قازاقستاننىڭ شىمكەنتتەن باسقا بارلىق وڭىرىندە داۋىلدى ەسكەرتۋ جاريالاندى

None
None
نۇر- سۇلتان. قازاقپارات – 30-ناۋرىزدا قازگيدرومەت مالىمەتتەرى بويىنشا ەلىمىزدىڭ شىمكەنت قالاسىنان باسقا وڭىرلەرىندە داۋىلدى ەسكەرتۋ جاريالاندى.

وسى وڭىرلەردە قار جانە جاڭبىر جاۋىپ، جەلدىڭ ەكپىنى سەكۋندىنا 15-20 مەترگە كۇيشەيۋى ىقتيمال. بۇل تۋرالى قازاقپارات ت ج م سىلتەمە جاساپ حابارلايدى.

توتەنشە جاعدايلار مينيسترلىگىندە ت ج- نى جويۋ جونىندەگى رەسپۋبليكالىق شتاب قۇرىلدى. اقمولا، اقتوبە، پاۆلودار، قوستاناي، قاراعاندى، سولتۇستىك قازاقستان وبلىستارىندا وسىنداي شتابتار جۇمىس جۇرگىزۋدە. پسيحولوگيالىق كومەك جانە اقپاراتتىق قولداۋ كورسەتۋ ءۇشىن رەسپۋبليكالىق جانە اۋماقتىق شتابتاردا جەدەل جەلى تەلەفونى جۇمىس جاسايدى.

وتكەن تاۋلىكتە قۇتقارۋ بولىمشەلەرى نۇر- سۇلتان قالاسى، اقمولا، اقتوبە، قاراعاندى، قوستاناي وبلىستارىندا 372 ادامدى، ونىڭ ىشىندە 312 بالا قۇتقارىلدى جانە ەۆاكۋاتسيالاندى. اۆاريالىق- قۇتقارۋ جۇمىستارىنا تجم، ءىىم، جەرگىلىكتى اتقارۋشى ورگاندار مەن جول قىزمەتتەرىنەن 539 ادام جانە 277 بىرلىك تەحنيكا جۇمىلدىرىلدى.

اقمولا، قاراعاندى، پاۆلودار، قوستاناي وبلىستارىنىڭ جىلىتۋ پۋنكتتەرىندە 89 ادام، ونىڭ ىشىندە 11 بالا بار. اۆتوجولداردىڭ جابىق ۋچاسكەلەرىندە حالىقتى ەۆاكۋاتسيالاۋ ءۇشىن ۋاقىتشا جىلىتۋدىڭ 40 پۋنكتى دايىندالدى. جول قىزمەتتەرى قاردى تازالاۋ جۇمىستارىن جۇرگىزۋدە. حالىقتى ەسكەرتۋ ماقساتىندا اۋا رايىنىڭ ناشارلاۋى تۋرالى 74 س م س- حابارلاما جىبەرىلدى جانە «دارمەن» موبيلدىك قوسىمشاسى ارقىلى 56 حابارلاما جولداندى، 15 تەلەراديوەفيرمەن قارماۋ جۇرگىزىلدى.

قازىرگى ۋاقىتتا اقمولا، الماتى، اقتوبە، شىعىس قازاقستان، قاراعاندى، قوستاناي، پاۆلودار، سولتۇستىك قازاقستان وبلىستارىندا اۆتوجولداردىڭ 111 ۋچاسكەسى جابىلدى، ولاردىڭ 52 ءسى رەسپۋبليكالىق جانە 59 ى وبلىستىق ماڭىزى بار جولدار. بلوك- بەكەتتەردە 1434 بىرلىك تەحنيكا، ونىڭ ىشىندە 946 بىرلىك جەڭىل، 482 بىرلىك جۇك جانە 6 اۆتوبۋس تۇر: اقمولا وبلىسىندا - 735 بىرلىك تەحنيكا (547 جەڭىل جانە 188 بىرلىك جۇك)، قاراعاندى وبلىسىندا - 532 (جەڭىل-318، جۇك - 208 جانە 6 اۆتوبۋس)، قوستاناي وبلىسىندا - 57 بىرلىك تەحنيكا بار تەحنيكالىق بىرلىك (جەڭىل-35، جۇك-22)، پاۆلودار وبلىسى - 110 بىرلىك تەحنيكا (جەڭىل-46, جۇك-64).

وتكەن تاۋلىكتە نۇر- سۇلتان، الماتى قالالارىندا، اقمولا، الماتى، اقتوبە، اتىراۋ، جامبىل، قاراعاندى، قىزىلوردا، پاۆلودار جانە سولتۇستىك قازاقستان وبلىستارىندا قاتتى داۋىلدى جەلدىڭ سالدارىنان شاتىرلاردىڭ بۇزىلۋى مەن اعاشتاردىڭ قۇلاۋى، سونداي- اق ەلەكتر ەنەرگياسىنىڭ ءىشىنارا اجىراتىلۋى ورىن الدى. نۇر- سۇلتان، الماتى قالالارىندا جانە الماتى وبلىسىندا توتەنشە جاعدايلاردىڭ سالدارىنان 6 ادام، ونىڭ ىشىندە 3 بالا زارداپ شەكتى. ق ر ت ج م تۇرعىندارعا قاۋىپسىزدىك شارالارىن بارىنشا ساقتاۋعا شاقىردى. ت ج بولعان جاعدايدا 112 تەلەفونىنا حابارلاسىڭىز.



سوڭعى جاڭالىقتار