پرەزيدەنتتىڭ جاقىن تۋىستارىنىڭ لاۋازىمدى باسشىلىققا تاعايىندالۋىنا زاڭمەن تىيىم سالىنادى

None
None
نۇر-سۇلتان. قازاقپارات - قازاقستاندا پرەزيدەنتتىڭ جاقىن تۋىستارىنىڭ ساياسي مەملەكەتتىك قىزمەتشىلەر مەن باسشىلار لاۋازىمدارىنا ورنالاسۋعا زاڭنامالىق تىيىم سالىنادى.

بۇل تۋرالى مەملەكەت باسشىسى قاسىم-جومارت توقايەۆ حالىققا جولداۋىندا ءمالىم ەتتى، دەپ حابارلايدى قازاقپارات ءتىلشىسى.

«مەملەكەت باسشىسى بارلىق ازاماتتار ءۇشىن مۇمكىندىكتەر تەڭدىگىنىڭ مىزعىماس كەپىلى بولۋعا ءتيىس. سوندىقتان پرەزيدەنتتىڭ جاقىن تۋىستارى ءۇشىن كۆازيمەملەكەتتىك سەكتورداعى ساياسي مەملەكەتتىك قىزمەتشىلەر مەن باسشىلار لاۋازىمدارىنا ورنالاسۋعا زاڭنامالىق تىيىم ەنگىزىلەتىن بولادى»، - دەدى قاسىم-جومارت توقايەۆ.

مەملەكەت باسشىسىنىڭ ايتۋىنشا، بيلىكتىڭ قاي دەڭگەيى بولسىن باستىسى حالىقتىڭ مۇددەسى قورعالۋى كەرەك.

«مەملەكەت باسشىسىنىڭ وبلىستار، رەسپۋبليكالىق ماڭىزى بار قالالار اكىمدەرى اكتىلەرىنىڭ كۇشىن جويۋعا نەمەسە قولدانىلۋىن توقتاتا تۇرۋعا قۇقىعى بار. بۇل نورما «قولمەن باسقارۋدىڭ» ارتىق تاجىريبەسىن ورنىقتىرۋعا ىقپال ەتەدى جانە جەرگىلىكتى اتقارۋشى ورگانداردىڭ دەربەستىگىن تومەندەتەدى. سونىمەن قاتار، قازىر پرەزيدەنت اۋدان، ءتىپتى اۋىل اكىمدەرىن قىزمەتىنەن الىپ تاستاۋعا قۇقىلى. مۇنداي زاڭنامالىق ەرەجەلەردى جويۋ قاجەت»، - دەيدى ول.

اۆتور: ءالي يبرايەۆ


سوڭعى جاڭالىقتار