ادىلەت ءمينيسترى قايرات ساتىبالدى ۇلىنىڭ ۇستالۋىنا قاتىستى پىكىر ءبىلدىردى

None
None
نۇر- سۇلتان. قازاقپارات – ق ر ادىلەت ءمينيسترى قانات مۋسين ب ا ق وكىلدەرىنىڭ قايرات ساتىبالدى ۇلىنىڭ ۇستالۋىنا قاتىستى سۇراعىنا جاۋاپ بەردى، دەپ حابارلايدى قازاقپارات ءتىلشىسى.

«ەڭ الدىمەن زاڭ وتباسى مۇشەلەرىن ايقىندايدى. ال نەمەرە تۋىستارى بۇعان كىرمەيدى. ەكىنشىدەن، قاتەلەسپەسەم، «تۇڭعىش پرەزيدەنت تۋرالى» زاڭدا تۇڭعىش پرەزيدەنتتى، ونىمەن بىرگە تۇراتىن وتباسى مۇشەلەرىن قىلمىستىق جاۋاپكەرشىلىككە تارتۋعا بولمايتىندىعى ايتىلعان. ياعني، ولارعا ايىپ تاعۋعا بولمايدى. ءبىراق ايىپ تاعۋ ءۇشىن تەرگەۋگە تىيىم سالىنباعان»، - دەدى ول.

ءمينيستردىڭ ايتۋىنشا، تەرگەۋ، قانداي دا ءبىر ءىس- قيمىل بولۋى مۇمكىن.

«زاڭدا كورسەتىلگەن تۇلعالاردى ۇستاۋعا جانە تۇتقىنداۋعا بولمايدى. وعان زاڭ تىيىم سالادى. ءبىراق ولارعا سۇراق قويۋعا جانە جاۋاپ الۋعا تىيىم جوق»، - دەدى قانات مۋسين.

ەستەرىڭىزگە سالا كەتسەك، قايرات ساتىبالدى ۇلى «قازاق تەلەكوم» ا ق- نىڭ قاراجاتىن اسا ءىرى كولەمدە ۇرلاۋ كۇدىگىمەن ۇستالىپ، ۋاقىتشا ۇستاۋ يزولياتورىنا قامالدى.

2022 -جىلعى 15- ناۋرىزدا نۇر- سۇلتان قالاسىنىڭ مامانداندىرىلعان اۋدانارالىق تەرگەۋ سوتى كۇدىكتى ق. ساتىبالدى ۇلىنا قاتىستى 2 اي مەرزىمگە كۇزەتپەن ۇستاۋ تۇرىندەگى بۇلتارتپاۋ شاراسىن سانكسيالادى

ايتا كەتسەك، ق ر «تۇڭعىش پرەزيدەنتى تۋرالى» 3-بابىنا سايكەس، تيىسپەۋشىلىك قازاقستان رەسپۋبليكاسىنىڭ تۇڭعىش پرەزيدەنتىنە - ەلباسىنا جانە ونىمەن بىرگە تۇراتىن وتباسى مۇشەلەرىنە جەكە مەنشىك قۇقىعىمەن تيەسىلى بارلىق مۇلىككە، سونداي- اق ولار پايدالاناتىن تۇرعىن جانە قىزمەتتىك ءۇي- جايلارعا، قىزمەتتىك كولىككە، بايلانىس قۇرالدارىنا، جازىسقان حاتتارىنا، ولارعا تيەسىلى قۇجاتتارعا قولدانىلادى.

اۆتور: مارلان جيەمباي

سوڭعى جاڭالىقتار