مەملەكەت باسشىسى ازىق-تۇلىك باعاسىن تۇراقتاندىرۋ تاسىلدەرىن اتادى
«قالىپتاسقان حالىقارالىق جاعدايدا ەلدىڭ ازىق- تۇلىك قاۋىپسىزدىگىن قامتاماسىز ەتۋ ۇلكەن ماڭىزعا يە بولىپ وتىر. ۋكرايناداعى جاعداي ازىق-تۇلىك باعاسىنىڭ كەنەت قىمباتتاۋىنا اكەلدى. بۇل باعالار جۋىق ارادا بۇكىل رەكوردتاردى بۇزۋى ابدەن ىقتيمال. وسىنىڭ اياسىندا ەگىس ناۋقانىن ساپالى وتكىزۋ ءبىرىنشى جوسپارعا شىعادى. الايدا، مەنىڭ بىلۋىمشە، فەرمەرلەردىڭ كوبى ەگىس ناۋقانىنا دايىن ەمەس. ۇكىمەت پەن اكىمدىكتەر بۇل جۇمىستى ەرەكشە باقىلاۋىنا الۋى كەرەك. ديقانداردى قولايلى باعاداعى جانارمايدىڭ قاجەتتى كولەمىمىن قامتۋ قاجەت»، - دەدى قاسىم-جومارت توقايەۆ. سونداي-اق، ول اۋىل شارۋاشىلىعى تەحنيكالارىنىڭ دايىندىعىن تۇقىم مەن تىڭايتقىشتاردىڭ قاۋىپسىزدىگىن قايتا ءبىر تەكسەرۋ كەرەكتىگىن ەسكە سالدى.
«ءبىرقاتار وڭىردە جاۋىن-شاشىننىڭ از بولۋى ەگىن شىعىمىنا كەرى اسەر ەتىپ، جالپى جەمشوپتىڭ تاپشىلىعىنا اكەلۋى مۇمكىن ەكەنىن ۇمىتۋعا بولمايدى. جالپى العاندا، فەرمەرلەر قاۋىمداستىعىمەن بىرگە اگروونەركاسىپ كەشەنىن قولداۋدىڭ تاسىلدەرىن قايتا قاراۋ كەرەك. ازىق- تۇلىكتىڭ تاپشىلىعى مەن باقىلاۋسىز قىمباتتاۋىن بولدىرماۋ ءۇشىن مەملەكەتتىك تۇراقتاندىرۋ قورىنا اۋىل شارۋاشىلىعى ونىمدەرىن فورۆاردتىق باعامەن ساتىپ الۋدى ويلاستىرۋ قاجەت»، - دەدى پرەزيدەنت.
اۆتور: ەسىمجان ناقتىباي
