ابايدىڭ اتىن قالاعا بەرە الماي جۇرگەندە تۇتاس ءبىر وبلىس اقىن ەسىمىن يەلەندى - قازىبەك يسا

None
None
الماتى. قازاقپارات – ق ر پارلامەنتى ءماجىلىسىنىڭ دەپۋتاتى قازىبەك يسا پرەزيدەنت جولداۋىنا قاتىستى پىكىر ءبىلدىردى، دەپ حابارلايدى قازاقپارات ءتىلشىسى.

دەپۋتاتتىڭ ايتۋىنشا، مەملەكەت باسشىسى مالىمدەگەن «جاڭا قازاقستاندى» قۇرۋعا ناقتى قادام جاسالدى دەپ نىق سەنىممەن ايتۋعا بولادى.

«بۇدان بىلاي پرەزيدەنت ەشقانداي پارتيا مۇشەسى بولمايدى. اكىمدەر مەن ولاردىڭ ورىنباسارلارىنا پارتيا فيليالدارىن باسقارۋعا تىيىم سالىنادى. پارلامەنتكە ەندى ەشقانداي پارتيادا جوق حالىق وكىلدەرى دە سايلانا الادى. ءار ايماقتان ماجىلىسكە ءبىر- ءبىر وكىل سايلانا الادى. پارلامەنت سايلاۋى 70 پايىز - پروپورتسيونالدىق، 30 پايىز - ماجوريتارلىق جۇيەمەن سايلانادى. پارلامەنتتىڭ وكىلەتتىگى كۇشەيەدى. پارتيا قۇرۋ ءۇشىن بۇرىنعى مەجەدەن 4 ەسە از 5 مىڭ مۇشە جەتكىلىكتى بولادى. بۇل پارلامەنتتەگى پارتيالار سانىن كوبەيتەدى. كونستيتۋتسيالىق سوت قايتا قۇرىلادى»، - دەپ جازدى دەپۋتات.

سونداي- اق ول جاڭا وبلىستاردىڭ اشىلۋىمەن قۇتتىقتادى. پرەزيدەنت جولداۋىندا «اق جول» پارتياسىنىڭ باعدارلاماسىنداعى ۇسىنىستاردىڭ باسىم بولىگى ورىندالىپ جاتقانىنا قۋانىشتى ەكەنىن جەتكىزدى.

«مىسالى، پارلامەنتتىڭ وكىلەتتىگىن كەڭەيتۋ، پرەزيدەنتتىڭ پارتيادا بولماۋى، اكىمدەردىڭ پارتيا فيليالدارىن باسقارماۋى جانە سەمەيدى قايتا وبلىس ەتىپ اشۋ نەمەسە جەكە ستاتۋس بەرۋ تۋرالى پارتيا ءتوراعاسى، ءماجىلىس دەپۋتاتى ازات پەرۋاشيەۆ پارلامەنتتە تالاي كوتەرگەن بولاتىن. ءبىز ءۇش- ءتورت جىل بۇرىن سەمەي قالاسىنا ابايدىڭ اتىن بەرۋ كەرەك دەپ جازعانىمىزدا كوپشىلىگى قولداعانمەن، قارسى شىققاندار دا بولىپ ەدى. مىنە، ەندى قالا تۇگىلى وبلىسقا بەرىلدى ۇلى ابايدىڭ اتى. پارلامەنتتە حالىق مۇددەسىن قورعاپ كەلە جاتقان «اق جول» پارتياسى ساياسي باعدارلاماسىنىڭ باسىم بولىگى پرەزيدەنت جولداۋىندا قولداۋ تاۋىپ، ىسكە اسىپ جاتقانى ءۇشىن حالىققا دا، قۇرىلعانىنا بۇگىن 20 جىل تولىپ جاتقان پارتيامىزعا دا زور تارتۋ دەپ بىلەمىز. ءيا، جاڭا ءداۋىردى جاساۋعا ءبارىمىز ءوز ۇلەسىمىزدى قوسۋىمىز كەرەك»، - دەپ جازدى قازىبەك يسا.

اۆتور: دۋمان ارعىنگەلدى

سوڭعى جاڭالىقتار