قازاقستاندا ءساۋىر ايىنان باستاپ قانداي وزگەرىستەر بولادى

None
None
نۇر- سۇلتان. قازاقپارات – 1-ساۋىردەن باستاپ قازاقستاندىقتاردى قانداي وزگەرىستەر كۇتىپ تۇر؟

قازاقپارات ساۋىردەن باستالاتىن ەلىمىزدەگى وزگەرىستەر تۋرالى جاڭالىق توپتاماسىن ۇسىنادى.

1-ساۋىردەن باستاپ 2022 -جىلعا ەسەپتەلگەن زەينەتاقى جيناقتارىنىڭ ەڭ تومەنگى جەتكىلىكتىلىك شەگى كۇشىنە ەندى. بۇعان دەيىن پرەزيدەنت قاسىم- جومارت توقايەۆتىڭ تاپسىرماسىن وراي 2021 -جىلعا ەسەپتەلگەن تومەنگى جەتكىلىكتىلىك شەگىن قولدانۋ مەرزىمى 2022 -جىلدىڭ 1-ساۋىرىنە دەيىن ۇزارتىلعان ەدى. «زەينەتاقى جيناقتارىنىڭ ءبىر بولىگىن پايدالانۋ قۇقىعىن ىسكە اسىرۋ ءۇشىن سالىمشى تۇرعىن ءۇي جاعدايىن جاقسارتۋ جانە (نەمەسە) ەمدەلۋگە اقى تولەۋ ماقساتىندا الۋعا قولجەتىمدى زەينەتاقى جيناقتارىنىڭ بار- جوعىنا كوز جەتكىزۋى ءتيىس. مۇنى enpf.kz سايتى نەمەسە ب ج ز ق ءموبيلدى قوسىمشاسىنداعى جەكە كابينەتتەن جانە egov پورتالى مەن ءموبيلدى قوسىمشاسىنان كورۋگە بولادى. بۇگىننەن باستاپ زەينەتاقى قورىنداعى الۋعا بولاتىن سومانىڭ جەتكىلىكتى شەگى ءار جاس بويىنشا مىناداي كولەمدە ەسەپتەلەدى. ونى مىنا جەردەن كورۋگە بولادى.

1-ساۋىردەن باستاپ بيزنەس گرانتىن الۋعا وتىنىمدەر قابىلدانادى. وتىنىمدەردى قابىلداۋ «Business.enbek.kz» پورتالى ارقىلى ونلاين رەجيمىندە جۇزەگە اسىرىلادى. 2019 گرانت بەرۋ جوسپارلانعان، ونىڭ 1089 ى جاستار ءۇشىن جانە 930 ى حالىقتىڭ الەۋمەتتىك وسال توپتارى ءۇشىن. وتىنىمدەردى قابىلداۋ 10 جۇمىس كۇنىنە سوزىلادى، سودان كەيىن اۋداندىق/قالالىق كوميسسيا بەرىلگەن وتىنىشتەردى قارايدى. كوميسسيا وتىرىستارىندا ۇمىتكەرلەر وزدەرىنىڭ بيزنەس- جوبالارىن تانىستىراتىن بولادى. ءوتىنىم بەرىلگەن كۇن كوميسسيانىڭ شەشىمىنە اسەر ەتپەيدى.

ساۋىردەن باستاپ قازاقستاندىقتار ومان سۇلتاندىعىنا جانە وڭتۇستىك كورەياعا ۆيزاسىز بارا الادى. 1 ساۋىردەن باستاپ قازاقستاننىڭ ۇلتتىق پاسپورتى بار ازاماتتار الدىن الا تۋريستىك ۆيزانى راسىمدەمەي- اق ومان سۇلتاندىعىنا 14 كۇن مەرزىمگە بارا الادى، دەپ حابارلايدى قازاقپارات. سىرتقى ساياسي ۆەدومستۆونىڭ مالىمەتىنە سەنسەك، ق ر ازاماتتارى ومانعا 14 كۇننەن ارتىق مەرزىمگە بارۋدى جوسپارلاسا، وندا ءتيىستى ساناتتاعى ۆيزانى رەسىمدەۋى ءتيىس. سونىمەن قاتار 1-ساۋىردەن باستاپ قازاقستان رەسپۋبليكاسىنىڭ ۇكىمەتى مەن كورەيا رەسپۋبليكاسىنىڭ ۇكىمەتى اراسىنداعى قازاقستاندىق ازاماتتارعا قاتىستى ۆيزالىق تالاپتاردى ءوزارا جويۋ تۋرالى كەلىسىمنىڭ قولدانىسىن جاڭعىرتۋ قالپىنا كەلتىرىلەدى. بۇعان دەيىن ونى وڭتۇستىك كورەيا تاراپى COVID-19 پاندەمياسىنا بايلانىستى توقتاتتى. وسىلايشا، قازاقستان ازاماتتارى - ۇلتتىق پاسپورتتاردىڭ يەلەرى - كورەيا رەسپۋبليكاسىنا 30 كۇننەن اسپايتىن مەرزىمگە ۆيزاسىز قايتا كىرە الادى. كورەيا رەسپۋبليكاسىندا ەڭبەك ەتۋگە، ءبىلىم الۋعا نەمەسە وڭتۇستىك كورەيا اۋماعىندا تۇرۋعا نيەت بولعان جاعدايدا ءتيىستى ۆيزانى الۋ قاجەت.

