باس پروكۋراتۋرا قاڭتار وقيعاسى بويىنشا ۇستالعان شەتەلدىكتەردىڭ قانداي كۇدىككە ىلىنگەنىن ايتتى

نۇر- سۇلتان. قازاقپارات - ق ر باس پروكۋراتۋراسى قىلمىستىق ىستەردى قاداعالاۋ قىزمەتىنىڭ باستىعى سەرىك شالابايەۆ قاڭتار وقيعاسى كەزىندە ۇستالعان شەتەلدىكتەر قانداي كۇدىككە ىلىنگەنىن ءمالىم ەتتى، دەپ حابارلايدى قازاقپارات ءتىلشىسى.

«تەرروريزم جانە جاپپاي تارتىپسىزدىككە قاتىسۋ كۇدىگى بويىنشا ۇستالعانداردىڭ اراسىندا شەتەل ازاماتتارى بولدى ما؟»، - دەپ سۇرادى دەپۋتات اسقاربەك ۇيسىمبايەۆ ءماجىلىستىڭ جالپى وتىرىسىندا.

باس پروكۋراتۋرا وكىلىنىڭ ايتۋىنشا، قازىر 19 شەتەل ازاماتى كۇدىكتى رەتىندە ۇستالعان.

«بۇگىنگى كۇنى بىزدە قىلمىستىق ءوندىرىس بويىنشا جالپى 19 شەتەلدىك ازامات بار. ونىڭ باسىم كوپشىلىگى، 11- ءى - وزبەكستان ازاماتتارى، تورتەۋى - رەسەيدەن، ەكەۋى - قىرعىزستاننان جانە قىتاي حالىق رەسپۋبليكاسى مەن تاجىكستاننان 1 ادامنان بار. بۇل ازاماتتاردىڭ ءىس- ارەكەتتەرى جاپپاي تارتىپسىزدىكتەرگە قاتىسۋ بويىنشا، ۇرلىق جانە باسقا دا قىلمىستارمەن دارەجەلەنەدى. ارينە، بۇل مالىمەتتەر تۇپكىلىكتى ەمەس. تەرگەۋ ءجۇرىپ جاتىر، وزگەرۋى مۇمكىن»، - دەدى سەرىك شالابايەۆ.

اۆتور: ەسىمجان ناقتىباي