ۇيگە گاز جەلىلەرىن تارتۋ جۇمىستارى مونوپوليالانعان – اگەنتتىك
«باسەكەلەستىك پەن تەڭ قولجەتىمدىلىكتىڭ ەلەۋلى شەكتەۋلەرى «ۇيىشىلىك» جەلىلەردى سالۋ كەزىندە قۇرىلىس- مونتاجداۋ جۇمىستارى نارىعىندا بار. 250-دەن استام قىزمەت كورسەتۋشىلەردىڭ ىشىندە «گاز قۇرىلىس» ج ش س نەگىزگى ويىنشىسىنا نارىقتىڭ % 70- ى تيەسىلى بولدى. بۇل رەتتە، قوسالقى مەردىگەرلەرگە جەرگىلىكتى نارىق سۋبەكتىلەرى تارتىلدى نە باسەكەلەستەردىڭ باعاسىنان %15-20- عا جوعارى باعالار بويىنشا ءوز بەتىنشە قىزمەتتەر كورسەتىلدى»، - دەدى ر. احمەتوۆ ورتالىق كوممۋنيكاتسيالار قىزمەتىندە.
ول ءۇشىن «قازترانسگاز ايماق» ا ق وفيستەرىندە بولۋ، سونداي- اق قوسىلۋعا وتىنىمدەردى باسىم قاراۋ سياقتى ءبىرقاتار ارتىقشىلىقتار جاسالدى.
«وسىلايشا، الەۋەتتى باسەكەگە قابىلەتتى نارىقتار مونوپوليالانعان»، - دەدى اگەنتتىك وكىلى.
بۇدان بۇرىن حابارلانعانداي، باسەكەلەستىكتى قورعاۋ اگەنتتىگى باسشىلىعى گاز نارىعىنداعى كەمشىلىكتەردى اتادى. رۋستام احمەتوۆ تاۋارلىق گازدى بولشەك ساۋدادا وتكىزۋ نارىعىندا مونوپولياسىزداندىرۋ پروتسەسى باستالعانىن ايتتى.
اۆتور: رۋسلان عابباسوۆ