سەناتتاعى پرەزيدەنتتىك كۆوتا قىسقارتىلادى - مەملەكەت باسشىسى
بۇل تۋرالى ق ر پرەزيدەنتى قاسىم-جومارت توقايەۆ قازاقستان حالقىنا جولداۋىندا ايتتى، دەپ حابارلايدى قازاقپارات ءتىلشىسى. سەناتتى قالىپتاستىرۋ جانە ءبىرقاتار قىزمەتىن قايتا قاراستىرۋ قاجەتتىگىن اتاپ ءوتتى. قازىرگى ۋاقىتتا جوعارى پالاتا ءاربىر وڭىردەن سايلاناتىن 2 سەناتوردى جانە پرەزيدەنت تاعايىندايتىن 15 دەپۋتاتتى قوسقاندا 49 سەناتوردان تۇراتىندىعىن ايتتى. مۇنداي قۇرىلىم وڭىرلىك ەرەكشەلىكتەردى ەسكەرۋگە جانە مەملەكەت باسشىسىنا زاڭشىعارماشىلىق پروتسەسىنە تىكەلەي ىقپال ەتۋگە مۇمكىندىك بەرگەنىن باسا ايتتى.
«دەگەنمەن، بۇگىندە العا قاراي ىلگەرىلەۋىمىز قاجەت. سەناتتاعى پرەزيدەنتتىك كۆوتانى باقىلاۋ قۇرالى رەتىندە ەمەس، پارلامەنتتى ءالسىز ۇسىنىلعان الەۋمەتتىك توپتاردىڭ داۋىسى مەن پىكىرىن ەسكەرۋ تەتىگى رەتىندە قاراستىرۋ كەرەك. سوندىقتان مەن سەناتتىعى پرەزيدەنتتىك كۆوتانى 15-تەن 10 دەپۋتاتقا دەيىن قىسقارتۋ تۋرالى شەشىم قابىلدادىم. ونىڭ ۇستىنە ولاردىڭ 5 ەۋى قازاقستان حالقى اسسامبلەياسىنان ۇسىنىلاتىن بولادى»، - دەدى ق ر پرەزيدەنتى.
