پرەزيدەنت جولداۋىن ىسكە اسىرۋدىڭ جالپى ۇلتتىق جوسپارى قابىلداندى

None
None
نۇر- سۇلتان. قازاقپارات - پرەزيدەنت جولداۋىندا ايتىلعان ءىس- شارالاردىڭ ساپالى جانە ۋاقىتىلى ورىندالۋىنا ءبىرىنشى باسشىلار تىكەلەي جاۋاپتى.

بۇل تۋرالى بۇگىن ۇكىمەت وتىرىسىندا ق ر پرەمەر- ءمينيسترى ءاليحان سمايىلوۆ ايتتى، دەپ حابارلايدى قازاقپارات ءتىلشىسى.

پرەزيدەنت جولداۋىندا ايتىلعان اۋقىمدى ساياسي وزگەرىستەر مەن الەۋمەتتىك- ەكونوميكالىق ءىس- شارالاردى ىسكە اسىرۋ ءۇشىن 10 نەگىزگى باعىتتان تۇراتىن جالپى ۇلتتىق جوسپار ازىرلەندى. ءبىرىنشى كەزەكتە اسا ماڭىزدى ساياسي رەفورمالاردى ىسكە اسىرۋ كوزدەلىپ وتىر. ول ءۇشىن پرەزيدەنتتىڭ وكىلەتتىگى، پارلامەنت سەناتى مەن ءماجىلىسىنىڭ، ءماسليحاتتاردىڭ، اكىمدەردىڭ فۋنكتسيالارى مەن ولاردى قۇرۋ ءتارتىبى، ساياسي پارتيا قۇرۋ ماسەلەلەرىنە قاتىستى كونستيتۋتسيالىق زاڭدار مەن باسقا دا زاڭدارعا وزگەرىستەر ەنگىزۋ قاجەت. سونداي- اق، ەلىمىزدىڭ اكىمشىلىك- اۋماقتىق قۇرىلىسى وزگەرەدى. داعدارىسقا قارسى شۇعىل شارالار كەشەنى ىسكە اسىرىلادى»، - دەدى ۇكىمەت باسشىسى.

ونىڭ اتاپ وتۋىنشە، ۇسىنىلعان جالپىۇلتتىق ءىس- شارالار جوسپارى جولداۋدا ايتىلعان مىندەتتەرگە تولىق سايكەس كەلەدى جانە بارلىق كەلىسۋ راسىمدەرىنەن ءوتتى. سوندىقتان جوسپاردى ورىنداۋعا دەرەۋ كىرىسۋىمىز قاجەت. ونداعى ءاربىر ءىس- شارانىڭ ساپالى جانە ۋاقىتىلى ورىندالۋىنا ءبىرىنشى باسشىلار تىكەلەي جاۋاپتى ەكەنىن باسا ايتقىم كەلەدى. ورىنباسارلارىما جوسپاردىڭ ورىندالۋىن قاتاڭ باقىلاۋعا الۋدى تاپسىرامىن»، - دەدى ءاليحان سمايىلوۆ.

سوڭعى جاڭالىقتار