قىتايداعى «تۇلپار مەكەنىندە» ناۋرىز مەرەكەسى اتالىپ ءوتتى - شەتەلدەگى قازاق باسپا ءسوزى
«تۇلپار مەكەنىندە» ناۋرىز مەرەكەسى اتالىپ ءوتتى - CNR
قىتاي مەملەكەتى «تۇلپار مەكەنى» دەپ تانىعان ىلە قازاق اۆتونوميالى وبلىسىنىڭ موڭعولكۇرە اۋدانىندا ناۋرىز مەرەكەسىنە وراي قازاق حالقىنىڭ ۇلتتىق ات ويىندارى ۇيىمداستىرىلدى، دەپ حابارلايدى قىتايدىڭ «ورتالىق حالىق راديوسى».
«كوكتەم كەلىپ، قار ەرىپ، مالدار تۇلەپ، تىرشىلىك تىنىسى باستالار وسى كەزدە اۋدانىمىزداعى شوپاندار اۋىلىنىڭ قىستاۋلىقتان كوكتەۋلىككە قونىستاناتىن كوشى- قونى باستالدى. سونىمەن بىرگە ءدال وسى ۋاقىتتا ناۋرىز مەرەكەسى دە قاتار كەلەدى. مىنە وسىنداي كوكتەم كەلىپ، تىرشىلىك جاندانعان، جاڭارعان ۇلىستىڭ ۇلى كۇنىنە وراي «تۇلپار مەكەنى» اتالعان موڭعولكۇرە اۋدانىندا ات بايگەسى، قىزقۋار، كوكپار، تەڭگە ءىلۋ سەكىلدى قازاق حالقىنىڭ ۇلتتىق ات ويىندارى ۇيىمداستىرىلىپ، مەرەكەلىك ءىس- شارا ءوتتى. قىتايدىڭ ورتالىق تەلەارناسى تۇسىرگەن قارلى دالا ءتوسىن دۇبىرلەتكەن وسى مەرەكەلىك شارانىڭ عاجايىپ كوركەم كورىنىستەرىنەن ۆيدەو جانە فوتورەپورتاج ۇسىنامىز»، دەپ جازادى CNR.
ايتا كەتسەك، تاريحتان بەرى تەكتى تۇلپارىمەن اتاعى شىققان موڭعولكۇرەنىڭ جىلقى مادەنيەتىنىڭ تاريحى ۇزاق، تامىرى تەرەڭدە. ىلە جىلقىسىن ءوسىرۋ ورتالىعى سانالاتىن بۇل اۋداندا 100 مىڭ جىلقى بار، مۇنىڭ 90 پايىزى ىلە جىلقىسى، بۇل شىنجاڭداعى ىلە جىلقىسىنىڭ 60 پايىزىن قۇرايدى. سوندىقتان موڭعولكۇرە بۇكىل قىتاي ەلى بويىنشا جىلقى سانى ەڭ كوپ، جىلقى ساپاسى ەڭ جاقسى اۋدان ەسەپتەلەدى. قىتاي اۋىل شارۋاشىلىق مينيسترلىگى 2003 -جىلى موڭعولكۇرە اۋدانىنا «قىتايدىڭ تۇلپار مەكەنى» دەگەن اتاق بەرگەن.
اۋدان 2009 -جىلدان باستاپ ءداستۇرلى «ىلە تۇلپارى حالىقارالىق تۋريزم مەرەكەسىن» ۇيىمداستىرىپ كەلەدى.
وزبەكستان مەن قازاقستان اراسىندا تەمىرجول قاتىناسىن قالپىنا كەلتىرەدى - «ءوزا» اقپاراتتىق اگەنتتىگى
2022 -جىلدىڭ 1 -ساۋىرىنەن باستاپ وزبەكستان مەن قازاقستان اراسىندا تەمىرجول قاتىناسىن كەزەڭ- كەزەڭىمەن قالپىنا كەلتىرەدى، دەپ جازادى وزبەكستاننىڭ «ءوزا» مەملەكەتتىك اقپاراتتىق اگەنتتىگى.
