مەملەكەت باسشىسى قارجى-ەكونوميكالىق ماسەلەلەر جونىندە كەڭەس وتكىزدى
مەملەكەت باسشىسى الەمدەگى گەوساياسي جاعدايدىڭ قۇبىلمالى بولۋى ءبىزدىڭ ەكونوميكامىزعا ايتارلىقتاي اسەر ەتكەنىن اتاپ ءوتىپ، مەملەكەتتىك ورگانداردىڭ ۇيلەسىمدى ءارى ءتيىمدى جۇمىس ىستەۋى قاجەت ەكەنىن ايتتى.
- جاعداي كۇن سايىن وزگەرۋدە، وتە قۇبىلمالى كەزەڭ. سوندىقتان ءبىز بارلىق سىن-قاتەر مەن مۇمكىندىكتى ناقتى ءارى تەز انىقتاپ، ءار قادامىمىزدى نىق باسۋىمىز كەرەك. قابىلداناتىن شەشىمدەر بارىنشا سالماقتى بولعانى ءجون. ءبىراق، سوزبالاڭعا سالماي، شۇعىل شارالاردى قولعا الۋىمىز كەرەك. قاعازباستىلىققا جول بەرمەۋ قاجەت، - دەدى قاسىم-جومارت توقايەۆ.
جيىن بارىسىندا پرەمەر-مينيستر ءاليحان سمايىلوۆ ەكونوميكانىڭ قازىرگى جاعدايى مەن ونىڭ دامۋىنا قاتىستى بولجامدار تۋرالى باياندادى.
ۇلتتىق بانك ءتوراعاسى عالىمجان ءپىرماتوۆ قازىرگى ۋاقىتتا جۇرگىزىلىپ جاتقان اقشا-كرەديت ساياساتى جونىندە ەسەپ بەردى.
پرەمەر- ءمينيستردىڭ ورىنباسارى - قارجى ءمينيسترى ەرۇلان جاماۋبايەۆ 2022-جىلعا ارنالعان رەسپۋبليكالىق بيۋجەتتىڭ ناقتى پارامەترلەرى جايىندا مالىمەت بەردى. سونىمەن قاتار ءىس-شارادا بيۋجەت شىعىندارىن وڭتايلاندىرۋ، كوكتەمگى ەگىس ناۋقانىنا دايىندىق بارىسى، ەكسپورت ساياساتىن دامىتۋ، ينۆەستيتسيا تارتۋ جانە كولىك لوگيستيكاسىن جەتىلدىرۋ، سونداي-اق حالىقتىڭ تابىسىن ارتتىرۋ باعدارلاماسىن جۇزەگە اسىرۋ ماسەلەلەرى تالقىلاندى.
كەڭەس قورىتىندىسى بويىنشا مەملەكەت باسشىسى ۇكىمەت پەن پرەزيدەنت اكىمشىلىگىنە ەلىمىزدىڭ الەۋمەتتىك-ەكونوميكالىق دامۋ ماسەلەلەرىنە قاتىستى ءبىرقاتار تاپسىرما بەردى.