بۇگىننەن باستاپ زەينەتاقى جيناعىن پايدالانۋعا ارنالعان جەتكىلىكتى شەكتىڭ كولەمى ءوستى
ءار جاستاعى ادام ءۇشىن زەينەتاقى جيناقتارىنىڭ ەڭ تومەنگى جەتكىلىكتى شەگى تۋرالى اقپارات ءبىرىڭعاي جيناقتاۋشى زەينەتاقى قورىنىڭ سايتىندا كورسەتىلگەن. جەتكىلىكتى مەجەنىڭ جاڭا دەڭگەيىن enpf.kz سايتىنداعى جەكە كابينەتتە نەمەسە ب ج ز ق-نىڭ موبيلدى قوسىمشاسىندا تانىسۋعا بولادى. وسى ورايدا ونلاين رەجيمدە زەينەتاقى جيناقتارى بويىنشا تولىق اقپاراتتى الۋ مۇمكىندىگى بار.
اتاپ ايتقاندا، زەينەتاقى جيناقتارىن پايدالانۋ ماقساتتارى وزگەرمەگەن. قاراجاتتى تۇرعىن ءۇي جاعدايىن جاقسارتۋعا جانە ەم-دوم الۋعا جۇمساۋعا بولادى. بۇعان دەيىن پرەزيدەنت قاسىم-جومارت توقايەۆتىڭ تاپسىرماسىن وراي 2021 -جىلعا ەسەپتەلگەن تومەنگى جەتكىلىكتىلىك شەگىن قولدانۋ مەرزىمى 2022 -جىلدىڭ 1-ساۋىرىنە دەيىن ۇزارتىلعان ەدى.
ەسكە سالا كەتەيىك، الەۋمەتتىك جەلىدە ق ر پارلامەنتى ءماجىلىسىنىڭ دەپۋتاتى امانجان جامالوۆ ۇكىمەتتى زەينەتاقى جيناقتارىنىڭ ەڭ تومەنگى جەتكىلىكتى شەگىن قولدانۋ مەرزىمىن 2022 -جىلدىڭ سوڭىنا دەيىن ۇزارتۋعا شاقىردى.
«كۇردەلى ەكونوميكالىق جانە الەۋمەتتىك جاعدايدى ەسكەرە وتىرىپ، «AMANAT» پارتياسى جانىنداعى ەكونوميكا، كاسىپكەرلىك جانە اگرارلىق سەكتور ماسەلەلەرى جونىندەگى رەسپۋبليكالىق قوعامدىق كەڭەستىڭ ءتوراعاسى رەتىندە ۇكىمەتتى زەينەتاقى جيناقتارى ەڭ تومەن جەتكىلىكتىلىگىنىڭ اعىمداعى شەكتەرىنىڭ قولدانىلۋ مەرزىمىن 2022 -جىلدىڭ سوڭىنا دەيىن ۇزارتۋعا شاقىرامىن»، - دەپ جازدى دەپۋتات.
اۆتور: رۋسلان عابباسوۆ