1-ساۋىردەن ءبىرىنشى سىنىپقا باراتىندار ءۇشىن قۇجاتتاردى قابىلداۋ باستالادى. بالالاردى مەكتەپكە قابىلداۋ ءتارتىبى ق ر ب ع م 2018 -جىلعى 12-قازانداعى 564 بۇيرىعىمەن بەكىتىلگەن وقۋعا قابىلداۋدىڭ ۇلگىلىك قاعيدالارىندا ايقىندالعان. 1-سىنىپقا 6 جاستان باستاپ بالالار اتا- اناسىنىڭ نەمەسە ءبىلىم الۋشىلاردىڭ زاڭدى وكىلىنىڭ جەكە ءوتىنىشى نەگىزىندە قابىلدانادى. وسى ورايدا مىناداي قۇجاتتار قاجەت:

بالانىڭ تۋۋ تۋرالى كۋالىگىنىڭ كوشىرمەسى؛

026/ۋ-3 نىسانى بويىنشا دەنساۋلىق پاسپورتى؛

063/ۋ نىسانى بويىنشا دەنساۋلىق جاعدايى تۋرالى قۇجات (ەكپە كارتاسى) جانە 3*4 كولەمىندەگى فوتوسۋرەتتىڭ ەكى داناسى.

2-ساۋىردە كۇللى مۇسىلماندار ءۇشىن قاسيەتتى اي رامازان ايى باستالادى. بيىل رامازان ايى 2-ساۋىردە باستالىپ، 1-مامىردا اياقتالادى. ورازا 30 كۇن بولماق. 2-مامىر - ورازا ايت كۇنى. 27-ساۋىردەن 28-ساۋىرگە قاراعان ءتۇن - قادىر ءتۇنى. رامازان ايىنداعى بارلىق وڭىرلەر بويىنشا ورازا كەستەسىن مىنا جەردەن كورۋگە بولادى.

5-ساۋىردەن باستاپ قازاقستاندا تۇرعىن ءۇي سۋبسيدياسىنا وتىنىمدەر قابىلداۋ باستالادى. 2022 -جىلعى 1-مامىردا جالعا بەرىلەتىن تۇرعىن ءۇيدى سۋبسيديالاۋعا وتىنىمدەر قابىلداۋ جونىندەگى سيفرلىق پلاتفورمانىڭ جۇمىس ىستەۋىن قامتاماسىز ەتۋ» تاپسىرماسى بويىنشا جۇمىستار قولعا الىندى. قازىرگى كەزدە سيفرلىق دامۋ، يننوۆاتسيالىق جانە اەروعارىش ونەركاسىبى مينيسترلىگى، ادىلەت مينيسترلىگى، مەملەكەتتىك كىرىستەر كوميتەتى، ءبىلىم جانە عىلىم مينيسترلىگى، ەڭبەك مينيسترلىكتەردىڭ مەملەكەتتىك دەرەكتەر بازالارىمەن ينتەگراتسيالاۋ جولىمەن جۇزەگە اسىرىلۋدا. تۇرعىن ءۇي سۋبسيدياسىنا وتىنىمدەر قابىلداۋ 5-ساۋىردەن باستاۋدى جوسپارلانعان.

