رەسەيگە سالىنعان سانكسيالار قازاقستانعا سىرتتان كەلەتىن تاۋاردىڭ تاسىمالىنا اسەر ەتىپ جاتىر ما

None
None
نۇر-سۇلتان. قازاقپارات - باسەكەلەستىكتى قورعاۋ جانە دامىتۋ اگەنتتىگىنىڭ ءتوراعاسى سەرىك جۇمانعارين رەسەيگە سالىنعان سانكسيالاردىڭ قازاقستانعا سىرتتان كەلەتىن تاۋاردىڭ تاسىمالىنا قالاي اسەر ەتىپ جاتقانىن ايتتى، دەپ حابارلايدى قازاقپارات ءتىلشىسى.

«بىرىنشىدەن، ەشكىم سىرتتان ءونىم اكەلۋدى توقتاتقالى جاتقان جوق. كەپىلدىك بەرەمىن. قايتكەن كۇندە دە قازاقستان ەشقانداي سانكسياعا ىلىنگەن جوق. ارينە، قانداي دا ءبىر لوگيستيكالىق پروبلەمالار بار. ءبىز وندايعا پاندەميا كەزىنەن بەرى ۇيرەنەتىن دە بولدىق. لوگيستيكا اعىنى وزگەرۋى ابدەن مۇمكىن. قازىر ءبىرىنشى كەزەكتە وسى جۇيە ءتۇزىلىپ جاتىر. تولەم ماسەلەسى دە بار. ويتكەنى رەسەيگە سالىنعان سانكسيالاردىڭ تولەم جۇيەسىنە دە قاتىسى بار. بۇل جەردە تۇسىنىكسىز شاتاسۋلار بولۋى مۇمكىن. ءبىراق تولەم جۇيەلەرى بويىنشا قازاقستاندا ماسەلە جوق. سوندىقتان نە ءۇشىن الاڭداۋ كەرەكتىگىن ءتۇسىنىپ تۇرعان جوقپىن»، - دەدى ول ماجىلىستە وتكەن دوڭگەلەك ۇستەلدەن كەيىن.

اگەنتتىك باسشىسى سانكسيا قىسىمى ۇزاققا سوزىلسا، رەسەيدىڭ وزىنەن الاتىن كەيبىر تاۋارلار ارزانداۋى مۇمكىن ەكەنىن ايتادى.

«ءبىز رەسەيمەن وداقتاس ەلمىز. ارامىزدا كەدەن شەكاراسى جوق. ونىڭ ۇستىنە سانكسيا قسىمى وسى كۇيىندە ساقتالسا، رەسەيدەن كەلەتىن كەيبىر تاۋارلار ارزانداۋى مۇمكىن. سىرتقى ساۋدا اينالىمىنداعى رەسەيدىڭ ۇلەسى %40 داي. ونىڭ جاقسى جاعى دا، جامان جاعى دا بار. جامان بولاتىنى، سانكسيالار كۇشەيىپ جاتىر. سوندا دا سىرتتان جەتكىزىلەتىن تاۋاردىڭ ازايۋىن كۇتىپ وتىرعان جوقپىز. بۇعان دەيىن ايتقانىمداي. الەۋمەتتىك ماڭىزى بار 19 ءتۇرلى تاۋاردىڭ جارتىسى بويىنشا ءبىز يمپورتقا تاۋەلدىمىز. ال ولاردىڭ باعاسى ۆاليۋتا باعامىنا بايلانىستى عانا قىمباتتاپ وتىر. ءبىراق بۇل تابيعي قۇبىلىس. ال يمپورتتى الماستىرۋ سالالىق مينيسترلىكتەردىڭ قۇىزىرىنداعى شارۋا»، - دەدى سەرىك جۇمانعارين.


سوڭعى جاڭالىقتار