ۇلتتىق بانك قازاقستاندىقتارعا قاراجات جيناعىن ءتيىمدى ساقتاۋدىڭ جولىن ۇسىندى

None
None
نۇر-سۇلتان. قازاقپارات - قازاقستان ۇلتتىق بانكى جيناقتى تارتىمدى ءارى سەنىمدى ينۆەستيتسيالىق قۇرالدار - التىن مەن كۇمىستەن جاسالعان ينۆەستيتسيالىق مونەتالارىن جانە تازارتىلعان التىن قۇيمالارىن پايدالانا وتىرىپ، ساقتاۋدى ۇسىنادى.

التىن مەن كۇمىسكە سالىنعان قارجى ينۆەستيتسيانى ينفلياتسيا مەن ۆاليۋتالىق تاۋەكەلدەن ساقتاپ قانا قويمايدى، سونىمەن قاتار باسەكەگە قابىلەتتى كىرىستى دە قامتاماسىز ەتە الادى.

التىن مەن كۇمىس قۇنىنىڭ تەڭگەدەگى ديناميكاسىنان كورىنىپ تۇرعانداي، ۇلتتىق بانكتىڭ ولشەمەلى التىن قۇيمالارى مەن ينۆەستيتسيالىق مونەتالارىنا ينۆەستيتسيا سالۋ - ۇزاق مەرزىمدى پەرسپەكتيۆادا جوعارى تابىستى كورسەتەدى.

2000-جىلدان 2022-جىلعا دەيىنگى ارالىقتا التىن باعاسىنىڭ ورتاشا جىلدىق ءوسۋ قارقىنى %18 بولسا، كۇمىس باعاسى ءۇشىن بۇل كورسەتكىش - %15,1.

ق ۇ ب- تىڭ ينۆەستيتسيالىق قۇرالدارىنداعى ارتىقشىلىقتاردىڭ ءبىرى - ونىڭ نارىقتاعى وتىمدىلىگى، ول ولشەمەلى قۇيمالار مەن ينۆەستيتسيالىق مونەتالاردى كەرى ساتىپ الۋعا وتكىزۋ مۇمكىندىگىمەن قامتاماسىز ەتىلەدى.

ەگەر التىن قۇيمالار زاقىمدانباعان تۇتاس قاپتامامەن كەرى ساتىپ الۋعا وتكىزىلسە، التىن قۇيمانىڭ يەسى ولار ءۇشىن وتكىزگەن كۇنى تولەم الادى.

ق ۇ ب- تىڭ ولشەمەلى قۇيمالارى مەن ينۆەستيتسيالىق مونەتالارى ساتۋ بويىنشا الىناتىن قوسىلعان قۇن سالىعىنان بوساتىلعان، بۇل دا ساتىپ الۋشىلارعا ۇلكەن ارتىقشىلىق بەرەدى. سونىمەن قاتار، جاقىن ارادا ۇلتتىق بانكتىڭ ينتەرنەت-دۇكەنى ارقىلى ينۆەستيتسيالىق مونەتالارعا الدىن الا تاپسىرىس بەرۋگە مۇمكىندىك تۋادى. ونداي جاعدايدا ساتىپ الۋشىلار وزدەرىنە ىڭعايلى ۋاقىتتا مونەتالاردى الىپ كەتە الاتىن ق ۇ ب فيليالىن تاڭداي الادى.

تاڭدالعان فيليالدا مونەتالار بولماسا، ولار فيليالعا ق ۇ ب ەسەبىنەن جەتكىزىلەدى. مونەتالاردى دايىنداۋ مەن لوگيستيكانى ەسكەرگەندە جەتكىزۋدىڭ ورتاشا ۋاقىتى 4-6 اپتانى قۇرايدى.

مونەتالار فيليالعا كەلىپ تۇسكەننەن كەيىن ساتىپ الۋشىلار ق ۇ ب فيليالىنا بارۋ كۇنى مەن ۋاقىتىن بەلگىلەۋ تۋرالى حابارلاما الادى.

الدىن الا تاپسىرىس بەرۋ كەزىندە مونەتالار ءۇشىن تولەم جۇرگىزىلمەيدى. مونەتالاردىڭ قۇنى ق ۇ ب فيليالىندا ساتىپ الىنعان كۇندەگى باعالى مەتالدىڭ تەڭگەدەگى قۇنىنا بايلانىستى انىقتالادى.

تەڭگەدەگى قۇنى لوندون باعالى مەتالدار نارىعىنىڭ قاۋىمداستىعىمەن (LBMA) انىقتالعان سايكەس مەتالدىڭ ءبىر ترويا ۋنتسياسىنىڭ باعاسى جانە تەڭگەنىڭ دوللارعا قاتىستى رەسمي باعامى بويىنشا انىقتالعان.

سوڭعى جاڭالىقتار