ءماجىلىس دەپۋتاتى ءبىرقاتار جاڭا ماماندىق اشۋدى ۇسىندى

None
None
نۇر- سۇلتان. قازاقپارات - ءماجىلىستىڭ جالپى وتىرىسىندا ماقپال تاجماعامبەتوۆا ۇكىمەت باسشىسىنىڭ ورىنباسارى ەرالى توعجانوۆا جولداعان دەپۋتاتتىڭ ساۋالىندا ءبىرقاتار جاڭا ماماندىق اشۋدى ۇسىندى، دەپ حابارلايدى قازاقپارات ءتىلشىسى.

«وڭىرلەرگە بارعان ساپارىمىزدا كوپ سالالى كاسىپتىك تەحنيكالىق كوللەدج ۇجىمدارىمەن كەزدەسۋدە ءبىرقاتار كەدەرگىلەردى بايقادىق. ماماندار دايارلاۋداعى مەتوديكانىڭ وتە ەسكى فورماتتا بولۋى، زاماناۋي ماماندىقتاردىڭ جوقتىعى، كوللەدجدەر مەن جوعارى وقۋ ورىندارى اراسىندا ساباقتاستىق بولماۋى، جۇمىسشى ماماندىقتاردىڭ كوممەرتسيالىق باعىتتا دايىندالماۋى - ۇلكەن كەدەرگى. وقۋ ورىندارىندا كاسىپتىك باعدارلاۋ، ەڭبەك نارىعىن زەرتتەۋ سىندى شارالار جۇرگىزىلمەيدى. سوندىقتان، تۇلەكتەردىڭ باسىم بولىگىنىڭ ديپلومدارى شاڭ باسىپ قالادى. كەز- كەلگەن ماماندىق سىرتقى ورتامەن، نارىقپەن تىعىز بايلانىستا بولۋى كەرەك. مىسالى اۆتوسلەسار مامان دايارلايتىن كوللەدج بازاسىندا ت ج و جوقتىعى، ەگەر ت ج و بولماسا، ولار كىمدى، قالاي دايىنداپ جاتىر دەگەن سۇراق تۋىندايدى. ماكارون ونىمدەرىنىڭ تەحنولوگى ماماندارىن دايارلايتىن كوللەدجدەردىڭ بازاسىندا ەشقانداي ءوندىرىستىڭ بولماۋى ساپاسىز ماماندار قالىپتاستىرادى»، - دەدى دەپۋتات.

وسىعان وراي ول بىرنەشە ۇسىنىس جاسادى. «ماماندىققا باعىتتاۋ بويىنشا 7- سىنىپتان باستاپ وقۋشىلارعا ماماندىق تاڭداۋعا جاعداي جاساۋ، ماماندىققا بايلانىستى پاندىك باسىمدىلىقتى ارتتىرۋ، ەڭبەك ساباقتارى مازمۇنىن ارتتىرۋ ءۇشىن ەڭبەك وليمپيادالارىن وتكىزۋ كەرەك. ولاردىڭ كوللەدج، ج و و- مەن ءوزارا ساباقتاستىق ورناتۋى ماڭىزدى. جاڭا جۇيەگە سايكەس، الدىمەن ءار وبلىس اۋماعىنداعى شارۋاشىلىقتارعا، بيزنەس- قۇرىلىمدارعا قانداي مامانداردىڭ قاجەت ەكەنى زەرتتەلۋ كەرەك. سۇرانىسقا ساي وقىتۋ جۇيەسىندە تەوريالىق بىلىمگە 20، تاجىريبەلىككە 80 پايىز كوڭىل ءبولىنۋ كەرەك. كوللەدج ماماندىقتارىن ينتەگراتسيالاۋ قاجەت. كوللەدج بازاسىنا كاسىپكەرلەردى تارتۋ، ولارعا ءوندىرىس بازالارىن قالىپتاستىرۋعا جول اشۋ، كوللەدجدەرگە كاسىپپەن، وندىرىسپەن اينالىسۋعا، ياعني ءوز دەڭگەيىندە نارىققا شىعۋعا مۇمكىندىك بەرۋ كەرەك. جاڭا ماماندىقتاردى اشۋ، ماسەلەن، بۇگىنگى كۇننىڭ سۇرانىسىنا ساي ورمان شارۋاشىلىعى، تۋريزم، ومارتا ءىسى جانە باسقا دا ماماندىقتارىن ەنگىزۋ قاجەت»، - دەدى م. تاجماعامبەتوۆا.

اۆتور: مارلان جيەمباي

سوڭعى جاڭالىقتار