ەلوردادا قوعامدىق كولىكتە جولاقى وسە مە

None
None
نۇر-سۇلتان. قازاقپارات - قازىرگى ۋاقىتتا ەلوردادا قوعامدىق كولىكتەگى جولاقىنى كوتەرۋ ماسەلەسى جوسپارلانىپ وتىرعان جوق.

بۇل جايىندا City Transportation Systems (CTS) كومپانياسىنان ءمالىم ەتتى، دەپ حابارلايدى قازاقپارات ءتىلشىسى.

«قوعامدىق كولىكتە جولاقى تولەمىن كوتەرۋ جوسپارلانىپ وتىرعان جوق. 2014 -جىلدان بەرى جولاقىسى 90 تەڭگەنى قۇرايدى. 8 -جىل بويى ەش وزگەرگەن جوق. ارينە، 8 جىلدىڭ ىشىندە ءبارى قىمباتتادى. ءبىراق، نۇر-سۇلتان قالاسىنىڭ اكىمدىگى جولاقىنىڭ كوتەرىلۋىنە جول بەرمەيدى جانە قوعامدىق كولىك شىعىستارىن سۋبسيديالايدى»، - دەپ اتاپ ءوتتى كومپانيانىڭ باسپا ءسوز قىزمەتىنەن.

سونىمەن قاتار كومپانيانىڭ تۇسىندىرۋىنشە، تاريف كوتەرۋ - بۇل قوعامدىق تىڭداۋ وتكىزۋ، ءماسليحاتتا جولاقىنىڭ كوتەرىلۋىن دالەلدەۋ سىندى ۇلكەن جۇمىس. سودان كەيىن عانا تاريفكە قاتىستى شەشىم قابىلدانادى. ال قازىرگى ۋاقىتتا مۇنداي اڭگىمە قوزعالىپ وتىرعان جوق.

اۆتور: مارلان جيەمباي


سوڭعى جاڭالىقتار