قازاقستاننىڭ سىرتقى ىستەر ءمينيسترى كۋۆەيتكە رەسمي ساپارمەن باردى

None
None
ەل-كۋۆەيت. قازاقپارات - بۇگىن ق ر پرەمەر-ءمينيسترىنىڭ ورىنباسارى - سىرتقى ىستەر ءمينيسترى مۇحتار تىلەۋبەردى كۋۆەيتكە العاشقى رەسمي ساپارمەن كەلدى.

ساپار اياسىندا سىرتقى ساياسي ۆەدومستۆوسىنىڭ باسشىسى كۋۆەيت سىرتقى ىستەر ءمينيسترى شەيح احمەد ناسەر اس-ساباحپەن كەلىسسوزدەر جۇرگىزدى، دەپ حابارلايدى قازاقپارات.

ق ر س ءى م- نەن ءمالىم ەتكەندەي، تاراپتار قازاقستان-كۋۆەيت قاتىناستارىنىڭ وڭ قارقىنىن اتاپ ءوتىپ، ەكىجاقتى ىنتىماقتاستىقتىڭ قازىرگى جاعدايى مەن پەرسپەكتيۆالارىن تالقىلادى.

ساۋدا-ەكونوميكالىق جانە ينۆەستيتسيالىق سەرىكتەستىكتى تەرەڭدەتۋدىڭ ماڭىزدىلىعىن اتاپ ءوتتى.

ءوزارا ءتيىمدى ارىپتەستىكتى ودان ءارى دامىتۋدى قامتاماسىز ەتۋگە باعىتتالعان قازاقستان-كۋۆەيت ۇكىمەتارالىق كوميسسياسىنىڭ جۇمىسىن جانداندىرۋدىڭ ماڭىزدىلىعىنا ەرەكشە نازار اۋدارىلدى.

اعىمداعى جىلدان باستاپ ەكى ەلدىڭ سىرتقى ىستەر مينيسترلەرى وسى كوميسسياعا بىرلەسىپ ءتوراعالىق ەتەتىن بولادى.

قازاقستان مەن كۋۆەيت س ءى م باسشىلارى كوپجاقتى ىنتىماقتاستىق شەڭبەرىندەگى ءوزارا ءىس-قيمىلدىڭ دەڭگەيى مەن مازمۇنىنا قاناعاتتانعانىن ءبىلدىردى.

وڭىرلىك جانە حالىقارالىق كۇن تارتىبىندەگى وزەكتى ماسەلەلەر جونىندە جان-جاقتى پىكىر الماسىلدى.

كەلىسسوزدەر قورىتىندىسى بويىنشا قازاقستان مەن كۋۆەيت سىرتقى ىستەر مينيسترلەرىنىڭ بىرلەسكەن مالىمدەمەسى قابىلداندى.

ساپار اياسىندا م. تىلەۋبەردى كۋۆەيت پرەمەر-ءمينيسترى شەيح ساباح اس-ساباحپەن كەزدەسىپ، ق ر پرەزيدەنتى ق. توقايەۆتىڭ كۋۆەيت ءامىرى شەيح ناۋاف ءال-احمەد ءال-دجابەر اس-ساباحقا ۇستىمىزدەگى جىلدىڭ قازان ايىندا نۇر-سۇلتان قالاسىندا وتەتىن ازياداعى ءوزارا ءىس-ارەكەت جانە سەنىم شارالارى جونىندەگى كەڭەس (ا و س شك) VI سامميتىنە قاتىسۋعا شاقىرۋىن تابىس ەتتى.

سونداي-اق قارجى ءمينيسترى، ەكونوميكا جانە ينۆەستيتسيالار ماسەلەلەرى جونىندەگى مەملەكەتتىك مينيستر - Kuwait Investment Authority تاۋەلسىز قورى ديرەكتورلار كەڭەسىنىڭ ءتوراعاسى ابدۋل- ۋاحاب ءال-رۋشەيدپەن كەلىسسوزدەر ءوتتى.

م. تىلەۋبەردى سۇحباتتاسىن «استانا» حالىقارالىق قارجى ورتالىعىنىڭ قىزمەتىمەن تانىستىرىپ، كۋۆەيت تاراپىن ا ح ق و- مەن ىنتىماقتاستىققا شاقىردى.

ق ر سىرتقى ىستەر ءمينيسترى Alshaya Group كۋۆەيتتىڭ ءىرى ينۆەستيتسيالىق حولدينگىنىڭ باسشىسى موحاممەد ءال-شايامەن كەزدەستى.

كۋۆەيتتىك بيزنەسمەن ءوز كومپانياسىنىڭ قازاقستاننىڭ نارىعىنا قاتىسۋىن كەڭەيتۋگە مۇددەلىلىگىن ءبىلدىردى.

قازىرگى ۋاقىتتا كومپانيا ق ر- دا Starbucks كوفەحانالار جەلىسىن، Mothercare بالالار كيىم دۇكەندەرىن كەڭەيتۋ، سونداي-اق Victoria 's Secret، American Eagle، Claire' s جانە باسقا دا جاڭا حالىقارالىق ساۋدا برەندتەرىن تارتۋ بويىنشا جوسپارلاردى قاراستىرۋدا.

سوڭعى جاڭالىقتار