22-ساۋىردە شىعىپ قالعان دەپۋتاتتىڭ ورنىنا الماتى وبلىسىنان پارلامەنت سەناتى دەپۋتاتىن سايلاۋى وتەدى. قازاقستان رەسپۋبليكاسى پارلامەنتى سەناتىنىڭ دەپۋتاتتىعىنا كانديداتتى ۇسىنۋدى ءماسليحاتتار، سونداي- اق ءوزىن- ءوزى ۇسىنۋ تارتىبىمەن جۇزەگە اسىرادى. سەنات دەپۋتاتتىعىنا كانديداتتى وبلىستىڭ بارلىق ءماسليحاتتارى اتىنان وكىلدىك ەتەتىن تاڭداۋشىلاردىڭ جالپى سانىنىڭ كەمىندە ون پروتسەنتى، ءبىراق ءبىر ءماسليحاتتان تاڭداۋشىلار داۋىسىنىڭ جيىرما بەس پروتسەنتىنەن اسپايتىن داۋىس قولداۋعا ءتيىس. تىركەۋ - اعىمداعى جىلعى 1-ءساۋىر ساعات 18.00 گە دەيىن (بارلىق قاجەتتى قۇجاتتاردى العاننان كەيىن باستالادى). قازاقستان رەسپۋبليكاسى پارلامەنتى سەناتىنىڭ دەپۋتاتتىعىنا كانديداتتى تىركەۋدى وبلىستىق، قالالىق نەمەسە اۋداندىق ءماسليحاتتىڭ دەپۋتاتتىققا كانديدات ەتىپ ۇسىنۋ تۋرالى شەشىمى (ءماسليحات ۇسىنعان جاعدايدا)؛ دەپۋتاتتىققا كانديدات بولىپ داۋىسقا تۇسۋگە كەلىسىمى تۋرالى ءوتىنىشى (نەمەسە ءوزىن - ءوزى ۇسىنعان جاعدايدا ازاماتتىڭ دەپۋتاتتىققا كانديدات بولىپ داۋىسقا ءتۇسۋ نيەتى تۋرالى ءوتىنىشى)؛ ءتيىستى سايلاۋ كوميسسياسىنىڭ كانديداتتى قولداپ قويعان تاڭداۋشىلاردىڭ قولدارىن تەكسەرۋ ناتيجەلەرى تۋرالى حاتتاماسى؛ كانديداتتىڭ ءومىرباياندىق دەرەكتەرى؛ مەملەكەتتىك كىرىس ورگانىنىڭ كانديدات پەن ونىڭ زايىبىنىڭ (جۇبايىنىڭ) اكتيۆتەرى مەن مىندەتتەمەلەرى تۋرالى دەكلاراتسيالار تاپسىرعانى تۋرالى انىقتاماسى؛ كانديداتتىڭ سايلاۋ جارناسىن ەنگىزگەنىن كۋالاندىراتىن 900000 تەڭگە سوماسىندا قۇجات بولعان جاعدايدا جۇزەگە اسىرىلادى.

ءساۋىر ايىنىڭ سوڭىندا 4 پايىزدىق اۆتونەسيە بويىنشا شەشىم شىعارىلادى. جەڭىلدەتىلگەن اۆتونەسيە بويىنشا 10 ميلليون تەڭگەگە دەيىن نەسيە بەرىلەدى دەپ بولجانۋدا. ءبىراق ودان قىمباتقا ساتىپ الۋعا دا بولادى. ارتىعىن ءوزىڭىز تولەيسىز. الماتىدا كوكتەمگى دەراتيزاتسيا ساۋىردە باستالادى. قالا اكىمدىگى باسپا ءسوز قىزمەتىنىڭ حابارلاۋىنشا، دەراتيزاتسيا مەگاپوليستىڭ 47 مىڭ گەكتاردان استام اۋماعىندا جۇرگىزىلەدى. ساياباقتار، سكۆەرلەر، وزەن جاعالاۋلارى، سۋ قويمالارى، ارىق ناۋالارى، كونتەينەرلىك الاڭدار وندەلەدى. دەراتيزاتسيالىق وڭدەۋگە مامانداندىرىلعان دارىگەرلەر مەن ارنايى تەحنيكا جۇمىلدىرىلادى. جەكە سەكتوردىڭ تۇرعىندارى ارنايى ۋلى حيميكاتتاردى تەگىن الاتىن بولادى. كەمىرگىشتەردى جويۋ جونىندەگى كومپانياعا كاسىپكەرلىك نىساندار دا قاتىسادى.

سوڭعى جاڭالىقتار