د د س ۇ پاندەمياعا قارسى كۇرەس جوسپارىن جاريالادى

None
None
نۇر-سۇلتان. قازاقپارات - ءوز كەزەگىندە دۇنيەجۇزىلىك دەنساۋلىق ساقتاۋ ۇيىمى COVID-19-عا قارسى جاڭا جوسپارىن جاريالادى، دەپ حابارلايدى «حابار 24».

وندا پاندەميانىڭ بيىل ءوربۋ مۇمكىندىگىنىڭ 3 سەناريى سيپاتتالعان. سونىڭ ىشىندە ساراپشىلار ۆيرۋس ءبىرجولا جوعالىپ كەتپەيدى، ءارى قاراي تارالا بەرەدى، ءبىراق ۆاكسينالاۋ نەگىزىندە يممۋنيتەت قالىپتاسىپ، اۋرۋدىڭ اۋىرتپالىعى تومەندەيدى دەگەن نۇسقاعا كوبىرەك يەك ارتادى. سونداي-اق ۆيرۋس جۇقتىرۋ مەن ودان كوز جۇمۋ كورسەتكىشى كوپ جاعدايدا ۇجىمدىق يممۋنيتەتكە بايلانىستى بولاتىنى ايتىلادى. بۇل باعىتتا ءبىرىنشى كەزەكتە وسال توپتاردى جۇيەلى يممۋنداۋ جۇمىسى جۇرگىزىلۋگە ءتيىس. بۇدان بىلاي ۆاكسينا سالدىرعان تۋريستەر كارانتينگە جاتقىزىلمايدى. وڭتۇستىك كورەيا بيلىگى وسىنداي شەشىم قابىلدادى. جۋىردا سينگاپۋر دا شەتەلدەن كەلەتىن جولاۋشىلارعا تالاپتى جەڭىلدەتتى. ال ءۇندىستانداعى شەكتەۋلەردىڭ بارلىعى دەرلىك الىنىپ تاستالدى. بۇل ىندەت ىرگەسىن اۋلاق سالا باستادى دەگەن ءسوز. سەۋل اۋەجايىندا قاربالاس تىرشىلىك قايتا باستالدى. ەلدە كوروناۆيرۋستىق شەكتەۋلەر جەڭىلدەگەلى شەتەلگە اسىققان ازاماتتار قاتارى كۇرت كوبەيگەن. ساراپشىلاردىڭ ايتۋىنشا، برون سانى بىلتىرعى كورسەتكىشپەن سالىستىرعاندا 8 ەسە ارتقان.

بليتس:

- بۇل ءساتتى ۇزاق كۇتتىم. كارانتيندە قالۋ تالابى الىنىپ تاستالعان كەزدە بىردەن گاۆايعا بارۋ ءۇشىن بيلەت بروندادىق. ۆاكسينا سالدىرىپ قويدىق. پ ت ر- تەستىلەۋدەن دە وتتىك. - كوروناۆيرۋسقا قاتىستى جاعدايعا بايلانىستى بۇرىن شەتەل تۇگىلى، ەل ىشىندە ساياحاتتاۋعا قورقاتىنمىن. جۇمىس بارىسىمەن شەتەلگە بارعاندا قوناق ۇيدەن مۇلدەم شىقپايتىنمىن. ال كارانتين الىنىپ تاستاعاندا ءسال دە بولسىن كوڭىل ورنىنا تۇسكەندەي بولدى.

ءۇندىستاندا كوروناۆيرۋستىق شەكتەۋلەردىڭ بارلىعى دەرلىك الىنىپ تاستالدى. تەك بەتپەردە تاعۋ مەن اراقاشىقتىق ساقتاۋ تالابى قالدى. بۇعان ەلدەگى ەپيداحۋالدىڭ جاقسارۋى سەبەپ بولدى. بيلىك وكىلدەرىنىڭ ايتۋىنشا، ەگەر قانداي دا ءبىر شتات اۋماعىندا ۆيرۋس جۇقتىرۋ وشاقتارى تىركەلسە، جەرگىلىكتى شەنەۋنىكتەر ايماقتاعى احۋالعا قاراي شەشىم قابىلداۋعا قۇقىلى. ءۇندىستان بيلىگى بۇعان دەيىن حالىقارالىق اۋە قاتىناسىن قايتا اشقان. شەكاراسىن قايتا اشىپ جاتقان تاعى ءبىر مەملەكەت - سينگاپۋر. ەل بيلىگى قازىر ۆاكسينالاۋ ءتولقۇجاتى بار تۋريستەردىڭ ءبارىن قابىلداپ جاتىر. ولار ءۇشىن ءتىپتى وقشاۋدا قالۋ تالابى دا دوعارىلدى. بۇدان بولەك، دالادا توپ بولىپ جينالىپ، ماسكاسىز جۇرۋگە بولادى.

سيسۆاران، سينگاپۋردىڭ كولىك ءمينيسترى:

- سينگاپۋر اۋەجايىندا قىزمەتكەرلەردىڭ تولقىپ جۇرگەنى سەزىلەدى. تۋريستەردى قايتادان قارسى الۋعا اسىق ەكەنى دە بايقالادى. مەنىڭشە، ءبارى اۋەجايداعى قاربالاستى ساعىندى.

كارانتيندىك شەكتەۋ شارالارىنىڭ ءبىراز بولىگىن گۇرجى ەلى دە الىپ تاستادى. بۇدان بىلاي ءدامحانالار قابىلداي الاتىن قوناقتاردىڭ سانىنا شەكتەۋ جوق. ال وسى ۋاقىتقا دەيىن ونلاين جۇمىس ىستەپ كەلگەن كومپانيا قىزمەتكەرلەرى كەڭسەلەرىنە ورالا الادى. بۇعان قوسا، ەندى شەتەلدەن كەلگەندەردەن پ ت ر تەست تالاپ ەتىلمەيدى. كوشەدە بەتپەردەسىز جۇرۋگە دە رۇقسات.

24.kz

سوڭعى جاڭالىقتار