«وتباسى بانك» دەپوزيتتەردى ساتۋ-ساتىپ الۋ بويىنشا ءوتىنىم قابىلداۋدى توقتاتتى

نۇر-سۇلتان. قازاقپارات - «وتباسى بانك» دەپوزيتتەردى ساتۋ-ساتىپ الۋ بويىنشا ءوتىنىم قابىلداۋدى توقتاتتى، - دەپ حابارلايدى Tengrinews.kz ءتىلشىسى بانكتىڭ باسپا ءسوز قىزمەتىنە سىلتەمە جاساپ.

«2022-جىلدىڭ 31- ناۋرىزى مەن 8- ءساۋىرى ارالىعىندا تەحنيكالىق جۇمىستار جۇرگىزىلەتىنىن حابارلايمىز، وسىعان بايلانىستى جاڭا وتىنىمدەردى قابىلداۋ توقتاتىلادى. 2022-جىلدىڭ 31- ناۋرىزىنا دەيىن ساتۋعا قويىلعان دەپوزيتتەر 7 جۇمىس كۇنى ىشىندە 2022-جىلدىڭ 8- ساۋىرىنە دەيىن شارتتاردى وزگەرتپەي جۇرگىزىلەدى»، - دەلىنگەن حابارلامادا.

ەسكە سالايىق، بۇعان دەيىن «وتباسى بانك» ناۋرىزدىڭ سوڭعى كۇندەرىندە كليەنتتەر لەگى كوپ بولۋى مۇمكىن ەكەنىن حابارلاعان بولاتىن.

سەبەبى، 1- ساۋىردەن باستاپ زەينەتاقى جيناقتارىن الۋ ءۇشىن ەڭ تومەنگى جەتكىلىكتى شەك كوتەرىلەدى.