ەلوردادا بالالارعا شۇعىل مەديتسينالىق كومەك قالاي كورسەتىلەدى

None
None
نۇر- سۇلتان. قازاقپارات - نۇر- سۇلتان قالالىق ءماسليحاتىنىڭ سەسسياسىندا ەلوردا اكىمىنىڭ ورىنباسارى بەرىك جاكەنوۆ بالالارعا شۇعىل جانە كەزەك كۇتتىرمەيتىن مەديتسينالىق كومەك كورسەتۋدەگى پروبلەمالاردى اتادى، دەپ حابارلايدى قازاقپارات ءتىلشىسى.

«بالالارعا شۇعىل جانە كەزەك كۇتتىرمەيتىن مەديتسينالىق كومەكتى جەدەل جاردەم ستانساسى، 3 بالالار اۋرۋحاناسى جانە كوپبەيىندى ارۋحانالارداعى اكۋشەرلىك بولىمشەلەردە كورسەتىلەدى. بۇگىنگى تاڭدا ەلوردادا 18 جاسقا دەيىنگى بالالاردىڭ سانى - 424 مىڭ. ونىڭ ىشىندە 1 جاسقا دەيىنگى 52 مىڭ بالا بار.

«قازاقستان رەسپۋبليكاسى حالىق دەنساۋلىعى جانە دەنساۋلىق ساقتاۋ جۇيەسى تۋرالى» كودەكسكە سايكەس، مەديتسينالىق كومەك كورسەتۋدىڭ شۇعىل، كەزەك كۇتتىرمەيتىن جانە جوسپارلى ءتۇرى كىرەدى. سونىمەن قاتار ءۇش ستاتسيوناردا بالالار ومىرىنە ءقاۋىپ توندىرەتىن جاعدايلار، جازاتايىم وقيعالار، ءجىتى اۋرۋلار كەزىندە، وقيعا ورنىندا، جولدا تاۋلىك بويى شۇعىل مەديتسينالىق كومەك كورسەتىلەدى»، - دەدى اكىم ورىنباسارى.

وسى رەتتە ول بالالارعا شۇعىل جانە كەزەك كۇتتىرمەيتىن مەديتسينالىق كومەك كورسەتۋدە ورىن الىپ وتىرعان پروبلەمالارعا توقتالدى.

«№1 كوپبەيىندى قالالىق بالالار اۋرۋحاناسى 1991 -جىلى سالىنعان. عيماراتى جانە ينجەنەرلىك جەلىلەرى كۇردەلى جوندەۋدى تالاپ ەتەدى. وسىعان وراي جوبالاۋ سمەتاسى بويىنشا جوندەۋ سوماسى مەملەكەتتىك ساراپتاماعا سايكەس، 2 ميلليارد تەڭگەدەن اسادى. 4- اقپانداعى ءماسليحاتتىڭ شەشىمى نەگىزىندە كونكۋرستىڭ ءراسىم جاريالاۋ ءۇشىن 2 ميلليون تەڭگە العانبىز. كونكۋرس باستالدى. ءساۋىردىڭ 7-ىندە شەشىم قابىلدايمىز. بيىلعى جۇمىس جوسپارى بويىنشا 1 ميلليارد تەڭگەگە جوندەۋ جۇمىستارىن جۇرگىزۋ كوزدەلىپ وتىر»، - دەدى بەرىك جاكەنوۆ.

ونىڭ اتاپ وتۋىنشە، ءدال اۋرحانانىڭ زارارسىزداندىرۋ بولىمشەسىنىڭ عيماراتىن جوندەۋگە قوسىمشا 105 ميلليون تەڭگە قاجەت. سونىمەن قاتار قالاداعى بارلىق بالالار اۋرۋحانالارىنىڭ اۋلالارىن اباتتاندىرۋ جانە كوگالداندىرۋ كەرەك. بۇل جۇمىستار اۋدان اكىمدىكتەرمەن بىرگە جۇرگىزىلەدى. مۇنان بولەك №3 بالالار اۋرۋحاناسىندا تراۆماتولوگيا بولىمشەسىن اشۋ قاجەت.

اۆتور: مارلان جيەمباي

سوڭعى جاڭالىقتار