جەرگىلىكتى ءوزىن-ءوزى باسقارۋ ورگاندارى ءۇشىن ساتىپ الۋ ءتارتىبى جەڭىلدەتىلەدى - پرەزيدەنت

None
None
نۇر-سۇلتان. قازاقپارات - جەرگىلىكتى ءوزىن-ءوزى باسقارۋ ورگاندارى ءۇشىن ساتىپ الۋلاردا بيۋروكراتيالىق كەدەرگىلەردى جويۋعا ەكپىن قويىلادى.

بۇل تۋرالى مەملەكەت باسشىسى قاسىم- جومارت توقايەۆ قازاقستان حالقىنا جولداۋى بارىسىندا ءمالىم ەتتى، دەپ حابارلايدى قازاقپارات ءتىلشىسى.

پرەزيدەنتتىڭ ايتۋىنشا، جەرگىلىكتى ءوزىن-ءوزى باسقارۋ ورگاندارى ءۇشىن ساتىپ الۋلار ءتارتىبىن جەڭىلدەتۋ ماڭىزدى قادامداردىڭ ءبىرى بولماق. وسىنىڭ اياسىندا بيۋروكراتيالىق كەدەرگىلەر مەن ءفورماليزمدى جويۋعا ەكپىن قويىلادى.

«ۇكىمەتكە پرەزيدەنت اكىمشىلىگىمەن بىرلەسە اتالعان تاپسىرمالاردى جۇزەگە اسىرۋ تەتىكتەرىن تىڭعىلىقتى پىسىقتاپ، جەرگىلىكتى ءوزىن- ءوزى باسقارۋ تۋرالى زاڭدى دايارلاۋ كەزىندە ەسكەرۋدى تاپسىرامىن»، - دەدى مەملەكەت باسشىسى.

سونىمەن قاتار قاسىم-جومارت توقايەۆ قازاقستاننىڭ جەرگىلىكتى ءوزىن-ءوزى باسقارۋ تۋرالى ەۋروپالىق حارتيانى راتيفيكاتسيالاۋى بويىنشا ماسەلەنى پىسىقتاۋ كەرەك ەكەنىن ايتتى. بۇل ءوز كەزەگىندە وسى سالادا بازالىق حالىقارالىق قۇجات بولىپ سانالادى.

بۇعان دەيىن حابارلانعانداي، پرەزيدەنت ناقتى قۇزىرەتتەردى ورتالىقتان وڭىرلەرگە بەرۋ قادامدارى جالعاساتىنىن ايتتى. مۇنىمەن قوسا، جەرگىلىكتى ءوزىن-ءوزى باسقارۋ ورگاندارىن تىكەلەي قارجىلاندىرۋ تەتىگىن ەنگىزۋ كەرەك ەكەنى اتاپ ءوتىلدى.

سوڭعى جاڭالىقتار