ناۋرىزدا ەلگە ەڭبەگى سىڭگەن ازاماتتتارعا مەملەكەتتىك ناگرادا تاپسىرۋ يگى داستۇرگە اينالادى - توقايەۆ

None
None
نۇر-سۇلتان. قازاقپارات - ناۋرىز مەيرامىندا ەلگە ەڭبەگى سىڭگەن ازاماتتتارعا مەملەكەتتىك ناگرادا تاپسىرۋ يگى داستۇرگە اينالادى.

بۇل تۋرالى بۇگىن ەلىمىزدىڭ ءبىرقاتار ازاماتىن مەملەكەتتىك ناگرادامەن ماراپاتتاۋ راسىمىندە قر پرەزيدەنتى قاسىم-جومارت توقايەۆ ايتتى، دەپ حابارلايدى قازاقپارات ءتىلشىسى.

«ەل ىشىندە بەيبىت كۇندە ەڭبەگىمەن، قيىن ساتتە ەرلىگىمەن كوزگە تۇسكەن جاندار از ەمەس. كەشەگى دۇربەلەڭ كەزىندە قانشاما ازاماتىمىز جۇرتتى سابىرعا شاقىرىپ، ساليقالى ءسوز ايتتى. ولار ءوز باسىن قاتەرگە تىگىپ، اينالىسىنداعى ادامدارعا كومەكتەستى. جاۋاپتى ساتتە جۇرتىنا قورعان بولىپ، ەلدىكتىڭ ناعىن ۇلگىسىن كورسەتتى»، - دەدى قاسىم-جومارت توقايەۆ.

ق ر پرەزيدەنتىنىڭ پايىمىنشا، وسىنداي وتانشىل تۇلعالارىمىز جاس ۇرپاققا ونەگە.

«حالقىمىز «ەر ەڭبەگىمەن ءقادىرلى» دەگەندى بەكەر ايتپاعان. ەلگە ەڭبەگى سىڭگەن جاندارعا ۇلىستىڭ ۇلى كۇنىندە قۇرمەت كورسەتۋدىڭ زور سيمۆولدىق ءمانى بار. مەن ناۋرىز مەرەكەسى قارساڭىندا ءبىر توپ ازاماتقا مەملەكەتتىك ناگرادا تاپسىرۋ جونىندە شەشىم قابىلدادىم. بۇل ءىس- شارانى وسى مەيرامعا وراي وتكىزۋدى يگى داستۇرگە اينالدىرامىز»، - دەدى مەملەكەت باسشىسى.

سوڭعى جاڭالىقتار