قازاقستان ت م د پارلامەنتارالىق اسسامبلەياسىنىڭ كوپجاقتى قىزمەتىن تولىق قولدايدى – پرەزيدەنت

None
None
الماتى. قازاقپارات - بۇگىن قازاقستان پرەزيدەنتى قاسىم- جومارت توقايەۆ الماتىدا ءوتىپ جاتقان ت م د پارلامەنتارالىق اسسامبلەياسى كەڭەسىنىڭ مەرەيتويلىق وتىرىسىنا قاتىسۋشىلارعا ۇندەۋ جولدادى، دەپ حابارلايدى قازاقپارات ءتىلشىسى.

ۇندەۋدىڭ ءماتىنىن ق ر پارلامەنتى سەناتىنىڭ ءتوراعاسى ماۋلەن اشىمبايەۆ وقىپ بەردى. مەملەكەت باسشىسى ۇندەۋدە وسىدان تۋرا 30 جىل بۇرىن ءدال الماتى قالاسىندا ت م د پارلامەنتارالىق اسسامبلەياسىن قۇرۋ تۋرالى تاريحي كەلىسىمگە قول قويىلعانىن اتاپ ءوتتى. سونداي- اق ەل پرەزيدەنتى وسى جىلدار ىشىندە بۇل بىرەگەي ينستيتۋت دوستاستىق كەڭىستىگىندەگى كوپجاقتى ىنتىماقتاستىق جۇيەسىندە ەرەكشە ءرول اتقارعانىنا نازار اۋداردى.

«اسسامبلەيا ۇلتتىق زاڭنامالاردى جەتىلدىرۋگە جانە دەموكراتيا مەن ازاماتتىق قوعامدى دامىتۋعا ەلەۋلى ۇلەس قوسىپ كەلەدى. ت م د اياسىنداعى سايلاۋ پروتسەستەرى بويىنشا تاجىريبەنى جاقسارتۋعا جانە ازاماتتارىمىزدىڭ سايلاۋ قۇقىقتارىن قامتاماسىز ەتۋگە پارلامەنتشىلەردىڭ بەلسەندى قاتىسۋى جوعارى باعاعا لايىق»، - دەلىنگەن ۇندەۋدە.

مەملەكەت باسشىسى پارلامەنتارالىق ديالوگ ەكونوميكالىق، الەۋمەتتىك جانە گۋمانيتارلىق سالالارداعى ءوزارا ءىس- قيمىلدى ودان ءارى كەڭەيتۋگە ىقپال ەتەتىنىن، سونداي- اق قازىرگى زامانعى سىن- قاتەرلەرمەن كۇرەسۋ جانە قاۋىپسىزدىكتى نىعايتۋ ءۇشىن قۇقىقتىق نەگىز قالىپتاستىرۋعا ۇلكەن ۇلەس قوساتىنىن ايتتى.

«بىرلەسكەن زاڭ شىعارۋ جۇمىسى جاھاندىق كۇن ءتارتىبى شەڭبەرىندە ورنىقتى دامۋدىڭ، دەكاربونيزاتسيانىڭ جانە سيفرلاندىرۋدىڭ ماڭىزدى جاڭا مىندەتتەرىن ىسكە اسىرۋدىڭ تەڭگەرىمدى تاسىلدەرىن ازىرلەۋگە مۇمكىندىك بەرەدى. قازاقستان اسسامبلەيانىڭ كوپجاقتى قىزمەتىن تولىق قولدايدى. سونداي- اق تمد ءتوراعاسى جانە پارلامەنتارالىق اسسامبلەيانىڭ نەگىزىن قالاۋشىلاردىڭ ءبىرى رەتىندە وسى بىرەگەي ءارى پايدالى ينستيتۋتتى جان- جاقتى نىعايتۋعا قولداۋ كورسەتۋگە نيەتتى»، - دەلىنگەن قازاقستان پرەزيدەنتى ۇندەۋىندە.

ت م د پ ا ا كەڭەسىنىڭ ءتوراعاسى، ر ف فەدەرالدىق جينالىسى فەدەراتسيا كەڭەسىنىڭ ءتوراعاسى ۆالەنتينا ماتۆيەنكو قازاقستان پرەزيدەنتىنە اسسامبلەياعا ارناعان سوزدەرى ءۇشىن العىس ايتتى.

«قاسىم- جومارت كەمەل ۇلى ۇزاق جىلدار بويى ت م د پارلامەنتارالىق اسسامبلەياسى كەڭەسىنىڭ مۇشەسى رەتىندە ءبىزدىڭ جۇمىسىمىزعا بەلسەندى قاتىسىپ، پارلامەنتارالىق ىنتىماقتاستىقتى دامىتۋعا زور ۇلەس قوسقانىن بىلەسىزدەر»، - دەدى ۆالەنتينا ماتۆيەنكو.

سوڭعى جاڭالىقتار