«وزبەكستان تەمىر جولدارى» مەن «قازاقستان تەمىر جولدارى» اكتسيونەرلىك قوعامى كەلىسە وتىرىپ، قازاقستانعا العاشقى جولاۋشىلار پويىزى قاتىناسىن ۇيىمداستىرادى.
2022 -جىلدىڭ 1-ساۋىرىنەن باستاپ 647/648 «نوكىس- بەينەۋ- نوكىس» باعىتىندا پويىز قاتىناۋى جولعا قويىلادى، دەلىنگەن «وزبەكستان تەمىر جولدارى» ا ق باسپا ءسوز قىزمەتىنىڭ حابارىندا.
«اتاۋلى پويىز نوكىس ستانسياسىنان اپتانىڭ ءار سەيسەنبى، جۇما جانە جەكسەنبى كۇندەرى، ال بەينەۋ ستانتسياسىنان ءار دۇيسەنبى، سارسەنبى جانە سەنبى كۇندەرى قاتىنايدى. باسقا كورشى ەلدەرمەن تەمىرجول باعىتتارىن قالپىنا كەلتىرۋ جۇمىستارى تاراپتاردىڭ كەلىسىمى بويىنشا كەزەڭ- كەزەڭىمەن اشىلادى دەپ كۇتىلۋدە.
ەسكە سالار بولساق، بۇعان دەيىن 16-ناۋرىزدا وزبەكستان مەن قازاقستان اراسىنداعى حالىقارالىق اۆتوبۋس قاتىناۋى جولعا قويىلدى»، - دەپ جازادى «ءوزا» اقپارات اگەنتتىگى.
سەلچۋك بوركى الەمنىڭ ءار جەرىنەن سۇرانىسقا يە - TRT
تۇرىكتىڭ تەلەسەريالدارى ارقىلى تانىمال بولعان سەلچۋك بوركى الەمنىڭ بارلىق جەرىنەن سۇرانىسقا يە، دەپ حابارلايدى تۇركيا راديو تەلەۆيزيا پورتالى.
«الەمنىڭ تۇكپىر- تۇكپىرىندە قىزىعۋشىلىقپەن قارالاتىن تۇرىك تەلە حيكايالارى مادەني ىقپالداستىققا دا ءوز ۇلەسىن قوسۋدا. انادولى سەلچۋك مەملەكەتىنە باس قالا بولعان كونيادا تاريحي دەرەكتەردىڭ نەگىزىمەن دايىندالعان بورىكتى مەحمەت ديلەكچي ءتۇرلى ەلدەردە جولداپ وتىر. ول ءوز ونىمدەرىندە سول ءداۋىردىڭ باس كيىمىن دالمە- ءدال كورسەتۋگە تىرىسادى.
ول قازىرگە دەيىن ءوز قولىمەن ەلۋدەن استام بورىك تىككەن. بورىكتەردى تەرى، كيىز جانە باسقا دا ماتەريالداردان 2-3 كۇندە تىگىپ شىعادى. شەبەرحانادا جىلىنا تىگىلەتىن 20 مىڭ بورىكتىڭ جارتىسىنا جۋىعى شەتەلگە جىبەرىلەدى. جىلىنا 3-5 مىڭ تاپسىرىس بەرەتىن ۇلىبريتانيا - ەڭ كوپ بورىك سۇرايتىن ەلدەر اراسىندا ءبىرىنشى ورىندا.
«ءتىرىلۋ ەرتۇعرىل» تەلەسەريالى باستالعاندا بورىك تىگۋگە شەشىم بەرگەن ديلەكچي العاشقى ون بەس بورىكتىڭ دەرەۋ ساتىلىپ كەتكەنىن ايتادى.
«سەريالدىڭ ون بەس بولىمىنەن كەيىن سۇرانىس وتە ارتتى. سەلچۋك بوركىن كوپ تىكتىك. بورىكتى اتالارىمىز 1450 -جىلدارعا دەيىن قولدانىپ كەلگەن» دەدى ول» ، - دەپ جازادى TRT.
