قانات بوزىمبايەۆ جەتىسۋ جانە الماتى وبلىستارىنىڭ قالاي بولىنەتىنىن ايتتى

تالدىقورعان. قازاقپارات - قانات بوزىمبايەۆ جەتىسۋ جانە الماتى وبلىستارىنىڭ قالاي بولىنەتىنىن ءمالىم ەتتى، دەپ حابارلايدى قازاقپارات ءتىلشىسى.

«قۇرىلاتىن جەتىسۋ وبلىسىنىڭ اۋماعىندا 352 ەلدى مەكەنى بار 8 اۋدان جانە 2 قالا، الماتى وبلىسىنىڭ اۋماعىنىڭ قۇرامىندا 380 ەلدى مەكەنى بار 9 اۋدان جانە 1 قالا بولادى»، - دەدى الماتى وبلىسىنىڭ اكىمى قانات بوزىمبايەۆ الماتى وبلىستىق ءماسليحاتىنىڭ كەزەكتەن تىس XVII سەسسياسىندا. ياعني، اقسۋ، الاكول، ەسكەلدى، قاتارال، كەربۇلاق، كوكسۋ، پانفيلوۆ، سارقان، تالدىقورعان، تەكەلى - جەتىسۋ وبلىسىنىڭ، بالقاش، ەڭبەكشىقازاق، جامبىل، ىلە، قاراساي، كەگەن، رايىمبەك، تالعار، ۇيعىر اۋداندارى مەن قاپشاعاي قالاسى - الماتى وبلىسىنىڭ قۇرامىنا كىرەدى. سونىمەن قاتار ءوڭىر باسشىسى وبلىستى ءبولۋ جونىندەگى جۇمىس كوميسسياسى قۇرىلعانىن، وعان وبلىستىق باسقارمالار مەن اۋماقتىق ورگانداردىڭ ءبىرقاتار باسشىلارى كىرگەنىن جەتكىزدى.

«قاپشاعاي قالاسىنىڭ جاڭا باس جوسپارى مەن ەگجەي- تەگجەيلى جوسپارلاۋ جوباسى ازىرلەنۋدە. جۇرگىزىلىپ جاتقان قايتا قۇرۋلار مەن قايتا اتاۋلار بويىنشا عىلىمي ساراپتاما جۇرگىزىلۋدە»، - دەدى ق. بوزىمبايەۆ.

ايتا كەتەيىك، الماتى وبلىستىق ءماسليحاتىنىڭ كەزەكتەن تىس سەسسياسىنىڭ كۇن تارتىبىندە قازاقستان رەسپۋبليكاسىنىڭ پرەزيدەنتى ق. توقايەۆتىڭ جەتىسۋ وبلىسىن قۇرۋ تۋرالى باستاماسى قارالىپ، دەپۋتاتتار تاراپىنان قولداۋ تاپتى.

اۆتور: سامال قابىشەۆا