پۋتين جالداعان سيريا سودىرلارى نە ءۇشىن ۋكرايناعا كەلە جاتقانى بەلگىلى بولدى

نۇر-سۇلتان. قازاقپارات - رەسەيدىڭ سيريادان العان جالدامالى اسكەرى ۋكرايناعا سوعىسۋ ءۇشىن ەمەس، ەۋروپا ەلدەرىنە قاشىپ كەتۋ ءۇشىن كەلە جاتىر.

ولاردىڭ ماقساتى - سيريادان قالاي دا بوساپ شىعىپ، ەۋروپاعا جەتۋ. وسىلاي دەپ مالىمدەدى ۋكراينانىڭ قورعانىس مينيسترلىگى.

ۋكراينانىڭ سولداتتارى قولعا تۇسكەن سيريا سودىرلارىن تەرگەپ، نە ءۇشىن ۋكرايناعا جالدامالى بولىپ كەلگەنىن سۇراعان.

«سوندا جالدامالى جاۋىنگەرلەردىڭ ءبىر توبى رەسەي مەن بەلارۋس ەلىنە جەتىپ الىپ، كەيىن ەۋروپا مەملەكەتتەرىنە زاڭسىز ميگراتسيامەن ءوتىپ كەتۋدى ماقسات تۇتقانىن ايتقان. جاقىندا رەسەيدىڭ سيرياداعى حمەيميم اۆيابازاسىنان اتتانعان 30 سودىر جارالىمىز دەپ بىزگە كەلدى. ءبىرشاما مورالدى-پسيحولوگيالىق قىسىم كورگەن سىڭايلى. سوعىستان قورقىپ قالعان. كەيبىرى ءوزىن ادەيى جارالاپ، ۇرىس الاڭىنا بارۋدان جالتارعان»، - دەپ حابار تاراتتى ۋكراينانىڭ قورعانىس مينيسترلىگى.

ۋكراينانىڭ بارلاۋ قىزمەتى مىنانداي مالىمەتتەردى انىقتاعان. بىرىنشىدەن، رەسەي جالداعان سيريا سودىرلارى وسى ەلدەگى حمەيميم اسكەري بازاسىنا كەلىپ، سودان اتتانىپ جاتىر. كۇنىنە 300 جەندەت اتتانادى. 15- ناۋرىز كۇنى رەسەيگە 150 ءى كەلگەن.

ەكىنشىدەن، رەسەي سيرياداعى قارۋ-جاراقتارى مەن اسكەري تەحنيكالارىن الىپ، ۋكراينا مەن بەلارۋس شەكاراسىنا اكەلۋدىڭ جولدارىن ويلاستىرىپ جاتىر.

ۇشىنشىدەن، سيرياداعى باشار اساد ۇكىمەتى رەسەيگە 40 مىڭ جالدامالى اسكەر بەرەمىن دەپ ۋادە ەتكەن ەكەن.

ايتا كەتەيىك، پۋتيننىڭ سيريادان جالدامالى اسكەر اكەلگەلى جاتقانى وسىدان 10 كۇن بۇرىن بەلگىلى بولعان ەدى. سيريالىق سودىرلار قالا ىشىندە سوعىسۋعا بەيىم بولعاندىقتان، پۋتين بۇلاردى كيەۆ سىندى ءىرى قالالاردى باسىپ الۋعا قولدانعىسى كەلگەن سىڭايلى.

bugin.kz