پوستكەڭەستىك كەڭىستىكتەگى مەملەكەتتىك باسقارۋ تۋرالى كىتاپتىڭ تۇساۋكەسەرى ءوتتى

None
None
نۇر- سۇلتان. قازاقپارات - نيۋ- يوركتە «پوستكەڭەستىك 15 ەلدەگى مەملەكەتتىك باسقارۋدىڭ ەۆوليۋتسياسى: ترانسفورماتسيانىڭ تۇرلىلىگى» اتتى كىتاپتىڭ تۇساۋكەسەر ءراسىمى ءوتتى.

بۇل تۋىندى پوستكەڭەستىك 15 ەلدەگى مەملەكەتتىك باسقارۋ رەفورمالارى مەن دامۋ كورسەتكىشتەرىن تالداي وتىرىپ، ونىڭ ترانسفورماتسياسىن زەرتتەگەن جۇمىستاردىڭ العاشقىسى.

كىتاپ استانا مەملەكەتتىك قىزمەت حابى باسقارۋشى كوميتەتىنىڭ ءتوراعاسى ءاليحان بايمەنوۆ پەن حالىقارالىق ساراپشى پانوس ليۆەراكوستىڭ رەداكسيالاۋىمەن جارىق كوردى.

جيىنعا كەلگەن ساراپشىلاردىڭ ايتۋىنشا، تۋىندىنىڭ ءوز وقىرمانىن تابارى ءسوسىز.

ءاليحان بايمەنوۆ، استانا مەملەكەتتىك قىزمەت حابى باسقارۋشى كوميتەتىنىڭ ءتوراعاسى:

- 30 جىل ىشىندە بۇرىنعى كەڭەس وداعىنا كىرگەن مەملەكەتتەر تەرەڭ ساياسي- ەكونوميكالىق رەفورمالار جۇرگىزدى. سونىڭ ءبىر قۇرامداس بولىگى مەملەكەتتىك باسقارۋدى جەتىلدىرۋ. ءبىراق وسى كۇنگە دەيىن وسى كەڭىستىكتەگى رەفورمالاردى تەرەڭ تالداپ، سالىستىرعان ەڭبەك بولعان جوق ەدى. سول سەبەپتى ءبىز ەكى جارىم جىل بۇرىن 15 مەملەكەتتەن 25 ءبىر جاعىنان تاجىريبەسى بار، رەفورمالار جۇرگىزگەن مامانداردى، ەكىنشى جاعىنان عىلىمي ساراپشىلاردى باستارىن قوسىپ، وسى كىتاپتى جازۋدى باستادىق. ەكى جىلعى ەڭبەكتىڭ ناتيجەسى رەتىندە، 600 بەتتەن، 16 تاراۋدان تۇراتىن كىتاپ جارىق كوردى جانە ول الەمدەگى ەڭ جەتەكشى Palgrave Macmillan باسپاسىنان شىقتى. بۇل ءبىز ءۇشىن ءبىر جاعىنان ۇلكەن مارتەبە، كاسىبي ۇلكەن قۋانىش، ۇلكەن جەتىستىك.

بۇل كىتاپتىڭ ەرەكشەلىگىن الەمدەگى ەڭ جەتەكشى عالىمدار بۇگىنگى باسقوسۋدا دا ايتتى.

ستيۆەن تۋلل، ب ۇ ۇ- نىڭ قازاقستانداعى بۇرىنعى تۇراقتى ۇيلەستىرۋشىسى:

- بۇگىنگى كەشتە جارىق كورگەن استانا حابىنىڭ تۋىندىسىن كورۋ مەن ءۇشىن قۋانىشتى جاعداي. اتالمىش ۇيىمنىڭ 10 جىلدا جاساعان جەتىستىگى شىن مانىندە كوڭىل كونشىتەدى. جانە بۇگىنگى تانىستىرىلعان كىتاپتىڭ ەرەكشەلىگى سول ەلدەر اراسىنداعى نەتۋوركينگ پەن تاجىريبە الماسۋدىڭ ماڭىزدىلىعىن كورسەتە بىلگەن. دەمەك، ءار مەملەكەت، ءار قوعام مەملەكەتتىك باسقارۋدا ءوزىنىڭ جەكە- دارا جولىن تابا ءبىلۋى كەرەك. وسى ورايدا استانا حابىنىڭ الەمگە كورسەتىپ جاتقان قىزمەتى ايىرىقشا.

يۆەتتا رەينحولد، لاتۆيا ۋنيۆەرسيتەتىنىڭ پروفەسسورى:

- بۇل كىتاپتىڭ جارىق كورگەنىنە ەرەكشە قۋانىشتىمىن. ەكى جىلدىق ەڭبەكتىڭ ناتيجەسى بولاشاقتا ورىن الاتىن رەفورمالارعا جول سىلتەپ، باعىت كورسەتەدى دەگەن ۇمىتتەمىن. ال جالپى قازاقستانداعى رەفورمالارعا كەلەتىن بولساق وزگەرىستەردىڭ بولىپ جاتقانى قۋانتارلىق جايت. باستىسى، قازاقستان ەۋروپاداعى رەفورمالاردى ءارقاشاندا ەسكەرىپ جۇرەدى. مەملەكەت حالىقتىڭ مۇددەسى ءۇشىن جۇمىس ىستەۋى قاجەت. بۇل قاراپايىم يدەيا، ءبىراق وتە ماڭىزدى يدەيا. كەز كەلگەن رەفورما حالىققا پايدا اكەلۋ كەرەك جانە مەملەكەتتىك باسقارۋدىڭ وزگەرىپ جاتقانىن سول حالىق سەزىنۋى قاجەت. قازاقستان 2013 -جىلمەن سالىستىرعاندا وتە ۇلكەن جەتىستىككە جەتتى دەپ ايتا الامىن. ول سىرت كوزگە بايقالادى.

www.24.kz

سوڭعى جاڭالىقتار