وزبەكستان قازاقستاندىق تۋريستەردىڭ جەرۇستى شەكاراسى ارقىلى كىرۋىنە شەكتەۋلەردى الىپ تاستادى
سونىڭ ىشىندە وزبەكستان تاراپىنان شەكاراداعى بارلىق جەرۇستى وتكىزۋ پۋنكتتەرى ارقىلى قازاقستان مەن وزبەكستان ازاماتتارىن ەركىن وتكىزۋ بويىنشا بارلىق شەكتەۋلەر الىنىپ تاستالادى، - دەپ حابارلايدى Kaz.tengritravel.kz ءتىلشىسى وزبەكستاننىڭ تۋريزم جانە مادەني مۇرا مينيسترلىگىنە سىلتەمە جاساپ.
سونىمەن قاتار، رەسپۋبليكالىق كوميسسيانىڭ شەشىمىمەن كوروناۆيرۋس ينفەكسياسىنا قارسى ۆاكتسينا ءتولقۇجاتى بولعان جاعدايدا، بارلىق ادامدار پ ت ر- سىناعىنسىز كىرە الادى. كوروناۆيرۋسقا قارسى ەكپە الماعان ادامدار مەرزىمى 72 ساعاتتان اسپايتىن ەلەكتروندىق QR- كودى بار تەرىس پ ت ر تەستىنىڭ ناتيجەسىنىڭ بولۋى نەمەسە شەكارادان وتكەن كەزدە، ياعني وزبەكستان رەسپۋبليكاسىنىڭ اۋماعىنا كەلگەن بەتتە جەدەل تەست تاپسىرۋى ءتيىس.
وسىعان دەيىن وزبەكستان قازاقستانمەن شەكارادا ەكى ەلدىڭ ازاماتتارىنا وتۋىنە تىيىم سالعان ەدى. الايدا اۋەبايلانىس ساقتالعان.