بۇحاراداعى قۇلاعان بەكىنىس قابىرعاسىن جوندەۋگە 1 ميلليارد قارجى ءبولىندى -« ءوزا» اقپاراتتىق اگەنتتىگى
بۇحاراداعى XVI عاسىردا ىرگەسى قالانعان «تاليپوچ بەكىنىس قاقپاسىنىڭ» قۇلاعان قابىرعاسىن جوندەۋگە 1 ميلليارد سۋم مولشەرىندە قارجى ءبولىندى، دەپ جازادى وزبەكستاننىڭ «ءوزا» مەملەكەتتىك اقپاراتتىق اگەنتتىگى.
«وبلىستىق مادەني مۇرا باسقارماسىنىڭ حابارلاۋىنشا، تۋريزم جانە مادەني مۇرا مينيسترلىگى قامال قاقپاسىن جوندەۋگە 1 ميلليارد سۋم بولگەن. نىساندى قالپىنا كەلتىرۋدى مادەني مۇرانى قالپىنا كەلتىرۋ ديرەكتسياسى جۇزەگە اسىرادى. ءقازىر نىساندا جاۋاپتى قىزمەتكەرلەر مەن ماماندار جوبا الدى جۇمىستارىن جۇرگىزۋدە. ەسكە سالار بولساق، بەكىنىس 11 ناۋرىز كۇنى اپتا بويى جاۋعان نوسەر جاۋىن سالدارىنان قۇلاعانى ايتىلعان ەدى»، - دەپ جازادى « ءوزا» اقپارات اگەنتتىگى.
قازاقستاندا ناۋرىز مەرەكەسىنە وراي كىتاپ سىيعا تارتىلدى - فارس
يران مەن قازاقستان حالقىنىڭ ورتاق مەرەكەسى ناۋرىز مەرەكەسىنە جانە ەكى ەل اراسىنداعى ساياسي قارىم- قاتىناستىڭ 30 جىلدىعىنا وراي وسى ەلدىڭ ۇلتتىق كىتاپحاناسىنا كىتاپتار سىيعا تارتىلدى، دەپ حابارلايدى يراننىڭ Parstoday اقپارات اگەنتتىگى.
يران تەلەراديو بىرلەستىگى اقپارات اگەنتتىگىنىڭ مالىمەتىنشە، قازاقستان ۇلتتىق كىتاپحاناسىنىڭ جاۋاپتى قىزمەتكەرلەرى، يرانتانۋشىلار، پروفەسسورلار مەن الماتىداعى جوعارى وقۋ ورىندارىنىڭ پارسى ءتىلىن مەڭگەرگەن ستۋدەنتتەرى قاتىسقان سالتاناتتى شارادا ي ي ر الماتىداعى باس كونسۋلدىعى سىيعا تارتقان كىتاپتاردىڭ تۇساۋى كەسىلگەن.
«قازاقستان ۇلتتىق كىتاپحاناسىنىڭ ديرەكتورى باقىت جامال وسمانوۆا حانىم يران مادەنيەتى، وركەنيەتى مەن ادەبيەتىنە سىلتەمە جاساي وتىرىپ، يراندىق قۇندى كىتاپتاردىڭ سىيعا تارتىلۋىن جوعارى باعالاپ: «مادەنيەتتىڭ، وركەنيەتتىڭ بايلىعى مەن ەكى ەل اراسىنداعى كەڭ اۋقىمدى تاريحي بايلانىس يران مەن قازاقستاننىڭ ەكى حالقىن جاقىنداستىرادى، سونىمەن قاتار ستۋدەنتتەر مەن يراندىق مادەنيەتكە قىزىعۋشىلىق تانىتاتىنداردىڭ ءبىلىمىن ارتتىرىپ، ەكى ەل اراسىنداعى قارىم- قاتىناستى دامىتادى. ي ي ر-نىڭ قازاقستانداعى الماتىداعى باس كونسۋلى موحسەن فاعاني يران مەن قازاقستان اراسىنداعى ساياسي قارىم- قاتىناستىڭ 30 جىلدىعىمەن قۇتتىقتاپ، ناۋرىز مەرەكەسىنىڭ ورتاق سىيى رەتىندە بەيبىتشىلىك پەن دوستىقتىڭ ناۋرىز مەيرامىندا كەڭەيە تۇسۋىنە ءۇمىت ءبىلدىردى»، - دەپ جازادى Parstoday اقپارات اگەنتتىگى.
اۆتور: باقىتجول كاكەش
