جەكە كۋالىكتى دەر كەزىندە اۋىستىرماساڭ قانشا ايىپپۇل تولەيسىڭ

None
None
نۇر- سۇلتان. قازاقپارات - ازاماتتارعا ارنالعان ۇكىمەت قازاقستاندىقتارعا قۇجاتتىڭ جارامدىلىق مەرزىمى اياقتالعانىن كۇتپەي- اق، جەكە كۋالىكتى ەرتەرەك اۋىستىرۋعا كەڭەس بەرەدى، دەپ حابارلايدى قازاقپارات.

مەملەكەتتىك كورپوراتسيانىڭ باسقارما ءتوراعاسىنىڭ ءبىرىنشى ورىنباسارى سۇيەنىش ءابدىلديننىڭ ايتۋىنشا، ح ق و- عا قۇجاتتارىنىڭ مەرزىمى ءوتىپ كەتكەن كليەنتتەر ءجيى جۇگىنەدى. ال اكىمشىلىك قۇقىق بۇزۋ كودەكسىنە سايكەس، قازاقستان رەسپۋبليكاسى ازاماتتارىنىڭ تىركەۋسىز نەمەسە جەكە باسىن كۋالاندىراتىن قۇجاتتارسىز ءبىر ايدان استام ءجۇرۋى 7 ا ە ك مولشەرىندە ايىپپۇلدىڭ سالىنۋىنا اكەپ سوعادى.

«جەكە كۋالىكتى تۇرعىلىقتى تىركەۋ ورنىنا قاراماستان كەز كەلگەن ح ق و- دا اۋىستىرۋعا بولادى. وندا تەك ەسكى قۇجاتتى كورسەتىپ، 0,2 اەك مولشەرىندە مەملەكەتتىك باج تولەۋ قاجەت. جاڭا قۇجات 15 جۇمىس كۇنى ىشىندە دايىن بولادى. قالاۋىڭىز بويىنشا قوسىمشا اقى تولەپ، كۋالىكتى دايىنداۋ مەرزىمىن ءبىر كۇننەن بەس جۇمىس كۇنىنە دەيىن جەدەلدەتۋگە بولادى»، - دەپ ناقتىلاپ ءوتتى سۇيەنىش ءابدىلدين.

سونداي- اق سپيكەر جەكە كۋالىك قازاقستاندىقتارعا 16 جاستان باستاپ بەرىلەتىنىن اتاپ ءوتتى. العاشقى قۇجاتتى الۋ ءۇشىن ءجاسوسپىرىم اتا- اناسىنىڭ بىرىمەن ح ق و- عا جۇگىنۋى كەرەك. ءوتىنىش بەرۋ ءۇشىن تۋۋ تۋرالى كۋالىك، ءتولقۇجات (بار بولسا) جانە مەملەكەتتىك باج سالىعىنىڭ تولەنگەنى تۋرالى تۇبىرتەك تاپسىرۋ قاجەت. تۋۋ تۋرالى كۋالىكتە تەگىن نەمەسە اتىن وزگەرتكەن، نەكەگە تۇرۋعا/بۇزۋعا بايلانىستى تەگىن وزگەرتكەندەر دە ءبىر اي ىشىندە قۇجاتىن جاڭارتۋى ءتيىس.

ايتا كەتەيىك، جەكە باستى كۋالاندىراتىن قۇجاتتاردى راسىمدەۋ قىزمەتىن ح ق و- دا وتىراتىن كوشى- قون پوليسياسىنىڭ قىزمەتكەرلەرى ۇسىنادى. ايتا كەتەيىك، پاسپورت مەرزىمى وتكەن جاعدايدا ايىپپۇل قاراستىرىلماعان. ول شەتەلگە شىعۋ ءۇشىن پايدالانىلاتىن قۇجات. ءتولقۇجات الۋ ءۇشىن كەز كەلگەن ح ق و- عا جۇگىنۋگە بولادى. مەملەكەتتىك باج مولشەرى - 8 ا ە ك. 2021 -جىلى ح ق و- لاردا جەكە باستى كۋالاندىراتىن 2,4 ميلليون قۇجات بەرىلدى.

سوڭعى جاڭالىقتار