ۇكىمەتتە قازاقستان ازاماتتارىنىڭ بانكروتتىعى تۋرالى زاڭ جوباسى قارالدى

None
None
نۇر-سۇلتان. قازاقپارات - ۇكىمەتتە ق ر پرەمەر-ءمينيسترى ءاليحان سمايىلوۆتىڭ توراعالىعىمەن «قازاقستان رەسپۋبليكاسى ازاماتتارىنىڭ تولەم قابىلەتتىلىگىن قالپىنا كەلتىرۋ جانە بانكروتتىعى تۋرالى» زاڭ جوباسى تالقىلاندى، دەپ حابارلايدى قازاقپارات primeminister.kz سايتىنا سىلتەمە جاساپ.

قارجى مينيسترلىگى «ازاماتتاردىڭ تولەم قابىلەتتىلىگىن قالپىنا كەلتىرۋ جانە بانكروتتىعى تۋرالى» قازاقستان رەسپۋبليكاسى زاڭىنىڭ جوباسى جانە وعان ىلەسپە زاڭ جوبالارى بويىنشا جۇمىستى اياقتادى.

21 زاڭنامالىق اكتىگە (8 كودەكس پەن 13 زاڭعا) وزگەرىستەر مەن تولىقتىرۋلار ەنگىزۋ كوزدەلىپ وتىر. ءتيىستى زاڭ جوباسى ازاماتتاردىڭ بورىش جۇكتەمەسىن ازايتۋ، الەۋمەتتىك شيەلەنىستى جەڭىلدەتۋ، قارىزدار بويىنشا تولەمدەردى ىنتالاندىرۋ جانە بورىشكەرلەردى ءونىمدى ەكونوميكالىق قىزمەتكە قايتارۋدى قامتاماسىز ەتۋ ماقساتىندا ازىرلەندى.

زاڭ جوبالارىن تالقىلاۋ بارىسىندا جۇمىس توبىنىڭ 10 - وتىرىسى ءوتتى، 100 دەن استام ۇسىنىس پەن ەسكەرتۋلەر قارالدى، «ەلەكتروندىق ۇكىمەت» پلاتفورماسى ارقىلى قويىلعان 276 سۇراققا جاۋاپ بەرىلدى.

ۇسىنىستار نەگىزىندە زاڭ جوبالارىنا وزگەرىستەر ەنگىزىلدى، ونىڭ ىشىندە: بانكروتتىق تۋرالى وتىنىشتەردى بەرۋ ءراسىمى جەڭىلدەتىلدى، الەۋمەتتىك جاعىنان از قامتىلعان ادامدارعا مەملەكەتتىك كومەك قاراستىرىلدى، بىتىمگەرشىلىك كەلىسىم جاساسۋ مۇمكىندىگى ەنگىزىلدى، بانكروتتاردىڭ قارجىلىق ساۋاتتىلىقتى ارتتىرۋ كۋرستارىنان مىندەتتى تۇردە ءوتۋى جانە تاعى باسقاسى ەنگىزىلدى.

كەڭەس قورىتىندىسى بويىنشا ق ر پرەمەر-ءمينيسترى ءاليحان سمايىلوۆ ۋاكىلەتتى مەملەكەتتىك ورگاندارعا كەلىسىلمەگەن ماسەلەلەر بويىنشا ءبىرىڭعاي ۇستانىمدار ازىرلەۋدى جانە وتاندىق زاڭنامادا قاراستىرىلعان بارلىق ساراپتامالاردى جۇرگىزۋدى تاپسىردى.


سوڭعى جاڭالىقتار