قازاقستان يسلام ىنتىماقتاستىعى ۇيىمىنىڭ مينيسترلىك كەزدەسۋىنە قاتىستى

None
None
يسلاماباد. قازاقپارات - 2022 -جىلعى 22 - ناۋرىز - قازاقستان رەسپۋبليكاسى پرەمەر- ءمينيسترىنىڭ ورىنباسارى - سىرتقى ىستەر ءمينيسترى مۇحتار تىلەۋبەردى باستاعان قازاقستاندىق دەلەگاتسيا پاكىستان استاناسىندا

«بىرلىك، ادىلدىك جانە دامۋ جولىنداعى سەرىكتەستىك» تاقىرىبىندا وتكەن يسلام ىنتىماقتاستىعى ۇيىمى (ي ءى ۇ) سىرتقى ىستەر مينيسترلەرى كەڭەسىنىڭ (س ى م ك) 48- سەسسياسىنا قاتىستى. ءىس- شاراعا ي ى ۇ- عا مۇشە مەملەكەتتەر مەن باقىلاۋشى ەلدەردىڭ، سونداي- اق حالىقارالىق ۇيىمداردىڭ دەلەگاتسيالارى قاتىستى، دەپ حابارلايدى قازاقپارات ق ر سىرتقى ىستەر مينيسترلىگىنىڭ باسپا ءسوز قىزمەتىنە سىلتەمە جاساپ.

ي ى ۇ س ءى م ك ءتوراعالىعىنىڭ رەسمي تۇردە نيگەر رەسپۋبليكاسىنان پاكىستان يسلام رەسپۋبليكاسىنا تاپسىرۋى بولدى، ال پالەستينا، كامەرۋن جانە يەمەن ءتوراعانىڭ ورىنباسارلارى بولىپ سايلاندى. ي ى ۇ ەلدەرىنىڭ وكىلدەرى تاياۋ شىعىس كۇن تارتىبىندەگى وزەكتى ماسەلەلەر، قارۋسىزدانۋ، حالىقارالىق تەرروريزمگە قارسى ءىس- قيمىل، يسلاموفوبيا، كسەنوفوبياعا قارسى كۇرەس، ي ى ۇ-2025 قىزمەتىنىڭ باعدارلاماسى جانە باسقا دا تاقىرىپتار بويىنشا پىكىر الماستى. سونداي- اق، ەكونوميكا، ساۋدا، كولىك، مادەنيەت، عىلىم جانە تەحنولوگيالار، تۋريزم جانە دەنساۋلىق ساقتاۋ، اقپاراتتىق تەحنولوگيالار، سۋ رەسۋرستارى، قورشاعان ورتا جانە كليماتتىڭ وزگەرۋى سالالارىنداعى ىنتىماقتاستىقتى دامىتۋ ماسەلەلەرى قارالدى.

ازيا توبىنىڭ اتىنان سويلەگەن سوزىندە ق ر سىرتقى ىستەر ءمينيسترى م. تىلەۋبەردى ي ى ۇ- عا مۇشە مەملەكەتتەرگە قاڭتارداعى قايعىلى وقيعالار بارىسىندا قازاقستانعا قولداۋ كورسەتكەنى ءۇشىن العىس ءبىلدىردى. ول ەلىمىزدىڭ جاھاندىق جانە ايماقتىق قاۋىپسىزدىكتى قامتاماسىز ەتۋ پروتسەسىنە ءوز ۇلەسىن قوسۋدى جالعاستىرۋعا دايىن ەكەنىن مالىمدەدى.

