قاڭتار وقيعاسىنا قاتىسى بار دەسترۋكتيۆتى اعىمنىڭ وكىلى ىزدەۋدە ءجۇر - ريزابەك وجاروۆ

نۇر- سۇلتان. قازاقپارات - ق ر ارنايى پروكۋرورلار قىزمەتىنىڭ باسشىسى ريزابەك وجاروۆ ءماجىلىستىڭ جالپى وتىرىسىندا قاڭتار وقيعاسىنا قاتىسى بار دەگەن كۇدىكپەن ۇستالعان دەسترۋكتيۆتى ءدىني اعىم وكىلدەرى تۋرالى مالىمەت بەردى ، دەپ حابارلايدى قازاقپارات ءتىلشىسى.

ءماجىلىستىڭ جالپى وتىرىسىندا دەپۋتات بەرىك بەكجانوۆ باس پروكۋرورعا قاڭتار وقيعاسىنا قاتىسى بار دەسترۋكتيۆتى ءدىني اعىمدار مەن ەكسترەميستىك ۇيىمداردىڭ وكىلدەرى تۋرالى سۇراق قويدى. بۇل سۇراققا ق ر ارنايى پروكۋرورلار قىزمەتىنىڭ باسشىسى ريزابەك وجاروۆ جاۋاپ بەردى.

«ارنايى پروكۋرورلاردىڭ قاراۋىنداعى قىلمىستىق ىستەر بويىنشا دەسترۋكتيۆتى ءدىني اعىمداردىڭ 10 وكىلى جانە تىيىم سالىنعان ەكسترەميستىك ۇيىمداردىڭ 20 مۇشەسى كۇدىكتى رەتىندە ۇستالدى. دەسترۋكتيۆتى ءدىني اعىمدى ۇستاۋشى 9 ادام قاماۋعا الىندى. بىرەۋى ىزدەۋدە ءجۇر. بىرەۋىنە اكىمشىلىك عيماراتتى باسىپ الۋ، قارۋ ۇرلاۋ بويىنشا ايىپ تاعىلعان. 8 ادام جاپپاي تارتىپسىزدىككە قاتىستى دەگەن كۇدىك بار. ال ەكسترەميستىك توپتارعا قاتىسى بار دەلىنگەن كۇدىكتىلەردىڭ 19-ى قاماۋدا جاتىر. بىرەۋى ەشقايدا كەتپەۋ تۋرالى قولحات جازدى. ولار جاپپاي تارتىپسىزدىك ءىسى بويىنشا ءوتىپ جاتىر. بۇل ادامداردىڭ باسقا دا قىلمىستارعا قاتىسى بار- جوعى انىقتالۋدا»، - دەدى ريزابەك وجاروۆ.

اۆتور: ەسىمجان ناقتىباي