قازاقستاندىق بوكسشى نوكداۋننان كەيىن تۇرىپ، قارسىلاسىن نوكاۋتقا جىبەردى

None
None
الماتى. قازاقپارات - الماتىدا MTK Kazakhstan پروموۋتەرلىك كومپانياسى ۇيىمداستىرعان كاسىبي بوكس كەشى باستالدى.

بۇل تۋرالى قازاقپارات Sports.kz سايتىنا سىلتەمە جاساپ حابارلايدى.

ءبىرىنشى بولىپ رينگكە قازاقستاندىق بوكسشى ارتەم پچەلياكوۆ (4-0، 3 ك و) پەن تاجىكستاندىق دجالولۋدين مۋحاممادي (دەبيۋت) شىقتى.

جارتىلاي اۋىر سالماقتاعى ايقاستا پچەلياكوۆ جەڭىسكە جەتتى - ول ءۇشىنشى راۋندتىڭ سوڭىندا قارسىلاسىن تەحنيكالىق نوكاۋتقا جىبەردى.

وسى راۋندتا رەفەري مۋحامماديگە تاعى ءبىر نوكداۋن ەسەپتەدى. پچەلياكوۆ باسىندا جاقسى ويىن كورسەتە المادى: ءۇشىنشى راۋندتا نوكداۋنعا ءتۇسىپ قالدى، الايدا سوڭىندا جەڭىسكە جەتتى.

بۇل ارتەم پچەلياكوۆتىڭ كاسىبي بوكس مانسابىنداعى بەسىنشى جەڭىسى. ال دجالولۋدين مۋحاممادي ءبىرىنشى رەت جەڭىلىپ وتىر.


ەسكە سالا كەتەيىك، تۋرنير حەدلاينەرلەرى - قازاقستاندىق راي سەيتجانوۆ (9-0، 6 ك و) پەن مەكسيكالىق حوسە ماسياس ەنريكەس (15-0-2، 7 ك و).

ولار ءبىرىنشى جارتىلاي ورتا سالماقتاعى WBO «جاستار» الەم چەمپيونى تيتۋلى ءۇشىن جەكپە-جەككە شىعادى.

سوڭعى جاڭالىقتار