسىنىڭ ءتوراعاسى، باس ءمۇفتي ناۋرىزباي قاجى تاعان ۇلىن قابىلدادى، دەپ حابارلايدى اقوردانىڭ باسپا ءسوز قىزمەتى.

كەزدەسۋدە پرەزيدەنت قازاقستان مۇسىلماندارىن قاسيەتتى رامازان ايىنىڭ باستالۋىمەن قۇتتىقتادى. قاسىم- جومارت توقايەۆقا قازاقستان مۇسىلماندارى ءدىني باسقارماسىنىڭ اتقارىپ جاتقان جۇمىستارى مەن الداعى جوسپارى تۋرالى باياندالدى.

ناۋرىزباي قاجى تاعان ۇلىنىڭ ايتۋىنشا، ءمۇفتيات وسى جىلدى «يسلام - ىنتىماق پەن بىرلىك ءدىنى» دەپ جاريالاعان. وسىعان بايلانىستى ەلىمىزدە جىل بويىنا اتالعان تاقىرىپتا فورۋمدار وتكىزىلەدى. سونىمەن قاتار ءدىن مەن ءداستۇردى ساباقتاستىرا وتىرىپ، جاس قىز- كەلىنشەكتەردى يماندىلىققا باۋليتىن «اجەلەر مەكتەبىنىڭ» اشىلعانى جايلى ايتىلدى.

مەملەكەت باسشىسىنا قازاقستان مۇسىلماندارى ءدىني باسقارماسىنىڭ ورازا ايىندا ۇيىمداستىراتىن شارالارى تۋرالى مالىمەت بەرىلدى. ناۋرىزباي قاجى الداعى ۋاقىتتا تۇركىتىلدەس ەلدەردىڭ باس مۇفتيلەرىنىڭ القاسى قۇرىلاتىنىن جەتكىزدى.

سوڭعى جاڭالىقتار