قازاق كوكپارشىلارى وزبەكستاندا وتكەن حالىقارالىق تۋرنيردە جەڭىمپاز اتاندى

None
None
نۇر- سۇلتان. قازاقپارات - ەلىمىزدىڭ كوكپار قۇراما كومانداسى وزبەكستاندا وتكەن حالىقارالىق تۋرنيردە ءبىرىنشى ورىن يەلەندى، دەپ حابارلايدى قازاقپارات سپورت جانە دەنە شىنىقتىرۋ كوميتەتىنە سىلتەمە جاساپ.

«وزبەكستاننىڭ سۋحانداريا وبلىسىنا قاراستى تەرمەز اۋدانىندا وتكەن حالىقارالىق تۋرنيرگە 6 كوكپار كومانداسى قاتىستى. 23-24-ناۋرىز كۇندەرى وتكەن ءدۇبىرلى دودادا ەل قۇراماسى ەرەكشە ويىن كورسەتتى. سپورتشىلارىمىز تۋرنير جەڭىمپازى اتانىپ، باس جۇلدەگە تىگىلگەن 200 ملن سومدى (8,6 ملن تەڭگە) قانجىعالارىنا بايلادى»، - دەپ جازىلعان كوميتەتتىڭ Facebook پاراقشاسىندا.

اقتىق ويىندا وزبەكستان قۇراماسىمەن سىنعا تۇسكەن جەرلەستەرىمىز 6:0 ەسەبىمەن الاڭ يەلەرىن ويسىراتا ۇتتى.

حالىقارالىق سايىسقا وزبەكستاننىڭ وزىنەن 4 كوماندا قاتىستى. ەستەرىڭىزگە سالا كەتەيىك، 2019 -جىلى وزبەكستان كوكپاردان الەم چەمپيوناتىن وتكىزۋدى جوسپارلاعان بولاتىن. الايدا پاندەمياعا بايلانىستى بۇل چەمپيونات كەيىنگە شەگەرىلدى. دەگەنمەن، قازىرگى تاڭدا ەپيدەميولوگيالىق احۋالدىڭ جاقسارۋىنا قاراماستان وزبەكستان تاراپى بۇل چەمپيوناتتى وتكىزۋ- وتكىزبەۋ تۋرالى ناقتى شەشىمىن ايتقان جوق.


سونداي- اق، اتالعان كوميتەتتەن ق ر ۇلتتىق سپورت قاۋىمداستىعى بيىل قىركۇيەكتە ەرەسەكتەر اراسىندا كوكپاردان Ⅱ الەم چەمپيوناتىن وتكىزۋ جوسپارى تۋرالى حابارلاندى.


سوڭعى جاڭالىقتار