وتاندىق تاۋەلسىز اۋديتورلار كاسىبي كەڭەستىڭ قۇرىلۋىنا قارسى

نۇر-سۇلتان. قازاقپارات - قازاقستاندىق تاۋەلسىز اۋديتورلار «اۋديتورلىق قىزمەت تۋرالى» ق ر زاڭىنا ەنگىزىلگەن تۇزەتۋلەرگە الاڭداۋشىلىق تانىتىپ، اۋديتورلىق قىزمەت بويىنشا كاسىبي كەڭەستىڭ قۇرىلۋىنا قارسىلىق ءبىلدىرىپ وتىر، دەپ حابارلايدى قازاقپارات ءتىلشىسى.

وتكەن جىلى 6- شىلدەدە «اۋديتورلىق قىزمەت تۋرالى» ق ر زاڭىنا ەنگىزىلگەن تۇزەتۋلەر كۇشىنە ەندى.

تۇزەتۋلەردىڭ نەگىزگى يدەياسى - قازاقستاندا اۋديتورلىق قىزمەت بويىنشا كاسىبي كەڭەس قۇرۋ. تاۋەلسىز اۋديتورلاردىڭ مالىمدەۋىنشە، زاڭعا ەنگىزىلگەن وزگەرىستەردەن كەيىن ەلىمىزدەگى اۋديتورلىق ۇيىمداردىڭ %76 ءوز قىزمەتىن توقتاتۋ قاۋپى بار.

«اۋديتورلىق قىزمەت تۋرالى زاڭعا ەنگىزىلگەن تۇزەتۋدە باسەكەلەستىك ورتا قۇرۋ جانە اۋديت سالاسىنداعى كاسىبي بىرلەستىكتەردىڭ قاتىسۋى قاراستىرىلماعان. وسىدان كەلىپ الدىن الا باعالاۋ بويىنشا اۋديتورلىق ۇيىمداردىڭ %76 ءوز قىزمەتىن توقتاتۋىنا تۋرا كەلىپ وتىر. ال قالعان اۋديتورلىق ۇيىمدار «الىم» تولەۋگە مىندەتتەلەدى. ناتيجەسىندە اۋديتتى جۇرگىزۋگە رۇقسات الۋدان باستاپ، ونى جۇرگىزۋگە دەيىنگە كەزەڭ تولىق مەملەكەتتىڭ باقىلاۋىندا بولادى»، - دەدى «اۋديتورلار القاسى» كاسىبي اۋديتورلىق ۇيىمىنىڭ باسقارما ءتوراعاسى دانيار نۇرسەيىتوۆ ZOOM پلاتفورماسىندا وتكەن باسپا ءسوز ءماسليحاتىندا.

سونداي-اق، تاۋەلسىز سالا ماماندارى اتالعان كاسىبي كەڭەستىڭ فۋنكتسيالارىن ەسكەرە وتىرىپ، اۋديتورلىق ۇيىمدارعا قاتىستى باقىلاۋ جانە رەتتەۋ فۋنكتسيالارىنىڭ جالپى سانى 18 دەن 30 عا دەيىن ارتاتىنىن جەتكىزدى.

شارانى ۇيىمداستىرۋشىلار ۇسىنعان مالىمەتكە سەيكەس، بۇگىندە قازاقستاندا 484 اۋديتورلىق ۇيىم جانە 1869 اۋديتور بار.