قازاقستاندىقتار كورەياعا ۆيزاسىز بارا الادى

None
نۇر- سۇلتان. قازاقپارات – 1- ساۋىردەن باستاپ قازاقستان رەسپۋبليكاسىنىڭ ۇكىمەتى مەن كورەيا رەسپۋبليكاسىنىڭ ۇكىمەتى اراسىنداعى قازاقستاندىق ازاماتتارعا قاتىستى ۆيزالىق تالاپتاردى ءوزارا جويۋ تۋرالى كەلىسىمنىڭ قولدانىسىن جاڭعىرتۋ قالپىنا كەلتىرىلەدى.

بۇل تۋرالى قازاقپارات س ءى م سىلتەمە جاساپ حابارلايدى. بۇعان دەيىن ونى وڭتۇستىك كورەيا تاراپى COVID-19 پاندەمياسىنا بايلانىستى توقتاتتى. وسىلايشا، قازاقستان ازاماتتارى - ۇلتتىق پاسپورتتاردىڭ يەلەرى - كورەيا رەسپۋبليكاسىنا 30 كۇننەن اسپايتىن مەرزىمگە ۆيزاسىز قايتا كىرە الادى.

كورەيا رەسپۋبليكاسىندا ەڭبەك ەتۋگە، ءبىلىم الۋعا نەمەسە وڭتۇستىك كورەيا اۋماعىندا تۇرۋعا نيەت بولعان جاعدايدا ءتيىستى ۆيزانى الۋ قاجەت. سونىمەن قاتار، قازىرگى ۋاقىتتا شەتەلدىك ازاماتتاردىڭ كورەيا رەسپۋبليكاسىنا كىرۋىن اۆتوريزاتسيالاۋدىڭ «К-ЕТА» ەلەكتروندىق جۇيەسى جۇمىس ىستەيتىنىن ەسكەرۋ قاجەت.

وعان سايكەس ەلگە ۆيزاسىز رەجيم نەگىزىندە كەلەتىن شەتەلدىكتەرگە ۇشۋعا دەيىن كەمىندە 24 ساعات بۇرىن

www.k-eta.go.kr سايتى ارقىلى جوسپارلانعان ساپار تۋرالى ەلەكتروندىق حابارلاما تۇرىندە ءوتىنىش بەرۋ جانە سودان كەيىن وڭتۇستىك كورەيا بيلىگىنىڭ ەلگە كىرۋگە رۇقساتىن الۋ تالاپ ەتىلەدى. مۇنداي رۇقسات بولماعان جاعدايدا اۋەكومپانيا ۇشاققا بورتقا وتىرعىزۋدان باس تارتۋعا ءماجبۇر بولادى. بۇدان باسقا، كورەيا رەسپۋبليكاسىنا ساپار شەگەتىن ازاماتتارعا وسى ەلدە قولدانىلاتىن ەپيدەمياعا قارسى شارالار تۋرالى اقپاراتتى قازاقستان رەسپۋبليكاسىنداعى كورەيا رەسپۋبليكاسىنىڭ كونسۋلدىق مەكەمەلەرىندە الدىن الا ناقتىلاۋعا كەڭەس بەرەمىز.

سوڭعى جاڭالىقتار