وسى تۇرعىدا، ا و س ش ك- كە كىرمەگەن ازيا مۇسىلمان ەلدەرىن وسى قاۋىپسىزدىك جونىندەگى وڭىرلىك بىرلەستىكتىڭ مۇشەسى بولۋعا شاقىردى. م. تىلەۋبەردى قازاقستان باستاماشى بولعان تەرروريزمنەن ازات الەمگە قول جەتكىزۋ مىنەز- قۇلىق كودەكسىنىڭ ماڭىزدىلىعىنا جانە تەرروريزمگە، ەكسترەميزمگە جانە يسلاموفوبياعا قارسى كۇرەستە كۇش- جىگەردى بىرىكتىرۋ ءۇشىن الەمدىك جانە ءداستۇرلى دىندەر ليدەرلەرى سەزى شەڭبەرىندە كونفەسسياارالىق ديالوگتى جالعاستىرۋ قاجەتتىگىنە نازار اۋداردى.

مۇسىلمان ەلدەرى اراسىنداعى جانجالدار مەن اسكەري قاقتىعىستاردىڭ جالعاسۋى اياسىندا ول سيريا بويىنشا استانا پروتسەسىنىڭ ءرولىن، سونداي- اق يسلامدىق تاتۋلاسۋ قازاقستاندىق باستاماسىنىڭ وزەكتىلىگىن اتاپ ءوتتى. قازاقستان س ءى م باسشىسى ي ءى ۇ- نى رەفورمالاۋ پروتسەسىن تەزىرەك اياقتاۋ قاجەتتىگىن، بۇل جاڭا سىن- قاتەرلەر جاعدايىندا اسا ماڭىزدى ەكەنىن اتاپ ءوتتى.

ي ى ۇ سء ى م ك 48- سەسسياسىنىڭ ءبىرىنشى كۇنىنىڭ قورىتىندىسى بويىنشا ساياسي، ەكونوميكالىق، عىلىمي- تەحنيكالىق، گۋمانيتارلىق، قۇقىقتىق جانە ۇيىمداستىرۋشىلىق سالالاردا ءبىرقاتار قارارلار قابىلداندى، وندا مۇسىلمان ەلدەرىنىڭ نەگىزگى جاھاندىق جانە وڭىرلىك پروبلەمالار بويىنشا شوعىرلاندىرىلعان ۇستانىمى كورىنىس تاپتى.

ءىس- شارا سوڭىندا قورىتىندى يسلاماباد دەكلاراتسياسىن قابىلداۋ جوسپارلانۋدا. سەسسيا بارىسىندا م. تىلەۋبەردى ەگيپەتتىڭ سىرتقى ىستەر ءمينيسترى سامەح شۋكري، يراكتىڭ سىرتقى ىستەر ءمينيسترى فۋاد حۋسەين جانە تۇركيانىڭ سىرتقى ىستەر ءمينيسترى ميەۆليۋت چاۆۋشوگلۋمەن ءبىرقاتار ەكىجاقتى كەلىسسوزدەر وتكىزدى. تاراپتار ەكىجاقتى جانە كوپجاقتى فورماتتاعى ىنتىماقتاستىقتى دامىتۋ ماسەلەلەرىن، سونداي- اق جوعارى جانە اسا جوعارى دەڭگەيدەگى كەزدەسۋلەر كەستەسىن تالقىلادى.

يسلام ىنتىماقتاستىعى ۇيىمى (2011 -جىلعا دەيىن يسلام كونفەرەنسياسى ۇيىمى) 1969 -جىلى قۇرىلدى. ي ى ۇ باس حاتشىلىعى دجيددا قالاسىندا (ساۋد ارابياسى كورولدىگى) ورنالاسقان. قازىرگى ۋاقىتتا ي ى ۇ جالپى حالقى شامامەن 1,7 ميلليارد ادامدى قۇرايتىن 57 مۇشە مەملەكەتكە يە جانە ب ۇ ۇ- دان كەيىنگى كولەمى بويىنشا ەكىنشى حالىقارالىق ۇيىم. 5 ەل مەن 5 حالىقارالىق ۇيىم باقىلاۋشى مارتەبەسىنە يە. قازاقستان ۇيىمعا 1995 -جىلدىڭ جەلتوقسانىندا مۇشە بولدى.

سوڭعى جاڭالىقتار