قازاقستاندا قانت وندىرەتىن زاۋىت سالۋعا ينۆەستور تابىلماي وتىر

نۇر-سۇلتان. قازاقپارات - قازاقستاندا قانت وندىرەتىن ءتورت زاۋىت جۇمىس ىستەيدى. بۇل تۋرالى ق ر اۋىل شارۋاشىلىعى ۆيتسە-ءمينيسترى جەڭىس وسەرباي ايتىپ بەردى، دەپ حابارلايدى قازاقپارات ءتىلشىسى.
None
None

«ونىڭ ەكەۋى - جامبىل وبلىسىندا، قالعان ەكەۋى - الماتى وبلىسىندا جۇمىس ىستەيدى. قازىر اتالعان زاۋىتتاردى جاڭعىرتۋ جۇرگىزىلەدى، سونداي-اق جامبىل وبلىسىندا جاڭا زاۋىتتى ىسكە قوسۋ جوسپارلانعان»، - دەدى سپيكەر ورتالىق كوممۋنيكاتسيالار قىزمەتىندە وتكەن باسپا ءسوز ءماسليحاتىندا.

ج. وسەرباي جامبىل وبلىسىندا مەركى قانت زاۋىتىنىڭ بارلىق ءونىمىن وڭدەۋگە 75 كۇن كەتەتىنىن اتاپ ءوتتى.

بۇل شيكىزات پەن قانت قىزىلشاسىن ەگۋ الاڭدارىنىڭ جەتكىلىكسىز بولۋىنا بايلانىستى. سونىمەن بىرگە، ول ءۇش زاۋىت شيكى قانتتى وڭدەپ جاتقانىن ايتتى.

جالپى العاندا، زاۋىتتار ايىنا شامامەن 50 مىڭ توننا قانت وندىرە الادى.

«يمپورتتى الماستىرۋ بويىنشا جۇمىس جۇرگىزىلىپ جاتىر. نەگىزگى مىندەت - قانت وندىرىلەتىن ءوز قىزىلشامىزدى ءوسىرۋ. جىل سايىن 350 مىڭ تونناعا دەيىن قانت قىزىلشاسى جينالادى. فەرمەرلەردى ىنتالاندىرۋ ءۇشىن اۋقىمدى سۋارۋ باعدارلاماسى جۇرگىزىلۋدە. 2021-جىلى قانت قىزىلشاسىن ساتىپ الۋعا شامامەن 7 ميلليارد تەڭگە ءبولىندى»، - دەدى جەڭىس وسەرباي.

سونىمەن بىرگە، پاۆلودار وبلىسىندا تاعى ءبىر زاۋىت سالۋ جوسپارلانىپ وتىر، ونىڭ قۇرىلىسىنا اكىمدىك باستاماشى بولعان.

قازىرگى ۋاقىتتا تەحنيكالىق-ەكونوميكالىق نەگىزدەمە ازىرلەندى، ال زاۋىتتىڭ قۇرىلىس جۇمىستارى باستالعان جوق. وعان ءبىر جىلدان بەرى ينۆەستور ىزدەپ جاتىر.

ايتا كەتەيىك، ساۋدا نۇكتەلەرىندە باعانى كوتەرۋ فاكتىلەرى انىقتالسا، مىناداي كەرى بايلانىس ارنالارىنا حابارلاسقان ءجون: جەرگىلىكتى اتقارۋشى ورگاندار (اكىمدىكتەر)، ق ر ساۋدا جانە ينتەگراتسيالار مينيسترلىگى تۇتىنۋشىلار قۇقىعىن قورعاۋ كوميتەتىنىڭ «E -Tutynushy» سايتى، ق ر س ي م ساۋدا كوميتەتى جانە ق ر باسەكەلەستىكتى قورعاۋ جانە دامىتۋ اگەنتتىگى.

قازاقستاندا شامامەن 90 مىڭ توننا قانت قورى بار جانە رەسپۋبليكا قانتپەن تولىق قامتاماسىز ەتىلگەن.

سوڭعى جاڭالىقتار